Манчестер јунајтед синоќа загуби на гостувањето кај Башакшехир со 2:1, во меч на кој дефанзивците на премиерлигашот направија две катастрофални грешки, а турскиот тим тоа знаеше да го казни. Деби на европската сцена на дуелот во Истанбул имаше Ден Хандерсон.
Голманот, кој има 23 години, воопшто не беше виновен за двата гола што ги прими затоа што неговите соиграчи буквално го оставија на цедило. Посебно беше неверојатно како дефанзивците на гостите го оставија Демба Ба да погоди од контранапад. Тоа е погодок кој може да се види во детските лиги.
Интересна е приказната за Хандерсон, кој пред четири години бранеше за У23 тимот на Манчестер. На 25 февруари 2016 година тогаш непознатиот тинејџер Маркус Рашфорд се промовираше како ѕвезда во подем,откако ги постигна првите два гола за Манчестер јунајтед.
По постигнување на еден од головите, Рашфорд втрча кон трибините да прослави, и тоа директно со Хандерсон.
When Marcus Rashford scored his first-ever Man Utd goal back in 2016, he ran over and celebrated with Dean Henderson in the Old Trafford crowd.
Tonight, Henderson and Rashford line up 𝙩𝙤𝙜𝙚𝙩𝙝𝙚𝙧 for Man Utd's senior team for the first time…
Incredible ❤️🖤 pic.twitter.com/kHedwfZpkh
— Football on TNT Sports (@footballontnt) November 4, 2020
Подоцна Хандерсон замина да брани во Гимсби во четвртата лига, па една сезона бранеше во Шрусбери во третата лига, а потоа две сезони беше на голот на Шефилд, со кого од Чемпионшип се пласираше во Премиер лигата.
Хандерсон сезонава се врати во Манчестер и дебитираше во европските купови, а во тимот на Црвените ѓаволи во нападот беше и Маркус Рашфорд, со кого пред четири години славеше, но од трибините.
