Дома Blog Страница 154

Седлоски: Ги анализиравме грешките и работиме за да бидеме многу подобри

Никола Ѓуровски
-
0
Седлоски: Ги анализиравме грешките и работиме за да бидеме многу подобри

Фудбалската репрезентација на Македонија утревечер (20.45 часот) игра против Република Ирска, во дуел на двете поразени селекции од полуфиналниот плејоф за пласман на Светското првенство. Мечот се игра на стадионот „Авива“ и билетите се веќе распродадени.

Селекторот Гоце Седлоски вели дека мотивацијата кај фудбалерите мора да остане максимална затоа што се носи дресот на националниот тим.

„Поразите болат, тоа е јасно. Сите нѐ боли тој пораз од Данска, но мирни сме. Момците работат добро, ќе мора да одиграме подобро. Ги знализиравме грешките од мечот со Данска, сега останува фудбалерите кои ќе добијат шанса да го покажат најдобро од себе. Ме радува заедништвото на фудбалерите, а што се однесува до утрешниот меч, треба да покажеме карактер и цврстина во дуелите. Гледавме два натпревари на Ирците, против Чесите играа цврсто и со многу воздушни дуели, но против Унгарците претходно покажаа и дека се одлично технички потковани. Нѐ очекува тежок натпревар, ќе им дадам шанса и на неколку други фудбалери, па се надевам дека ќе ја искористат шансата. Мора да напоменам дека вратата од репрезентацијата за никого не е затворена и секој одлучува дали сака да игра за државата Македонија. Сите играат за Македонија, не за селекторот или за некој од соиграчите“, истакна селекторот Гоце Седлоски.

Софијановски: „Против Ерменија одиме на победа!“

Павле Симовски
-
0
Софијановски: „Против Ерменија одиме на победа!“

Репрезентацијата до 21 година утре против Ерменија ќе го одигра осмиот натпревар од овој цикус на квалификации за Европското првенство.

Утрешниот противник е единствениот кој до овој момент успеавме да го совладаме, а избраниците на селекторот Горан Станиќ најавуваат дека во Ереван ќе го забележат и вториот триумф.

„На дуелот против Ерменците одиме да освоиме три бода. Верувам дека целта може да ја исполниме. Сите фудбалери се подготвени да го дадат максимумот и ќе одиграме на највисоко ниво. Натпреварот со Италија беше огромно искуство за сите нас, тоа е репрезентација што се бори за првото место во групата и е фаворит за највисоката позиција. Сметам дека можеме да ја совладаме Ерменија, но мораме да ги отстраниме сите недостатоци што ги покажавме на мечот со Италија, особено индивидуалните грешки да ги сведеме на минимум”, изјави Матео Софијановски.

Натпреварот што ќе одигра на теренот во тренинг-центарот на националната асоцијација во Ереван почнува во 15 часот.

Квотата дека најдобриот тим на Истокот ќе загуби вечерва е 1.16!

Златко Јуруковски
-
0
Квотата дека најдобриот тим на Истокот ќе загуби вечерва е 1.16!

Од осумте натпревари во НБА-лигата кои се играат вечерва по полноќ, најголемо внимание предизвикува дуелот на Оклахома Сити тандер и Детроит пистонс, тимови кои се лидери во западната односно источната конференција.

Но, иако е дерби на најуспешните и потенцијално големо финале на плејофот, огромен фаворит за победа се домашните, најмногу поради отсуството на првиот стрелец и олстар, Кејн Канингем, кај Пистонс. Но, Детроит победуваше и без него периодов, а оваа средба со актуелниот шампион ќе им биде одличен тест на можностите.

Детроит и да загуби, вечерва може да ја осигури титулата во својата централна дивизија, а тоа ќе се случи ако Кливленд кавалирс загуби од Јута.

Њујорк никс не игра вечерва, но чека победа на Мајами над Филаделфија за и официјално да стане учесник на плејофот. И Денвер нагетс е во слична ситуација, без игра може да обезбеди плејоф, но им требаат победа на ЛА лејкерс и пораз на Феникс.

Езерџиите со триумф може да осигураат плејоф и титула во пацифичката дивизија, но им треба и пораз на Феникс од Мемфис што би било изненадување според квотите.

Анчелоти: „Убава игра? Светското првенство го освојува тимот што ќе прими најмалку голови“

Златко Јуруковски
-
0
Анчелоти: „Убава игра? Светското првенство го освојува тимот што ќе прими најмалку голови“

Селекторот на Бразил, Карло Анчелоти, денеска кристално јасно стави до знаење како сака да игра неговиот Бразил.

