Дома Blog Страница 10608

Игуаин е неизвесен за дербито против Јувентус

Трајан Маневски
-
0

Милан е во низа од три победи во италијанската Серија А. „Росонерите“ вечерва се израдуваа на триумф против Удинезе. Единствена лоша работа за „росонерите“, од овој меч е повредата на Гонзало Игуаин.

Аргентинскиот голгетер беше заменет во 35 минута од првото полувреме, кога се пожали на болки во грбот. Според прогнозите, се работи за незгодна повреда која може да го одвои Игуаин од теренот и тој да не игра на следниот меч од првенството.

Милан во следното коло, на 11 ноември го очекува големото дерби против Јувентус. Актуелниот шампион ќе гостува на „Сан Сиро“, а можно е Милан да биде без Игуаин во тимот, играчот кој дојде токму од редовите на гигантот од Торино.

Со освоените три бода на мечот против Удинезе, Милан има 21 бод, точно 10 помалку од лидерот Јувентус.

Милан се израдува во 97 минута, судијата прво го поништи погодокот, па досуди гол (Видео)

Трајан Маневски
-
0

Милан со погодок во последните секунди од мечот, победи на гостувањето кај Удинезе со 1:0. Капитенот Алесио Ромањоли втор пат за само неколку дена е херојот на „росонерите“. Откако во средата даде гол во 91 минута за триумф против Џенова, овојпат ја затресе мрежата на Удинезе и тоа во 97 минута.

Требаше да се играат 4 минути продолженија, но во судиското надополнување Удинезе остана со играч помалку по црвениот картон на еден од домашните фудбалери. Токму поради тој црвен картон, иргата беше дополнително продолжена, а Милан тоа го искористи и со голот на Ромањоли стигна до победа.

Гостите се израдуваа на голот, кога судијата покажа дека имало офсајд, па го поништи погодокот. Сепак, по прегледување на ситуацијата со помош на ВАР системот, голот беше признат, што значеше и победа за Милан.

За „росонерите“ ова е трета победа во низа и е одлична најава за дербито во следното коло против Јувентус на „Сан Сиро“.

 

Матиќ поради еден цвет бил подготвен и да си оди од Манчестер јунајтед

Трајан Маневски
-
0

Српскиот репрезентативец Немања Матиќ бил подготвен да го напушти Манчестер јунајтед и тоа пред вчерашниот меч против Борнмут. Матиќ беше единствениот фудбалер на теренот на Борнмут, кој на својот дрес не го носеше „полското цвеќе“. Тоа е цвеќе со кое во англискиот фудбал се оддава почит на англиските војници кои загинале во Првата светска војна, но и во чест на НАТО војниците.

Матиќ не ни знаел зошто служи тој цвет. Кога го видел залепен на неговиот дрес и кога разбрал дека е во чест и на НАТО војниците, Србинот бурно реагирал.

„Ми ја бомбардиравте земјата, нема шанси да го носам ова. Ако треба, подготвен сум веднаш да си заминам од клубот“, била реакцијата на Матиќ, непосредно пред вчерашниот меч против Борнмут.

Во англискиот фудбал не е задолжително да се носи ова цвеќе на дресот, а ниту од Федерацијата наметнуваат казна за одбивање да се носи тој симбол.

Салах доби статуа, ама личи на циркузант и сите му се смеат

Трајан Маневски
-
0

Египетскиот скулптор Маи Абдел реши да изработи статуа во чест на Мохамед Салах, но работите тргнаа во непосакувана насока. Статуата требало да покажува како Салах се радува на постигнат гол, но кога ќе го погледнете крајниот производ од скулпторот, тешко дека некој ќе го асоцира дека тоа треба да е Салах.

Голгетерот на Ливерпул не е прв и единствен кој добил ваква смешна статуа. Пред неколку години, статуата на Кристијано Роналдо беше уметничка катастрофа, бидејќи воопшто не личеше на еден од најдобриот фудбалер во историјата.

