Стен Вавринка во Новата година тргна сигурно, па во два сета издвои победа над Карен Хачанов на АТП Мастерсот 250 во Доха. Во тесната пресметка пресуди само еден брејк, кој Швајцарецот го оствари при стартот на вториот сет, а претходно преку тајбрејк Вавринка поведе со 1-0.
Хачанов го загуби вториот гем во кој сервираше, но до самиот финиш се обидуваше да се врати во игра. Сепак, на 5-4 во корист на Вавринка, тој ја искористи втората меч топка, па си обезбеди осминафинален меч против Николас Јари на турнирот кој се одржува во Катар.
Последниот меч од денешната програма е пресметка меѓу првиот светски рекет Новак Ѓоковиќ, кој ќе игра против Дамир Џумхур, средба која треба да започне во секој момент.
