Дома Blog Страница 10629

Ова се четворицата што загинаа заедно со газдата на Лестер

Златко Јуруковски
-
0

Освен тајландскиот милијардер Вишај Шриваданапраба, кој е сопственик на фудбалскиот клуб Лестер, во хеликоптерската несреќа во саботата вечерта загинаа и неговите пријатели Кавепорн Пунпаре и Нурсара Сукнамаи, како и пилотот Ерик Свафер со партнерката Изабела Роза Лехович.

Пилотот Свафер имал 20-годишно искуство на управување со приватни авиони и хеликоптери, тој летал со многу познати личности и членови на кралското семејство, па се верува дека дал сè од себе да ја спречи трагедијата. Свафер имал 53 години, а неговата девојка Изабела имала 46 и тој секаде ја носел со себе. Лехович, која е од Полска и исто така била пилот, во 1997 година се преселила во Велика Британија.

Нурсара Сукхамаи имала 33 години и таа е најмладата загината. Прво се шпекулираше дека станува збор за ќерка на Вишај, но не е така. Таа му била пријателка на сопственикот, во 2005 година добила награда за фотогеничност на изборот за Мис универс на Тајланд. На нејзините профили на социјалните мрежи може да се видат слики од соблекувалната на Лестер со ѕвездите како Варди и Шмајхел. Тајланѓанецот Пунпаре му бил десна рака на Вишај, за него нема многу информации, само се знае дека прекарот му бил „голф“.

Вишај имаше 60 години и четири деца, а клубот Лестер го купи во 2010 година.

Тухел откри зошто го седна Мбапе на клупа: Се работи за дисциплинска одлука

Томас Ѓорѓиевски
-
0

ПСЖ вчера ја продолжи серијата на 11 победи во францускиот шампионат, по триумфот од 2-0 на гости кај Марсеј. „Светците“ до водечкиот гол стигнаа преку Килијан Мбапе, пред Дракслер да го реши победникот во финишот, а предводникот на ПСЖ, Томас Тухел, по мечот откри зошто пред дербито се одлучил да направи промени во стартниот состав и да ги седне Мбапе и Рабио на клупа.

Како што кажа Тухел, Мбапе и Рабио задоцниле на последниот состанок, па им ставил до знаење дека вакви работи нема да се толерираат, на ниту еден играч нема да му прогледа низ прсти доколку не се почитува зборот на тренерот. Мбапе и покрај тоа што влезе во игра во вториот дел, придонесе за победата со водечкиот гол во 65-тата минута.

„Станува збор за дисциплинска одлука. Мбапе и Рабио доцнеа на последниот тимски состанот пред мечот, па со стручниот штаб одлучивме дека не треба да почнат од првата минута. Ќе беше голема штета ако не победевме, бидејќи преферирам Мбапе и Рабио да се во стартниот состав, особено во вакви пресметки, но оваа одлука беше неопходна, мора да се знае редот. На крајот, резултатот се покажа во наша корист“, истакна Тухел.

Драма со несреќен крај: Ибрахимовиќ во шок (Видео)

Трајан Маневски
-
0

Златан Ибрахимовиќ разочаран и со неверување го дочека крајот на дуелот Лос Анџелес галакси против Хјустон Динамо. Во последниот меч од регуларното коло на ЛА галаски пред своите навивачи му требаше победа за да обезбеди место во плејофот.

Сè одеше како што посакуваа домашните. Галакси на полувремето водеше со 2-0, а Ибрахимовиќ не беше меѓу стрелците. Иако се очекуваше сигурно второ полувреме, се случи голем пресврт. Во вторите 45 минути, Хјустон даде три гола и победи, оставајќи го ЛА галакси без место во плејофот.

https://twitter.com/AZLIYAHYA1/status/1056759970392227840

По завршување на средбата, Ибрахимовиќ само седна на клупата се резервни играчи и разочарано гледаше во земја. И останатите играчи на ЛА галакси не можеа да веруваат дека успеаја да го загубат мечот на кој водеа со 2-0 на полувремето.

