Не е лага – Јанис е толку добар, се закани пак да ги скара Франција и Алжир

Јанис Лага се најде во незгодна позиција, веројатно и за првпат во историјата на фудбалот е повикан за две селекции кои ќе играат меѓусебе два меча во октомври, па останува да одлучи дали ќе игра за Франција, или за Алжир во Клерфонтејн на 9. и на 12. октомври.

Досега не се случило двајца различни селектори пред меѓусебен меч да стават на список ист фудбалер, а токму таков е случајот со 18-годишнито фудбалски бисер на Лион.

Лага треба да одлучи на која страна од теренот ќе биде на дуелите на двете селекции за играчи до 18 години, а изборот не е лесен.

Лага е роден во Франција, но има потекло од Алжир, ситуација што е слична на легендарниот Зинедин Зидан, но ниту Зизу не беше во позција пред меѓусебни дуели на двете селекции да биде повикан од двете земји да игра за нив.

Лага е на списокот и на француската репрезентација, но и на алжирската за двата меча во Клерфонтејн, кои се пријателски, но ситуацијата се заканува пак да ги скара двете земји.

Алжир долго време беше француска колонија, но се избори за независност во 1962 година, по повеќе од едновековна власт на Французите.

 

- Оглас -

Најнови вести