И Меџик Џонсон е воодушевен од настапот на Леброн Џејмс во ноќта во која популарниот Крал го урна рекордот со 162 победи во плејоф-натпреварите во НБА-лигата.
На Меџик му се бендиса магијата на Џејмс, особено во првото полувреме, во кое првата ѕвезда на Лос Анџелес лејкерс постигна 29 поени и одигра блескаво.
„Едно од најдобрите полувремиња во плејоф-меч што сум ги видел од Леброн Џејмс. Погодуваше од сите позиции на теренот“, објави на „Твитер“, Меџик Џонсон.
One of the best performances I've ever seen in one half of playoff basketball by LeBron James!! He scored from every spot on the floor!
— Earvin Magic Johnson (@MagicJohnson) September 9, 2020
Џејмс постигна вкупно 36 поени и беше најефикасен во втората плејоф победа на Лос Анџелес лејкерс против Хјустон во полуфиналето во Западната конференција. Езерџиите водат со 2:1 во трката по 4 победи за пласман во финалето на Западот во НБА, а Леброн стана кошаркар со најмногу победи во плејоф-мечевите и сега има 162, една повеќе од Дерек Фишер, кој исто така играше за Лејкерс, како и Меџик Џонсон.