Рекорд на Сари: Прв менаџер на „сините“ без пораз во првите 10 меча

Томас Ѓорѓиевски
-
0

Со демолирањето на Барнли со 4-0, менаџерот на Челзи, Маурицио Сари, постави нов клупски рекорд. „Сините“ под водство на италијанскиот стратег стигнаа до 10 натпревари во Премиер лигата во кои не претрпеле пораз, што за прв пат се случува во историјата на клубот.

Клубот од Лондон по 10 кола, има седум победи и три ремија, па заедно со Ливерпул и Манчестер сити и натаму се единствените непоразени екипи во англискиот шампионат. Иако на клупата е само неколку месеци, Сари успеа да направи големи промени во клубот, пред сè на стратешки план, а офанзивниот фудбал засега им носи добри резултати на „сините“.

Челзи и во Лигата на Европа е максимален по три меча, има девет бода во групата, додека одиграаи еден меч во Карабао купот, каде што го елиминира Ливерпул со 2-1.

Единствениот пораз како предводник на Челзи, Сари го доживеа против Манчестер сити на стартот од сезоната, кога двете екипи се сретнаа во пресметката од Комјунити шилд, а „граѓаните“ славеа со 2-0.

Бускетс: Ова е златната ера на Барса, со Меси ќе бевме уште подобри

Томас Ѓорѓиевски
-
0

Серхио Бускетс е посебно среќен по големиот триумф од 5-1 во првото овосезонско Ел Класико против Реал Мадрид, а смета дека тимот покажал карактер и игра на високо ниво и без Лионел Меси. Бускетс смета дека со Лео, Барса ќе одиграше уште подобар меч.

„Уживаме во златната ера на Барселона, пресреќен сум како одигравме против големиот ривал. Покажавме дека можеме и без најдобриот во нашата екипа, а сметам дека со Меси на теренот, ќе бевме уште подобри. Особено ме радува како реагиравме по примениот гол, не се повлековме, туку напротив, сакавме да ги решиме дилемите и го сторивме тоа. Суарес беше неприкосновен пред голот, им создаде многу проблеми, ги заслужи сите овации“, посочи Бускетс.

 

Луис Хамилтон ќе го загрози рекордот на Михаел Шумахер?

Златко Јуруковски
-
1

Со титулата која ја освои годинава, Луис Хамилтон од Мерцедес дојде до својата петта светска титула во Формула 1 и се изедначи со Хуан Мануел Фанџо на второто место на вечната листа. Хамилтон првата титула ја освои пред десет години, во 2008, потоа за втората чекаше до 2010, а од 2014 наваму не беше првак само во 2016.

„Неверојатно е што се изедначив со Фанџо, човек кој се тркал во времето кога на црните луѓе не им беше дозволено да бидат во Формула 1. Да се родев тогаш, немаше да имам прилика да се тркам. Среќен сум што се родив и живеам во ова време“, изјави Хамилтон.

Најдобар е Михаел Шумахер со седум светски титули, но ако се знае дека момчето од Стивенејџ има 33 години, не се гледа крајот на неговата кариера, тој би можело да го стигне, па и да го надмине легендарниот Шуми. Договорот со Мерцедес му важи до 2020 година.

Со пет титули зад себе, 71 победа и 81 пол-позиција, Хамилтон веќе е меѓу најголемите во историјата на Ф1. Шумахер има 91 победа и седум титули, бројки кои не изгледаат недостижно, бидејќи Хамилтон почна да освојува трофеи и кога неговиот болид не е доминантен во однос на конкурентите како до лани.

БИЗАРНО: Боксер не прифати пораз и го нападна својот тренер (Видео)

Трајан Маневски
-
0

Леван Шонија е грузиски боксер кој направи еден од најбизарните инциденти во овој спорт. На турнир во Бугарија, Шонија не можеше да го прифати поразот од Спас Генов, па сакаше да докаже дека е подобар од противникот. Откако беше завршена борбата, судијата чекаше двајцата боксери да дојдат и да соопшти кој е победникот.

