Зеќира ја откри ујдурмата со ВАР системот на ЕП – Судиите си нацртаа линија за офсајд од погрешната страна (Фото)

Резервната голманка на Шведска, Зеќира Мушовиќ ја откри ујдурмата на судиите во ВАР собата и покажа и практично со фотографија дека направија огромна грешка кога го поништија голот на нејзината репрезентација против Швајцарија.

„Нашиот гол беше поништен поради офсајд, но офсајд линијата е повлечена на погрешната страна од топката. Значи имаме ВАР соба што е смислена како поддршка за главниот судија, но тие не ги знаат правилата. Ова е смешно“, напиша Мушовиќ на Твитер, објавувајќи ја фотографијата што официјално ја презентираа од ВАР собата како причина за поништениот трет гол на Шведска.

Се бунеа и Швајцарките за два недосудени пенали и отсуство на реакција од ВАР собата, па поплаки има и од двете страни за вчерашниот меч од второто коло во фазата по групи на Европското првенство за жени.

Шведска победи со 2:1 и заедно со Холандија е на делба на првото место во Ц групата со по 4 бода.

Швајцарија и Португалија имаат по еден бод пред стартот на последното коло во групата.

Шведска ќе игра со Португалија, а им одговара и реми за пласман понатаму, исто како и на Холандија на последниот меч од групата што ќе го играат со Швајцарките.

 

 

- Оглас -

Најнови вести