Вчера во Англија победија во чест на газдата, а денеска во Бангкок го погребаа (Фото)

Трајан Маневски
-
0

Човекот кој од Лестер ја создаде најубавата фудбалска приказна во Премиер лигата, Вишај Шриваданапраба денеска беше погребан во Бангкок. Газдата на Лестер минатата сабота загина во хеликоптерска несреќа заедно со уште четри лица. Несреќата се случи веднаш по завршување на дуелот Лестер – Вест Хем, а хеликоптерот падна на паркингот пред стадионот „Кинг Пауер“.

Иако имаше можност Лестер да го одложи дуелот против Кардиф, играчите одлучија да играат и да победат на гостувањето во Велс. Лестер вчера славеше со 1:0. Нецели 24 часа по победата над Кардиф, дури 13 играчи на Лестер решија да отпатуваат во Тајланд и во Бангкок и денеска присуствуваа на погребот на газдата Шриваданапраба.

Со авион патуваа дури 13 часа за да му оддадат последна почит на сопственикот на Лестер и човекот кој од Лестер направи шампион на Англија. Меѓу оние кои отпатуваа во Бангкок беа и Каспер Шмајхел, Џејми Варди, Хари Мегвајер, како и капитенот Вес Морган.

Поради Санчез, Манчестер не може да ги продолжи договорите на Де Хеа и Марсијал

Трајан Маневски
-
0

Огромната плата која ја добива Алекси Санчез во Манчестер јунајтед е причина за создавање на проблем во клубот од „Олд Трафорд“. Најтрофејниот англиски клуб сака да ги продолжи договорите на голманот Давид де Хеа и напаѓачот Антони Марсијал, но нема доволно средства со кои не би го прекршил финансискиот фер плеј на УЕФА.

Санчез добива 400.000 фунти неделно и поради таа огромна сума, доаѓа до проблем за ревидирање на платите на останатите ѕвезди во тимот. Голманот Де Хеа за продолжување на договорот бара неделна плата од 300.000 фунти, додека францускиот напаѓач е задоволен со 140.000 фунти неделно.

Да биде маката поголема Санчез не само што добива огромна плата, Чилеанецот е најголемо разочарување во Манчестер. Откако пристигна на „Олд Трафорд“, Санчез одигра 20 меча во Премиер лигата и даде само три погодоци. За да се излезе од оваа ситуација и Де Хеа и Марсијал да ги добијат новите договори, Манчестер ќе се обиде во јануарскиот преоден рок да го продаде Санчез, но тешко кој би прифатил да му ја дава таа плата која ја добива во моментов.

По точно 40 години, повторно чудо во Англија

Трајан Маневски
-
0

Челзи славеше против Кристал Палас и со тоа остана во друштво на Манчестер сити и Ливерпул како три екипи кои немаат пораз во Премиер лигата. Тоа и не би било толку чудно, но ако се знае дека досега поминаа 11 кола во првенството е навистина чудо. Вакво нешто, да има три екипи без ниту еден пораз досега никогаш не се случило во Премиер лигата од формирањето во 1992 година.

Последен пат три екипи да се непоразени по 11 одиграни кола во елитната англиска лига се случило во далечната 1978/79 сезона, односно пред точно 40 години. Вчера Ливерпул одигра 1:1 на гости кај Арсенал и освои бод, иако може да жали за победата, бидејќи имаше предност до неколку минути пред крајот. Денеска, Манчестер сити и Челзи лесно го совладаа своите противници. Актуелниот првак со 6:1 го растури Саутемптон, а Челзи имаше повеќе милост кон Кристал Палас и победи со 3:1.

