Лука Дончиќ уште од стартот на новата сезона покажува дека е во врвна форма, иако многумина го критикуваа дека физички не бил доволно подготвен. Словенецот ноќеска одигра одличен дуел и беше најзаслужен за победата на Далас против Денвер, дури по продолжение. Дончиќ заврши со 38 поени, 13 асистенции и 9 скока, па иако остана без трипл-дабл учинок за еден скок, во клучните моменти ладнокрвно ги реши Нагетси.
По завршување на мечот, Лука директно од паркетот им беше гостин на легендарните Шекил О’Нил и Чарлс Баркли, кои му поставија интересно прашање. Словенецот требаше да одговори од кои кошаркари најмногу учел и дали е тоа повеќе од Американците или Европејците.
„Би рекол дека од сите имам земено по нешто. Секако дека во НБА секогаш ја следев играта на Леброн Џејмс, а во Шпанија имав одлични соиграчи, како што се: Серхио Љуљ, Фелипе Рејес и Руди Фернандес. Многу научив од нив. Големо влијание на мојата игра имаше и Спанулис, не знам дали вие го знаете, тој играше во Олимпијакос“, рече Дончиќ.
👏 Grande, @luka7doncic !!!!! pic.twitter.com/eWwD9Sojky
— Felipe Reyes (@9FelipeReyes) January 8, 2021
Кога Баркли ги слушна имињата на европските кошаркари, очигледно немаше многу поим кои се тие, а за Спанулис запраша дали е тоа лик од некој филм, покажувајќи дека нема поим кој е еден од најдобрите европски кошаркари.
Chuck and Shaq were having too much fun with @luka7doncic 😂 pic.twitter.com/mGU4qxrCG5
— NBA on TNT (@NBAonTNT) January 8, 2021
