32.8 C
Skopje
недела, 13 јули 2025
Дома Blog Страница 44

Реал ќе одговара за вршење притисок врз судии

Трајан Маневски
-
0
Реал ќе одговара за вршење притисок врз судии

Мадридскиот суд одлучи повторно да ја отвори постапката против клупската телевизија на Реал Мадрид. Централниот административен суд во Мадрид ја прифатил жалбата на Ла Лига и ѝ наложи на Шпанската фудбалска федерација (РФЕФ), преку својата дисциплинска комисија, повторно да ја отвори истрагата за видеата од судиите кои беа објавувани на телевизијата на Реал.

Жалбата беше поднесена против одлуката на Судот за административни прекршоци за спорт (TAD) од 21 ноември 2024 година, кој одби да ја разгледа жалбата на Ла Лига за прекинување на дисциплинската постапка против Кралскиот клуб. Според подносителите на жалбата, со овие снимки се вршело притисок врз судиите пред голем број натпревари.

Постапката беше покрената на 1 март 2024 година по жалбите од Севиља и Ла Лига до дисциплинската комисија на РФЕФ. Тие тврдеа дека Реал преку својот клупски телевизиски канал, систематски вршел кампања на притисок врз судиите назначени за неговите натпревари, објавувајќи материјали што ја доведуваат во прашање нивната професионалност.

Ѓоковиќ мораше да игра над три часа за да го помине првото коло во јубилејниот 20-ти настап на Вимблдон

Трајан Маневски
-
0
Ѓоковиќ мораше да игра над три часа за да го помине првото коло во јубилејниот 20-ти настап на Вимблдон

Новак Ѓоковиќ се пласираше во второто коло на Вимблдон. Српскиот тенисер со 3:1 во сетови го елиминираше Александре Милер од Франција, во меч кој траеше речиси три и пол часа.

Фуриозно започна Ѓоковиќ во првиот сет. По 1:1 во гемови, следуваше шоу на Ноле кој направи три брејка и го освои првиот сет со 6:1. Во вториот сет Милер одигра на ниво и не дозволи ниту еден брејк, па стигна до 6:6, а во тајбрејкот Французинот беше подобар со 9:7, израмнувајќи на 1:1 во сетови.

Ѓоковиќ не се збуни по загубениот сет и продолжи фуриозно во третиот сет, кој успеа да го добие со 6:2, а потоа си истиот резултат го доби и четвртиот сет за победа од 3:1 во сетови.

Баерн Минхен тргна по потписот на ѕвездата на Ливерпул

Трајан Маневски
-
0
Баерн Минхен тргна по потписот на ѕвездата на Ливерпул

Баерн Минхен е подготвен во новата сезона да биде уште посилен. Според најавите, баварскиот гигант тргна по потписот на Луис Диаз од Ливерпул. Иако уште нема испратено официјална понуда за колумбискиот репрезентативец, Баерн веќе е фокусиран да го добие потписот на ѕвездата од англискиот првак.

„Можам да ги потврдам информациите кои ги лиферуваше Билд. Баерн стапи во контакт со луѓето кои се грижат за кариерата на Луис Диаз. Уште нема никаква официјална понуда. Се работи само на разговори. Баерн сака да ја согледа целосната ситуација околу овој фудбалер. Не е нереално да има реализација на овој трансфер“, пишува новинарот Фабрицио Романо, кој е експерт за трансфери.

Луис Диаз во Ливерпул дојде во 2022 година и тоа за трансфер од 54 милиони евра од Порто. Тој има актуелен договор со Ливерпул до јуни 2027 година. Досега, за англискиот првак има одиграно 148 меча во кои постигнал 41 гол, а има и 23 асистенции.

 

Реал Мадрид даде еден гол, доволно да го елиминира Јувентус (Видео)

Трајан Маневски
-
0
Реал Мадрид даде еден гол, доволно да го елиминира Јувентус (Видео)

Реал Мадрид се пласираше во четвртфиналето на Светското клупско првенство, откако минимално со 1:0 го победи Јувентус. Младиот 21-годишен напаѓач Гонзало Гарсија се покажа како клучен играч постигнувајќи го единствениот гол во 54 минута.

Во четвртфиналето Реал ќе го чека подобриот пд дуелот меѓу Борусија Дортмунд и Монтереј.

Јувентус прв имаше шанса да постигне гол, но Коло Муани промаши зицер. Потоа Реал имаше шанса да поведе, но дефанзивата на Јувентус спасуваше од гол-линијата.

На почетокот на второто полувреме се случи клучниот момент. Новото засилување Александер Арнолд центрираше, а Гарсија со глава погоди за 1:0, момент кој на крајот се покажа како решавачки на средбата.

Познати термините за Ел Класико во новата сезона

Трајан Маневски
-
0
Познати термините за Ел Класико во новата сезона

Реал Мадрид и Барселона повторно ќе бидат главни кандидати во трката за титулата во шпанското првенство. Денеска беше направена ждрепка за календарот во новата сезона, а познато е кога ќе се играат Ел Класико дуелите.

Реал Мадрид на “Сантијаго Бернабеу” ќе биде домаќин на Барселона на 26 октомвро, додека каталонскиот гигант на “Камп ноу” ќе го угости најголемиот ривал на 10 мај 2026 година.

