Босна и Херцеговина сама си решаваше за судбината дали ќе игра во баражот за пласман на Светското првенство и падна на првата пречка. На свој терен во Зеница, Босна и Херцеговина загуби од Финска со 1:3 и на тој начин наместо да брка второ место, ги загуби сите шанси за пласман во баражот.
Освен што загубија на теренот, домаќините се посрамотија и надвор од него. Пред мечот, имаше повеќе инциденти, а посебно голем беше тој меѓу навивачите на Зрински и Вележ.
Во тепачката беа користени факели, метални прачки и камења, а едно лице е потешко повредено.