„Жого бонито (Убава игра)? Последните две Светски првенства што ги освои Бразил беа освоени со комбинирање на талент и одбрана. Со Сколари и неговите три централни бекови во 2002 година, на пример, и во 1994 година, Пареира користеше две линии од по четворица играчи за да го искористи Ромарио во нападот. Нема друг начин освен добро да се браните. Светското првенство го освојува тимот што ќе прими најмалку голови, а не оној што ќе постигне најмногу. Не ми се допаѓа да ме нарекуваат дефанзивен, но тоа е многу важно за тимот“, рече Анчелоти. 

Анчелоти треба да даде список од 26-мина играчи, крајниот термин (18-ти мај) се приближува, а има голема конкуренција. Бразилците најмногу ги интересира дали Нејмар ќе биде на листата на патници на СП. Дон Карло откри и дека во главата веќе го има почетниот состав на Кариоките на Мундијалот и тоа навестува дека е можно Нејмар и ако биде повикан, да биде резерва на Винисиус и Рафиња. 

Англиските навивачи не ја одобруваат употребата на ВАР

Златко Јуруковски
-
0
Англиските навивачи не ја одобруваат употребата на ВАР

Повеќе од 75% од навивачите на клубовите од англиската Премиер лига не ја одобруваат употребата на ВАР-технологијата, соопшти Здружението на фудбалски навивачи (ФСА) по анкета спроведена онлајн на повеќе од 8.000 луѓе помеѓу 26 февруари и 23 март.

Според анкетата, дури 75,7% од навивачите не го одобруваат ВАР, а 91,7% веруваат дека системот ја уништил спонтаната радост на трибините по постигнатиот гол.

„Овие податоци се слични на претходната анкета во 2021 година, кога навивачите изразија резерви во врска со воведувањето на ВАР. Ги споделивме резултатите со Премиер лигата и Комисијата за судии. Со нетрпение очекуваме отворен дијалог со нив за податоците од нашата анкета“, напишаа од ФСА.

Директорот на Египет: Никој нема да се сеќава на Салах ако оди во МЛС-лигата

Златко Јуруковски
-
0
Директорот на Египет: Никој нема да се сеќава на Салах ако оди во МЛС-лигата

Техничкиот директор на египетската фудбалска репрезентација, Ибрахим Хасан, му советуваше на напаѓачот Мохамед Салах да не оди МЛС-лигата откако ќе го напушти Ливерпул на крајот од сезоната.

Салах сè уште не одлучил каде ќе ја продолжи кариерата по деветгодишниот престој во клубот од Мерсисајд, каде што освои две титули во Премиер лигата и една во Лигата на шампионите. 

„Лично, би сакал да остане во Европа. Слушнав има понуди од Пари Сен Жермен, Баерн Минхен и клубови од италијанското првенство. Премин во МЛС-лигата? Тоа би го оттргнало од центарот на вниманието. Нема да го паметите Салах повеќе отколку што сега го паметам Лионел Меси, дури и не се обидувам да го гледам“, изјави Ибрахим Хасан, брат близнак на најголемата египетска фудбалска легенда и актуелен селектор Хосам Хасан.

„Доколку не добие понуди во Европа, тогаш трансфер во саудиската лига би бил добра опција, особено што има големи имиња како Кристијано Роналдо“, додаде Хасан.

Сите сакаат да бидат во Зеница, и Ѓоковиќ потврди дека ќе гледа БиХ – Италија

Златко Јуруковски
-
0
Сите сакаат да бидат во Зеница, и Ѓоковиќ потврди дека ќе гледа БиХ – Италија

Најдобриот тенисер на сите времиња, Новак Ѓоковиќ, утре ќе пристигне во Зеница, каде што ќе го гледа во живо фудбалскиот натпревар Босна и Херцеговина – Италија. Тимот што ќе победи, ќе игра на Светското првенство.

Ѓоковиќ по триумфот на Босанците во полуфиналето против Велс, објави фотографија од Един Џеко на својот Инстаграм со опис „Браво Един, браво БиХ“ и нема сомнение дека ќе навива за соседите на Србија.

Селекцијата на Босна и Херцеговина има можност да оди на второто Светско првенство во својата историја, откако учествуваше и во Бразил во 2014 година. За тоа ќе им треба подвиг во „Билино Поље“ и победа над фаворитот Италија.

Ѓоковиќ го пропушти Мастерсот во Мајами, а нема да игра ниту на почетокот на сезоната на земјена подлога во Монте Карло, па има време да одмори пред турнирите кои се генерална проба пред вториот грендслем во годината „Ролан Гарос“.

 

Халгримсон: Нема да експериментираме против Македонија, сакаме победа

Никола Ѓуровски
-
0
Халгримсон: Нема да експериментираме против Македонија, сакаме победа

Хеимир Халгримсон не планира драстично да експериментира со репрезентацијата на Република Ирска и покрај тоа што натпреварот во вторник против Македонија има речиси пријателски карактер.