Според многу предвидувања, токму дербито на 10 мај може да биде и клучно околу одлуката за тоа кој ќе биде првак во шпанското првенство.

Инаку првото коло од новиот шампионат ќе се одржи на 16 и 17 август, а последното на 23 и 24 мај 2026 година.

На стартот од новата сезона ќе играат: Алавес – Леванте, Атлетик Б. – Севиља, Селта – Хетафе, Џирона – Рајо Ваљекано, Еспањол – Атлетико (М), Мајорка – Барселона, Елче – Бетис, Реал – Осасуна, Валенсија – Сосиедад и Виљареал – Реал Сосиедад.

Кристијано Роналдо не заборави од каде му почна кариерата

Трајан Маневски
-
0
Кристијано Роналдо не заборави од каде му почна кариерата

Португалскиот гигант Спортинг Лисабон денеска го прославува 119 години. Точно на 1 јули во далечната 1906 година е формиран клубот кој има славна историја. Од овој клуб потекнуваат голем број на светски ѕвезди, а секако најголема меѓу нив е Кристијано Роналдо.

Легендарниот Роналдо кариерата ја започна во Спортинг каде настапуваше од 1997 до 2003 година, кога направи трансфер во Манчестер јунајтед. Најпознатиот португалски фудбалер не заборави да го честита роденденот на клубот од каде потекнува.

„Цели 119 години гордост на Португалија. Честитки за мојот Спортинг“, напиша Роналдо на социјалните мрежи.

Спортинг имаше одлична последна сезона освојувајќи ја титулата во првенството, како и пехарот во Купот на Португалија.

Интересно е дека вчера Роналдо шокираше со една своја изјава во која порача дека тој „припаѓа на Саудиска Арабија“, земјата во која настапува во изминативе две и пол сезони.

Рекордерот на Вимблдон и официјално влезе во друштвото на милијардерите

Павле Симовски
-
0
Рекордерот на Вимблдон и официјално влезе во друштвото на милијардерите

Еден од најдобрите тенисери во историјата и рекордер по бројот на освоени титули на Вимблдон, Роџер Федерер, само три години откако и официјално се пензионираше, влезе во друштвото на милијардерите.

Швајцарските тенисер со тоа стана првиот неамерикански спортист на чие конто има цифра од десет бројки. Според „Блумберг“ богатството на Федерер се проценува на 1,2 милијарди евра.

Федерер во текот на кариерата заработи „само“ 120 милиони евра, но остатокот од оваа сума се должи на многубројните спонзорски договори, но и паметното инвестирање на заработените пари.

Мециновиќ го засили Работнички

Трајан Маневски
-
0
Мециновиќ го засили Работнички

Искусниот 34-годишен дефанзивец Јасмин Мециновиќ е нов играч на Работнички. Клубот од Дебар Маало вечерва го потврди Мециновиќ како ново име за следната сезона.

Мециновиќ минатата сезона ја помина во екипата на Вардар, а во Работнички доаѓа како слободен играч. Искусниот стопер има и долга и богата интернационална кариера, а во последните две години се врати во домашниот шампионат.

Ришарлисон ќе биде замената за Виктор Осимен во Галатасарај

Никола Ѓуровски
-
0
Ришарлисон ќе биде замената за Виктор Осимен во Галатасарај

Напаѓачот на Тотенхем, Ришарлисон, е многу блиску до преселба во редовите на турскиот шампион Галатасарај. Новиот менаџер на Тотенхем, Томас Франк, му дал зелено светло на клубот да се раздели со бразилскиот репрезентативец, поради тоа што не влегува во неговите планови за наредната сезона.

Ришарлисон пристигна во Тотенхем летото 2022 година од Евертон за речиси 60 милиони евра, но неговиот престој во Лондон беше проследен со бројни повреди и несреќни околности, кои го спречија да го покаже својот вистински потенцијал.

Клубот сака да се ослободи од неговата висока плата, па тој бил понуден и назад на Евертон како замена за Калверт-Луин, кој е пред заминување. Сепак, Карамелите ја одбиле таа опција.

Сега Галатасарај се појавува како најсериозна опција, каде Ришарлисон би дошол како наследник на Виктор Осимен. Турскиот гигант, кој веќе го доведе Лирој Сане од Баерн Минхен како слободен агент, е подготвен да плати околу 20 милиони фунти за бразилскиот напаѓач.

Претседателот на Ал-Хилал не можеше да ги сокрие солзите по победата над Манчестер сити (Видео)

Павле Симовски
-
0
Претседателот на Ал-Хилал не можеше да ги сокрие солзите по победата над Манчестер сити (Видео)

Ал-Хилал со победата над Манчестер сити во осминафиналето од Светското клупско првенство, го постигна веројатно најголемиот успех на клупски план во Саудиска Арабија.

Тоа можеше да се забележи и на лицето на претседателот на клубот, Фахад бин Нафел, кој по завршувањето на натпреварот беше снимен на трибините како плаче од среќа после големата победа над една од најдобрите екипи во светот.

1...434445...9.669Страна 44 од 9.669

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023