Австралиецот со македонско потекло, Александер Волкановски, го загуби шампионскиот појас во перолесна категорија откако на приредбата УФЦ 298 која се одржа во Анахајм, САД, беше нокаутиран од предизвикувачот Иља Топурија.
Will there be a rematch on the horizon?@AlexVolkanovski | #UFC298 pic.twitter.com/h2aINanba1
— UFC (@ufc) February 18, 2024
Во главната борба на вечерта, Топурија, со нокаутот во втората рунда, го задржа перфектниот учинок во УФЦ, седум победи во седум меча, од кои четири со нокаут и еден до предавање на противникот.
Ilia Topuria has the kiss of death. pic.twitter.com/Z4znr7O4Jc
— Jack Krucial – The Combat Therapist🥷🏽武 (@CombatTherapist) February 18, 2024
По три и пол минути борба во втората рунда, Топурија со десно кроше го погоди Волкановски во брадата, по што судијата одлучи да ја прекине борбата.
"Trust yourself. Work tirelessly. Have faith and anything is possible."@TopuriaIlia shares his first thoughts after becoming the NEW featherweight champion #UFC298 pic.twitter.com/ybicFRtsMT
— UFC (@ufc) February 18, 2024
Во останатите борби, поранешниот шампион во средна категорија, Роберт Витакер потсети на своите најдобри денови и го победи Пауло Коста на поени.
Јан Гари во велтер категорија исто така на поени беше подобар од Џоф Нил, исто како и Мераб Двалишвили кој го совлада поранешниот шампион Хенри Цехудо.
Главната вечер на приредбата беше отворена со победата на со гушење на Антони Хернандез над Роман Копилов.
