Без наслов - Страница 9552

Гвардиола: Не беше пенал… Стерлинг: Му се извинив на судијата

Томас Ѓорѓиевски

-

08.11.2018

Манчестер сити со 6-0 го растури Шахтар на „Етихад“ во рамките од четвртото коло во Лигата на шампионите. „Граѓаните“ лесно стигнаа до овој триумф, но една комична сцена и лоша проценка на главниот арбитер им помогна да стигнат до својот втор гол.

Имено, Стерлинг беше во ситуација да шутира во казнениот простор на Украинците, но, тој во обид да ја шутне топката, се сопна и падна, а судијата досуди најстрога казна против Шахтар, а Жесус од белата точка зголеми на 2-0. Гвардиола по мечот истакна дека не постоел никаков пенал за неговата екипа и потенцираше дека технологијата ВАР е потребна во вакви ситуации.

„Не беше пенал, тоа е јасно како ден. Но, во Лигата на шампионите нема начин таквите моменти да се проверат веднаш на теренот. Затоа технологијата ВАР е неопходна, голем проблем е што моментално не се користи. Судиите често знаат да направат вакви грешки, но минатата сезона и нас нè оштетија во дуелот со Ливерпул. Не е убаво да се постигне или победи со таков гол, затоа УЕФА треба добро да размисли и да го воведе ВАР и во ова натпреварување“, истакна Пеп по средбата.

Свое видување на ситуацијата даде и Стерлинг, а Англичанецот му се извини на судијата непосредно по натпреварот со Шахтар.

„Не знам што се случи. Не почувствував никаков контакт, само сакав да ја шутнам топката и паднав. Му се извинувам на судијата“, истакна Стерлинг.

Погледнете ја уште еднаш ситуацијата по која Сити доби пенал во своја корист:

https://twitter.com/Superbru/status/1060269402644451330?ref_src=twsrc%5Etfw%7Ctwcamp%5Etweetembed%7Ctwterm%5E1060269402644451330&ref_url=https%3A%2F%2Fsportmanija.mk%2Fkade-gledaat-sudiite-dosuden-nepostoechki-penal-za-siti-video%2F

Солари сруши рекорд на Реал стар над 60 години

Трајан Маневски

-

08.11.2018

0

Кога Сантијаго Солари беше назначен за привремен тренер на Реал Мадрид, многумина беа скептични дека тоа е вистинско решение. Сега, само по три меча како тренер на Кралскиот клуб, Аргентинецот почна да руши рекорди.

Реал синоќа убедливо со 5-0 победи на гости кај Викторија П’лзењ во меч од Лигата на шампионите и со тоа стана првиот тренер кој дебитирал со три победи без примен гол. Во претходните два меча, Реал со 4-0 ја победи Мелиља во Купот на Шпанија, а потоа со 2-0 славеше на гости кај Валјадолид. Тоа значи дека Реал под водство на Солари има гол-разлика од 11:0, и тоа само по три одиграни средби.

Последен пат тоа успеал да го направи еден тренер на Реал во далечната 1957 година, кога на клупата седнал Луис Карнилје.

Погба сепак не утна: Ми беше чудно да заминам во гостинската соблекувална

Зоран Поповски

-

08.11.2018

0

Ми беше чудно што заминав во гостинската соблекувална. Толку се навикнав на таа на Јувентус. Им благодарам на навивачите на Јуве за аплаузите, но јас играв максимално посветено за да победиме во Торино, изјави Пол Погба по победата на Манчестер јунајтед.

Интересен е неговиот пат, бидејќи како млад играч на Манчестер јунајтед не ја доби довербата на легендарниот Сер Алекс Фергусон, па замина речиси бесплатно во Јувентус, каде што играше фантастично.

Фергусон веројатно направи една од најголемите грешки во успешната и долговечна кариера на кормилото на „црвените ѓаволи“, а тоа го чинеше Јунајтед околу 100 милиони евра отштета, што ги уплатија во касата на Јувентус за да го вратат Погба назад на „Олд Трафорд“.

Тој вчера се врати на „Алијанц стадионот“ во Торино, но го носеше дресот на гостите од Англија и доби громогласни аплаузи. Иако му беше чудно, сепак не утна да влезе во домашната соблекувална, а си замина во победничко расположение, овојпат како гостин и како фудбалер на Манчестер јунајтед.

Нешвил на прошетка во Колорадо, шампионот се снајде со „пингвините“

Томас Ѓорѓиевски

-

08.11.2018

0

Нешвил предаторс триумфираа на гости кај Колорадо аваленш со конечни 4-1 за 12-та овосезонска победа. Со оваа победа, тимот на Нешвил направи сигурна разлика од пет бода на врвот во однос на „ајкулите“ од Сан Хозе во Западната конференција.

Симонс е херојот на вечерта за гостите со својот хет-трик, благодарение на неговите голови, Нешвил во последниот период влезе со предност од 3-1, а Хартман на три минути до крајот ги реши сите дилеми.

Актуелниот првак на НХЛ, тимот на Вашингтон капитолс, со 2-1 беше подобар од Питсбург пингвинс. Кросби по првата третина, донесе водство за гостите, а Овечкин потоа изедначи на 1-1, па така, со својот 235-ти погодок се искачи на осмата позиција на вечната листа на стрелците кои постигнувале голови во ситуации кога имале играч повеќе на мразот.

На една и пол минута до крајот, Вашингтон направи пресврт од 2-1 и му го нанесе петтиот пораз во низа на Питсбург.

Во последната средба ноќеска, Анахејм дакс со 3-2 беа подори од Калгари флејмс.

