Јута џез несреќно беше елиминирана од Денвер во првото коло од плјеофот во НБА откако Џезерите прокоцкаа предност од 3:1 во победи и на крајот беа елиминирани со 4:3, а последниот седми меч имаше неверојатна завршница. Донован Мичел беше предводникот на Јута, но и покрај неговата одлична игра, тимот не успеа да помине во следната фаза.
Мичел веќе три сезони е во Јута и се промовираше во лидер, па затоа ќе добие заслужена награда на финансиски план. Јута ќе му понуди максимален договор од 170 милиони долари за пет сезони. Мичел во серијата против Денвер имаше просек од 36,2 поени, а на две средби даде 50+ поени, што само го потврдува неговиот квалитет.