Дома Blog Страница 10659

МЗТ Скопје е најефикасен тим во втората АБА лига

Златко Јуруковски
-
0

Екипата на МЗТ Скопје Аеродром е најефикасен тим во АБА 2 лигата со просек од 89,5 поени по натпревар, а истотака, „металците“ се најдобри во лигата и кога станува збор за реализација на „двојките“.

МЗТ по првите четири кола има просек кој е на 5,5 поени поголем од тој на второпласираниот Сплит, но треба да се каже дека македонскиот тим играше и десет минути повеќе, поради двете продолженија во овие четири рунди. Најнеефикасен тим во втората АБА е Зрински, со просек од само 65,7 поени, а првакот на БИХ е наредниот противник на „штрковите“.

Аеродромци се и тим кој има најмногу обиди и погодоци за два поени. Кај реализацијата на двојките, МЗТ е втор зад Сплит. Сплиќани и Приморска се непоразени после четири кола, а МЗТ е третопласиран со 3-1, колку што има и сараевски Спарс.

Од друга страна, иако во МЗТ има доста играчи кои знаат да погодат тројка, тимот не го користи премногу шутот од далечина. Само Сплит и Вршац шутирале помалку тројки, а помалку тројки од МЗТ има само Зрински. Но, според процентот на реализација на тројките, МЗТ е шести со 31 отсто прецизност (27 тројки од 87 обиди).

Симона Халеп го откажа учеството на финалниот ВТА турнир

Томас Ѓорѓиевски
-
0

Првата тенисерска на ВТА листата, Симона Халеп, нема да учествува на завршниот турнир за годинава кој ќе се игра во Сингапур. Романка има болки во грбот откако се повреди минатиот месец на турнирот во Вухан, Кина, а изјави дека веќе четири недели не тренира.

„Не сум подготвена да се натпреварувам, уште чувстувам болки во грбот, а не сум тренирала цели четири недели. Донесов тешка одлука да го откажам моето учество. Всушност, мислам дека ова е прво мое откажување од голем турнир, но не можам да играм додека целосно не се опоравам“, истакна Халеп.

На нејзино место ќе игра холандската тенисерка Кики Бертанс, тенисерката број 10 според ранкингот, а свое учество на турнирот кој започнува следната недела, ќе забележат и Кербер, Плишкова, Свитолина, Осака, Квитова, Стефенс и Вознијацки.

Мбапе е феномен, ја заслужува Златната топка

Томас Ѓорѓиевски
-
0

Голманот на ПСЖ, Џанлуиџи Буфон, смета дека неговиот соиграч, Килијан Мбапе најмногу заслужува да ја добие Златната топка оваа година, пред сите останати конкуренти. Младата француска ѕвезда летово беше еден од главните адути на „триколорите“ во освојувањето на Светското првенство, а со импресивнa статистика помогна на ПСЖ да освои три трофеи во Франција минатата сезона.

„Мбапе е феномен. Она што го покажува на теренот со 19 години, со таков ентузијазам и константно играње на високо ниво, може да стане еден од најдобрите во историјата. Поседува огромент талент, а според тоа како играше годинава, особено на Мундијалот, заслужува да ја освои Златната топка“, истакна Буфон за француските медиуми.

Засега е неизвесно кој ќе биде добитник на најпрестижната индивидуална фудбалска награда, како главни конкуренти се истакнуваат Кристијано Роналдо, Лука Модриќ и Мохамед Салах, а секако тука е и Лионел Меси, кој блеска во дресот на Барселона по стартот на оваа сезона.

Откриено зошто има тензии меѓу Мурињо и Погба

Томас Ѓорѓиевски
-
0

Андреас Переира, фудбалерот за врска на Манчестер јунајтед, проговори за тензиите меѓу Жозе Мурињо и Пол Погба кои ја нарушуваат хармонијата во соблекувалната, а сето тоа се одразува и на резултатите. Имено, до караница дошло по елиминацијата во Карабао купот од Дерби каунти, мечот во кој „црвените ѓаволи“ претрпеа пораз по изведување на пенали, а Погба тој меч го проследи од клупата.

