Франција беше многу подобра од Мароко и победи со 4-0 во последното осминафинале на Светското првенство за фудбалерки.
Ѕвезда на мечот беше Кадидијату Дијани, која постигна два гола, а имаше и една асистенција. Фудбалерката на Лион досега на Мундијалот во Австралија и Нов Зеланд има постигнато четири гола и три асистенции.
Четвртфиналните двојки на женското СП се: Шпанија – Холандија, Јапонија – Шведска, Австралија – Франција и Англија – Колумбија.
