Лос Анџелес лејкерс го пречекува Далас маверикс во дербито на вечерта во НБА лигата. Тоа ќе биде прв дуел сезонава на двете големи ѕвезди, Леброн Џејмс од една и Лука Дончиќ од друга страна. Леброн низ годините стана легенда на НБА лигата и сигурно еден од најдобрите во историјата, додека Дончиќ е играчот пред кого е иднината и тој треба да биде шоу играчот во следните години.
Дончиќ за прв пат ќе игра на Божиќ и противник ќе му биде токму Леброн.
„Се радувам што мојот прв Божиќен меч ќе биде против Лос Анџелес лејкерс. Сигурно ќе биде забавен и добар меч. Знам дека ќе гледаат голем број луѓе и се надевам дека ние на крајот ќе се радуваме“, вели Дончиќ, кој се присети и на првиот меч против Џејмс.
„Кога прв пат заиграв против Леброн имав само 19 години и долго ќе памтам дека го чекав пред соблекувалната за да ми го даде неговиот потпишан дрес. Од тогаш многу работи се сменија и секако дека сега очекувам еден поинаков натпревар“, вели Словенецот, кој додаде дека е научен да игра под притисок.
After the game, rookie Luca Doncic waited in the hallway to get LeBron James’ jersey from tonight’s game, which James signed. pic.twitter.com/N77e8xjWjO
— Dan Woike (@DanWoikeSports) November 1, 2018