Сепак, наместо да ја фати раката на судијата, Грузиецот продолжи  уште да боксува. Тогаш во рингот влезе неговиот тренер, сакајќи да го смири и да го одврати од намерата. Тогаш Шонија направи неочекуван потег и го удри својот тренер.

https://twitter.com/MichaelBensonn/status/1056251614716157953

Болт побрзо истрча 100 метри отколку Погба да изведе пенал (Видео)

Трајан Маневски
-
0

Пол Погба го даде првиот гол за Манчестер јунајтед во победата од 2-1 против Евертон, но и покрај погодокот, сите му се смеат. Причина за тоа е пеналот кој го изведе Погба. Францускиот репрезентативец го промаши пеналот, но од одбиената топка, успеа да ја затресе мрежата на гостите.

Не беше смешно тоа што го промаши ударот од белата точка, туку начинот на кој го изведе. На Погба му беа потребни 10 секунди да истрча за да стигне до топката пред да ја шутне. Ако се направи споредба, светсиот рекордер на 100 метри Јусејн Болт побрзо ја истрчал атлетската патека, отколку Погба да стигне до топката за тие неколку метри кои му беа потребни да се залета.

https://twitter.com/Troll__Footbal/status/1056653148696334348

Сан Хозе и Вегас до победи по продолженија

Томас Ѓорѓиевски
-
0

Сан Хозе шаркс им го нанесе петтиот пораз во низа на хокејарите на Анахејм дакс, а по продолженијата „ајкулите“ се радуваа на победа од 4-3. Гостите во поголемиот дел од средбата го имаа резултатот, па Аберг на двапати го спасуваше својот тим, додека во дополнителното време погоди Мејер, по две минути игра.

„Златните витези“ од Лас Вегас го запишаа само третиот триумф сезонава по 11 средби во НХЛ, а ноќеска во неизвесната пресметка беа подобри од Отава сенаторс со 4-3. Иако гостите имаа предност од 2-0 на средината од вториот период, во последните пет минути од таа третина Вегас се врати во игра со два брзи гола, а Марчесаул во продолжението беше прецизен од пенал-позиција по 3-3 во регуларниот дел.

Вчера вечерта се одиграа четири средби: ЛА кингс 4-3 Њујорк ренџерс, Каролина хурикејнс 1-2 Њујорк ајлендерс, Детроит ред вингс 4-2 Далас старс, Чикаго блекхокс 1-2 Едмонтон ојлерс.

Дојде „Денот Д“ за најлошиот тренер што го имал Реал во 50 години

Златко Јуруковски
-
0

Хулен Лопетеги и официјално ќе добие раскин на договорот со Реал Мадрид, а потоа Антонио Конте ќе биде наименуван за нов тренер на актуелниот европски првак. Ова е сценариото кое во текот на денешниот ден го очекуваат шпанските медиуми.

Иако претседателот Флорентино Перес имаше големо трпение со шпанскиот стручњак, сепак, на крајот реши да се раздели со човекот кој ѝ го „украде“ на шпанската репрезентација пред самиот почеток на Светското првенство.

Капката која ја прели чашата на трпението беше дебаклот на „Камп ноу“ и поразот од Барса. Но, бројките кажуваат дека Перес летоска погреши што не купи доволно добар напаѓач, а донесе тренер кој не успеа да ги мотивира заморените ѕвезди.

Сето ова, заедно со повредите на клучни играчи, кои исто така малку придонесоа за лошите резултати, доведоа до тоа Лопетеги да биде најлош тренер што го има Реал во последните 50 години.

Од првите 10 меча во лигата, Лопетеги има по 4 победи и порази, и две ремија. Ниту еден друг тренер во последниот половина век не бил толку слаб. За утеха, имало и полоши тренери од него, но сите тие работеле пред повеќе од 50 години.

1...10.62810.62910.630...10.801Страна 10.629 од 10.801