Переира тврди дека Погба снимал видео и го објавил на социјалните мрежи во моменти кога Јунајтед имал предност од еден гол, а веднаш по средбата се тврдело дека Погба истата видео снимка ја објавил по завршувањето на самиот меч.

„Не е вистина дека Пол го објави видеото по завршувањето на натпреварот. Кога тој снимаше резултатот беше 1-0 за нас, и токму тогаш видеото беше објавено на „инстаграм“, јас знам бидејќи седев до него. Мурињо веруваше на лажните тврдења дека видеото е објавено по мечот, па така тензијата настана поради недоразбирање“, истакна Переира.

 

Де Бројне прави „кам-бек“ на терените во сабота

Томас Ѓорѓиевски
-
0

Ѕвездата на Манчестер сити, Кевин Де Бројне, врши напори за да биде подготвен за настап веќе во сабота, кога „граѓаните“ играат против Барнли во рамките од деветтото коло во Премиер лигата.

Иако белгискиот плејмејкер велеше дека ќе биде подготвен дури за градското дерби против Јунајтед кое се игра на 11-ти ноември, по сите изгледи се опорави побрзо од очекуваното. Се чека само зелено светло од медицинскиот персонал на клубот за да може да истрча на тревата на „Етихад“.

Де Бројне се врати на тренинг пред дербито со Ливерпул, во кое Сити ремизираше без голови, но не беше во конкуренција за настап. Репрезентативната на пауза ја искористи целосно да ја врати кондицијата, откако нема одиграно натпревар по повредата во средбата против Арсенал во првото коло.

Натпреварот Манчестер сити – Барнли е закажан за сабота, со почеток од 16 часот.

Игуаин: Миланското дерби „жешко“ како она во Мадрид

Томас Ѓорѓиевски
-
0

Интер и Милан во недела ќе го играат 222-от градски дуел, познат како „Дерби дела мадонина“. Напаѓачот на „росонерите“, Гонзало Игуаин, за прв пат ќе учествува во ова дерби, но, со оглед дека бил дел и од други пресметки од ваков карактер, свесен е за тежината и желбата на двете екипи да издвојат победа.

„Сите дерби мечеви имаат посебна убавина во нив. Ќе биде убаво да се почувствува жештината и во овој дуел, Интер – Милан е едно од најголемите и најстарите ривалства во светот, а фактот дека на „Сан Сиро“ ќе преовладува сината боја, за нас ќе биде тоа дополнителна мотивација. Ова е дерби полно со емоции, исто како она кое се игра во Мадрид (меѓу Реал и Атлетико)“, истакна Игуаин.

Многумина сметаат дека во овој дуел најголем акцент се става на пресметката Игуаин – Икарди.

„Икарди е одличен голгетер, „убиец“ во казнениот простор, но, ние нема да играме тенис, туку фудбал, а фудбалот се игра 11 против 11. Оваа средба не е само меѓу Икарди и Игуаин, за победа мора сите да одиграме на високо ниво“, додека Игуаин.

Дербито е закажано за в недела, со почеток од 20:30 часот.

 

Тоше Зафиров со македонското знаме на сцена и „Зајди зајди“ имаше блескав перформанс (Видео+Фото)

Трајан Маневски
-
0

Со македонското знаме врз себе и песната „Зајди зајди“ во изведба на легендарниот Тоше Проески, македонскиот четирикратен апсолутен бодибилдинг шампион Тоше Зафиров имаше блескав перформанс на Мистер Универзум во Италија. Покрај одличниот настап, Зафиров имаше и супер пласман. Влезе во полуфиналето и на крајот го освои шестото место во категоријата на професионалци.

Покрај Тоше, настап во Италија имаше и неговата жена Габриела. Таа го освои петтото место во категорија фитнес бикини. Брачната двојка Зафирови каде и да се појават, секогаш имаат забележителен настап и на вистински начин се промотери на Македонија.

„Организацијата беше на врвно ниво. Имаше натпреварувања во повеќе од 30 категории и се беше перфектно. Презадоволен сум и од мојата форма. Самиот се подготвував и тоа се покажа како вистински потег, бидејќи на крајот се пласирав во полуфиналето“, ни изјави Зафиров.

