Карлес Пујол додека играше за Барселона, беше повеќе од обичен капитен на тимот, вистински водач, симбол на клубот, го идентификуваа со дресот на клубот, играше со срце и затоа се одвојуваше од останатите. И сега, кога тој има 42 години и веќе не е активен фудбалер, не може да биде поинаков, туку си остана фајтер, жесток маж кој оди на сè или ништо дури и кога игра тенис со пријателите.
Пујол со Барса и шпанската репрезентација освои сè, а веќе шест години е во пензија и повремено игра тенис. Иако тоа е спорт во кој нема контакт со противник, кога игра Пујол, мора да има крв, макар и негова. Тој во обид да врати еден лоб, се затрча и мина низ стаклена врата. Бушавиот Каталонец сето ова го проследи со насмевка и сликата со крвта на ногата ја сподели со јавноста. Раната ќе зарасне и додека го држат нозете, тој ќе пристапува на ист начин, или 100 проценти или никако.