„Граѓаните“ во следното коло ќе го имаат најголемиот предизвик. На свој терен ќе играат против градскиот ривал Јунајтед. Челзи и Ливерпул би требало да имаат полесна задача во обид да се задржи серијата без пораз. Лондонските „сини“ на свој терен играат против Евертон, додека Ливерпул на „Енфилд Роуд“ ќе го пречека Фулам, кој е во низа од четири порази. Ваквиот распоред во 12. коло ветува дека серијата на водечката тројка може уште да трае.

Пет од пет за Блокотехна, Кожув подобар од Куманово

Томас Ѓорѓиевски
-
0

Блокотехна продожува во победнички ритам и по пет натпревари во Првата лига на Македонија. Денес лесно го совладаа тимот на Вардар при конечни 88:67. За ново славје на гевгеличани пресудна беше втората четвртина, која кошаркарите на Илиевски ја освоија со 36-18, па во продолжението без поголеми проблеми ја сочуваа предноста.

Главчев и Мијатовиќ со по 20 поени беа најзаслужни за победата на Блокотехна, Провел беше најефикасен со исто така 20 поени кај Вардар, додека Каруки со 13 поени и 13 скока заврши со дабл-дабл учинок.

Куманово по трите победи во низа, сега нареди два порази, откако денес загуби со 56:50 на гости кај Кожув. По неизвесното прво полувреме, Кожув ја направи првата поголема иницијатива, па во третата четвртина за момент имаа и +10. Предноста ја одржуваа иако кумановци се вратија на само четири поени негатива, но не успеаја да го свртат резултатот во своја корист, што значеше ново разочарување за кошаркарите на Aлександар Петровиќ.

Пековиќ и Караколев беа најефикасни во составот на Кожув со по 11 поени, 10 поени додаде Мишковиќ, додека кај Куманово најрасположен беше Ѓекиќ со 14 поени.

Шпанска комбинација на „сините“ за славје против Кристал палас

Томас Ѓорѓиевски
-
0

Челзи со 3-1 против Кристал палас ја забележа осмата овосезонска победа во Премиер лигата. Благодарение на шпанското дуо Мората-Педро, „сините“ остануваат непоразени и по 11 меча во англискиот шампионат, повторно се на второто место со 27 бода, два помалку од лидерот Сити, а со ист број на бодови како и Ливерпул, но подобра гол-разлика.

Мората го отвори резултатот во 32-та минута по асистенција на неговиот сонародник Педро, за водство на избраниците на Маурисио Сари по првите 45 минути. Мал шок за „сините“ беше израмнувачкиот гол на Таунсенд во 53-тата минута, но неивесноста траеше малку повеќе од десетина минути.

Само една минута по влегувањето на Азар, Белгиецот од прекин асистираше за вториот погодок на Мората на средбата, во 65-тата минута, а Педро го реши победникот само пет минути подоцна, откако ја затресе мрежата по прецизното додавање од Алонсо.

Кристал палас влезе во негативна серија од четири порази на последните пет натпревари во шампионатот, и само едно реми, па така со осум бода се наоѓаат на 14-тото место на табелата.

Сефте победа за Металург во Лигата на шампионите

Томас Ѓорѓиевски
-
0

Металург го совлада тимот на Чеховски медведи со конечни 25-24, во шестото коло во Лигата на шампионите. Изрбаниците на Данило Брестовац конечно се израдуваа на победа во европскиот шампионат, откако претходно ги загубија првите пет сребди.

Последните минути од првото полувреме беа клучни за победата на „металурзи“, кога ја направија најголемата разлика од шест гола, па со 16-10 заминаа на паузата.

Гостите на стартот од вториот дел за успеаја да ја намалат негативата на само три гола, додека во последните пет минути предноста на Металург се стопи на два гола. Сепак, во финишот Чеховски останаа со играч помалку, но создадоа драма постигнувајќи гол во последната минута за 25-24, а потоа го промашија во нивниот последен напад за евентуално реми, па Даниловски ја забележа 18-тата интервенција и ја осигура победата за нашиот претставник.

 

 

1...10.60710.60810.609...10.805Страна 10.608 од 10.805