За ова се живее – Како дете доби автограм од големиот шампион, денеска го пречека на гости и успеа да го победи (Фото)

Мигел Оливеира постигна голем успех, денеска по вторпат победи во најсилната класа Мото ГП 500, на домашен терен во Портимао на Гран-При Португалија, а посебна радост му донесе триумфот против големиот идол Валентино Роси.

Потугалецот не крие дека е голем фан на популарниот Доктор, а и самиот објави фотографија од детските денови, како чека во ред за автограм од Роси.

Тогаш успеа да добие и потпис од големиот шампион од Италија и насмевка од Роси, а сезонава успеа и по вторпат да го победи на тркачка патека.

Првпат успеа во Австрија во август годинава, што му беше прв триумф во Мото ГП 500, а и денеска беше побрз од Докторот, со што триумфално со победа на домашен терен ја спушти завесата во сезоната 2019/20 во најсилната мото класа на светот.

Роси е еден од најдобрите претставници во овој спорт со вкупно девет шампионски круни, 7 од нив во премиерната клас, а тој е сопственик на многу индивидуални рекорди во светот на мотоциклизмот.

Пред него на вечната листа со најмногу титули во Мото ГП 500 класата е само Џакомо Агостини, кој беше шампион 8 пати, еднаш повеќе од Роси.

- Оглас -

Најнови вести