Нашиот најдобар билдер открива дека перформансот со кој настапил бил лично негова идеја. ПОсебно добра била идејата во позадина да оди песната „Зајди, зајди“ во изведба на Тоше Проески.

„Откако завршив со перформансот сите ми честитаа, од останатите натпреварувачи, судиите и публиката. Дури имаше и натпреварувачки кои беа од Балканот, а го препознаа гласот на Тоше Проески на песната, па многу емотивно го проследија моето претставување. Во целост сум задоволен од тоа како поминав таму и тоа во каква форма се наоѓам“, се потсети Зафиров за настапот кој беше на 13-ти овој месец во Италија.

По враќањето во Скопје, Зафирови не одмораат. Продолжуваат со тренинзи бидејќи ги очекува натпреварувања во Предатор Про, Светското првенство во Словенија и Мистер Универзум. Едноставно, Тоше Зафиров и неговата сопруга Габриела се одлични спортски амбасадори на Македонија на сите овие натпреварувања.

Нов договор и „ѓаволска“ плата за Лук Шо

Томас Ѓорѓиевски
-
0

Левиот бек на Манчестер јунајтед, Лук Шо, потпиша петгодишна соработка со клубот, а доби и значително зголемување на платата, ќе заработува 150.000 фунти неделно. Со оглед дека неговиот претходен договор истекуваше по крајот на оваа сезона, управата одлучи да го задржи во тимот откако ја оправда укажаната доверба од Жозе Мурињо.

Шо е еден од подобрите поединци во екипата во турбулентниот почеток на кампањата на „црвените ѓаволи“, конечно доби вистинска шанса да се докаже, откако претходниве години се мачеше да се вклопи во тимот, како и тешката и долга повреда на ногата која го спречуваше да напредне.

Дваесет и тригодишниот дефанзивец во редовите на Јунајтед пристигна во 2014 година, како тинејџер од Саутемптон за сума од 30 милиони евра, а дури сезонава почна редовно да настапува за првиот тим, по што заслужи да добие повик од Саутгејт во репрезентацијата на Англија.

Лаудруп демантира – Не се туркам да го заменам Лопетеги

Зоран Поповски
-
0

Михаел Лаудруп упати остар демант до данската новинска агенција „Рицау“, во кој вели дека не му се нудел на Реал Мадрид како замена за Јулен Лопетеги.

Тренерот на кралскиот клуб е под голем притисок и со ултиматум да го победи Леванте викендов и потоа на „Камп Ноу“ и вечниот ривал Барселона за да продолжи како кормилар на актуелниот европски првак.

За секој случај битката за место на клупата на најтрофејниот европски клуб е почната и се заострува, а главен кандидат е Антонио Конте. Данците го вмешаа и нивниот Михаел Лаудруп, но тој демантираше.

„Не сум ни размислувал да се нудам некому. Никогаш не сум го правел тоа, ниту некогаш ќе се нудам некому“, изјави Лаудруп.

Тој играше во Реал, но и во Барселона, одлично го познава шпанскиот фудбал, а беше тренер на Хетафе и на Мајорка. Покрај нив од клупата ги предводеше и Брондби, Спартак Москва, Свонси, Лехвија и Ал Рајан.

Сеир на сметка на Германците – Гибралтар има повеќе победи

Зоран Поповски
-
0

Гибралтар има повеќе победи и тоа во рок од само четири дена од четирикратниот светски првак Германија во 2018 година.

Споредбата е невозможна со оглед на квалитетот и силата на противниците на двете репрезентации, но реалноста е таа и сеирот на сметка на „елфот“ е голем.

Се сметаат само официјалните натпревари, а Германија има само една победа, таа на Мундијалот во Русија против Шведска, со голот на Крос во последните моменти. Се останато се порази и нерешени дуели.

Гибралтар во актуелниот циклус во Лигата на Нации, најпрво ја шокираше Ерменија во Ереван со победа од 1:0, прва во официјален меч, а потоа го надигра и Лихтнештајн дома и славеше со 2:1.

1...10.65810.65910.660...10.795Страна 10.659 од 10.795