Милан во саботата претрпе тежок пораз од Аталанта со 0-3 на „Сан Сиро“, a првата ѕвезда на Росонерите Златан Ибрахимовиќ, сега мора да трпи и провокации од играчите на Божицата.
Имено, Златан и Запата вербално се закараа во второто полувреме, во еден момент кога Ибрахимовиќ бараше пенал, на што напаѓачот на Аталанта му се обрати: „Не можете да одиграте натпревар без пенал, па бараш и 13-ти?“
Златан не остана должен и му врати: „Имам постигнато повеќе голови отколку ти што си одиграл натпревари во кариерата“.
*posts video and hide* 🏃💨 pic.twitter.com/2NA4C6tDYG
— Marten de Roon (@Dirono) January 25, 2021
Додека останатите молчеа, играчот за врска Мартен де Рон на „Твитер“ објави видео кое почнува токму со обраќањето на Златан, а потоа следуваат трите погодоци на гостите од Бергамо.
Познавајќи го Швеѓанецот, наскоро може да се очекува негов одговор.
