Не може без проблеми кога се работи за составот на Македонија. Последните вести се дека Дарко Велковски се повредил на последниот тренинг, додека Адеми ќе ја добие трката со времето и треба да биде пристигне навреме од Загреб, за утрешната средба против Италија.
„Дарко Велковски почувствува болки во ногата на претходниот тренинг и е неизвесен дали ќе биде во конкуренција за утрешниот меч. Алексадар Трајковски делува многу мотивирано и подготвено да се стави во служба на тимот. Без разлика што тие сега немаат клуб, секогаш може да помогнат на репрезентацијата. Адеми го очекуваме навреме да ни се приклучи и се надевам дека ќе игра“, рече Милевски на денешната прес конференција.