„Момците во зелено“, како што ги нарекуваат Ирците, ќе го затворат мартовскиот прозорец на „Авива Стедиум“ на ден кој можеше да значи многу повеќе и за нив и за Македонија доколку минатата недела во Прага ја победеа Чешка, односно ако славеа против Данска во Копенхаген.

Имаше некои принудни промени во 25-члениот тим кој патуваше во Чешка.

Сами Шмодикс е исклучен од натпреварот против Македонија поради последиците од судирот во продолженијата во Прага, додека Џек Тејлор беше под знак на прашалник поради болеста на неговата сопруга.

Крилото на Портсмут, Миленик Али, за првпат беше повикан во недела. Но, Ирска ќе биде без ветеранот Роби Брејди за вторник, откако Халгримсон потврди на прес-конференција дека нема да ризикува со 34-годишниот фудбалер.

„Тројцата момци беа со нас на првиот натпревар, но очигледно е дека повредата на Сами не е наивна. Разговарав со него утрово и се чувствува подобро. Сепак, сè уште има главоболки и гадење. Веројатно ќе пропушти еден или два натпревари за Дерби поради протоколарни причини“, изјави селекторот на Ирска.

„Сопругата на Џек Тејлор се чувствува подобро, така што тоа е позитивна вест. Разговарав и со Роби Брејди утрово и тој е многу разочаран што не може да биде со нас. Станува збор за мала повреда на задниот дел на бутниот мускул. Потребно е да биде внимателен по ваква долга повреда“, истакна Халгримсон.

Селекторот на Ирска исклучи големи промени во стартниот тим само заради експериментирање.

„Не, нема потреба“, рече тој, посочувајќи дека според правилата на ФИФА, може да се направат осум замени на пријателски натпревари.

„Најважно утре е да имаме добар настап. Нормално, тоа обично носи победа. Добар настап е клучен утре. Кога Дара (О’Ши) зборуваше претходно, тој ја спомена реченицата: ‘Ние победуваме или учиме, па никогаш не губиме.’ Тоа го паметам уште од моментот кога го кажа. Така продолжуваме, растеме од претходниот натпревар и го подобруваме секој сегмент во играта за да дојдеме до триумф. Да, постои можност да им дадеме шанса и на други играчи, многумина едвај чекаат да излезат на терен и да покажат што можат. Со новите правила на ФИФА за пријателски натпревари, може да се направат осум замени во три интервали, така што постои можност за промени. Нема проблем во тој поглед. Но, дали го сакаме тоа? Прво и основно, сакаме да имаме добар настап и да победиме.“

УЕФА го казни Лил за транспарент со Јованка Орлеанка

Златко Јуруковски
-
0
УЕФА го казни Лил за транспарент со Јованка Орлеанка

УЕФА го казни француски Лил за истакнување транспарент и „спорна“ кореографија за време на натпреварот од осминафиналето на Лигата на Европа против Астон вила.

Пред почетокот на натпреварот на трибина беше развеан транспарент со француското знаме и слика од Јованка Орлеанка во оклоп и со меч во раката. Долу имаше натпис на англиски јазик: „Французите никогаш не умираат“ и слогани како „Горда. Силна. Жестока“ и „Јованка го крева својот меч, а Лил се бори“.

Лил беше казнет со вкупно 82.750 евра за објавување порака несоодветна за спортски настан, како и за фрлање предмети, палење ракети и одложување на почетокот на натпревар.

Претходно УЕФА го казни и српскиот клуб Црвена ѕвезда со 95.000 евра, од кои 40.000 за кореографија пред натпреварот од Лигата на Европа против Лил.

Делиите истакнаа транспарент на којшто пишуваше: „Нека нашата вера ве води до победа“, а направија мозаик од картони со ликот на православниот светец Свети Симеон Мироточивиот, познат како Стефан Немања.

Атлетико Мадрид не сака да ѝ го продаде Хулијан Алварес на Барселона

Никола Ѓуровски
-
0
Атлетико Мадрид не сака да ѝ го продаде Хулијан Алварес на Барселона

Атлетико Мадрид нема намера да го продаде Хулијан Алварес на својот голем ривал во Ла Лига, Барселона, по завршувањето на сезоната.

Аргентинецот има долг временски договор со клубот и дури и ако изрази желба за заминување, приоритет за трансферот би бил надвор од Шпанија. За него сериозен интерес покажуваат Арсенал, Челзи и ПСЖ.

По пристигнувањето од Манчестер сити, Алварес се наметна како еден од клучните играчи на Диего Симеоне, па затоа Атлетико Мадрид ќе се потруди да го задржи во тимот најмалку уште една сезона.

1...153154155...10.814Страна 154 од 10.814