Новото огромно засилување на Пари Сен Жермен, Лионел Меси, својот прв официјален настап во дресот на Светците ќе го има на 29-ти август, кога во рамките на четвртото коло од француската лига, ПСЖ ќе го пречека Ремс.
Од клубот сакаат дебито на Меси да биде на домашен терен на „Паркот на принцовите“, и затоа Меси нема да игра в петок на гостувањето кај Брест, иако Лео кој долго беше на одмор и немаше тренирано, можеби е подготвен да добие одредена минутажа уште тогаш. Сепак, нема да се ризикува, Меси ќе добие повеќе време за подготовка и фановите на ПСЖ уште отсега во календарот со црвена боја го заокружуваат 29-ти август.
Парижаните победија во првите две кола од новата сезона во Лига 1, но кога на ѕвездениот тим ќе му се приклучи и Меси, тоа ќе биде спектакл, и со нетрпение ќе се чека да се види како ќе функционира тимот на Маурисио Покетино.