Роналдо: Манчестер не направи ништо за да победи

Трајан Маневски

-

08.11.2018

0

Кристијано Роналдо му даде прекрасен гол на својот поранешен клуб Манчестер јунајтед, за водство на Јувентус со 1-0 во Торино. Според играта на теренот, делуваше дека тоа ќе биде доволно за италијанскиот првак да се радува, но така не мислеа гостите од Англија. Манчестер со два погодоци во последните четири минути направи целосен пресврт и на крајот се радуваше на триумф од 2-1 против Јувентус. Роналдо вели дека клучно било тоа што играчите на Јувентус се опуштиле.

„Лигата на шампионите е посебно натпреварување. Штом малку се опуштиш, сè е можно. Доминиравме во текот на сите 90 минути, создадовме многу шанси, имавме можност три-четири пати да ги докрајчиме. Потоа се опуштивме и бевме казнети. Манчестер не направи ништо за да победи. Но, не можеме да зборуваме ни за среќа, затоа што мора да ја пронајдете својата среќа за да ве награди“, рече Роналдo.

Португалецот додаде дека и покрај поразот, нема место за паника и дека Јувентус уште е во позиција сам да одлучува дали ќе ја задржи лидерската позиција во групата. Јувентус е прв со девет бода, Манчестер има 7, трета е Валенсија со 5, а последен е Јанг бојс само со еден освоен бод.

https://youtu.be/zGNypOpYqvg

Лејкерс ја искористиja лошата серија на Минесота, Џејмс на чекор од трипл-дабл

Томас Ѓорѓиевски

-

08.11.2018

0

ЛА лејкерс триумфираа против Минесота со конечни 114:110 во „Стејплс центарот“. „Езерџиите“ стигнаа само до петтата победа сезонава, и натаму имаат негативен резултат од 5-6 по 11 меча, додека „волците“ влегоа во лоша серија од четири последователни порази.

Леброн Џејмс го предводеше својот тим, а му недостасуваше само една асистенција да запише трипл-дабл учинок, заврши со 24 поени, 10 скока и девет асистенции. По 21 поен постигнаа Кузма и Харт, играчот кој ги погоди важните слободни фрлања за потврда на триумфот, а 20 поени додаде Инграм. За Лејкерси настапи и новото засилување Тајсон Чендлер, па и тој придонесе во победата со два поени и девет скока.

Дерик Роуз повторно се истакна како најефикасен во составот на Тимбервулвс, а реализираше 31 поен и пет асистенции, Батлер додаде 24 поени.

„Џезерите“ од Јута конечно победија по четири порази во низа, а настрада тимот на Далас со резултат 117:102. Јута уште од стартот на средбата изгради сигурна предност и не им даде шанса на Дончиќ и дружината да направат изненадување.

Донован Мичел во улога на лидер на Јута постигна 23 поени, седум скока и пет асистенции, Гобер со дабл-дабл од 17 поени и 10 скока исто така беше клучен играч на домаќините. Лукак Дончиќ немаше многу помош од своите соиграчи, а тој заврши со 24 поени и шест скока.

Оклахома може и без Расел Вестбрук, откако ноќеска му го нанесе десеттиот пораз на Кливленд сезонава. Во победата од 95:86, Шрудер беше најефикасниот кошаркар на Оклахома со 28 поени и седум скока, додека Џорџ постигна 10 помалку.

Торонто по поразот од Милвоки, победи на следните пет меча и сега франшизата од Канада има скор од 11-1, откако ноќеска беа подобри од Сакраменто при конечни 114:105.

Ленард се врати во составот на Репторси, па со 25 поени и 11 скока му помогна на својот тим да го одржи победничкиот ритам. Паскал Саикам беше пријатно изненадување кај Торонто со 21 поен. Коли-Стејн и Хилд со по 24 поени беа најефикасните кошаркари на „кралевите“ од Сакраменто.

Резултати НБА:

Кливленд кавалирс – Оклахома тандерс 86:95

Орландо меџик – Детроит пистонс 96:103

Атланта хокс – Њујорк никс 107:112

Мајами хит – Сан Антонио спарс 95:88

Индијана пејсерс – Филаделфија севентисиксерс 94:100

Мемфис гризлис – Денвер нагетс 89:87

Њу Орлеанс пеликанс – Чикаго булс 107:98

Јута џез – Далас маверикс 117:102

Сакраменто кингс – Торонто репторс 105:114

ЛА лејкерс – Минесота тимбервулвс 114:110

Мурињо објасни зошто провоцираше: Ми го навредуваа Интер

Трајан Маневски

-

08.11.2018

0

Манчестер јунајтед со два гола во последните четири минути стигна до победа од 2-1 против Јувентус во Торино. Триумфот на „црвените ѓаволи“ остана во втор план, и тоа благодарение на реакцијата на Жозе Мурињо по мечот. Тренерот на гостите во свој стил успеа дополнително да ја вжешти атмосферата и да ги налути домашните фанови, кои не можеа да веруваат дека нивниот омилен тим водеше со 1-0, а на крајот загуби.

Мурињо ја стави раката на увото провоцирајќи ги фановите на Јувентус дека повеќе не може да ги слушне ништо што зборуваат.

„Во текот на сите 90 минути ме провоцираа. Дојдов тука за да си ја работам својата работа и ништо повеќе. На крајот никого не навредив, само сакав да ги слушнам уште посилно да викаат. Веројатно тоа не требаше да го направам, и ако бев со „ладна глава“, сигурно немаше да го направам. Но, ја навредуваа мојата фамилија, вклучувајќи го тука и моето семејство Интер. Затоа морав така да реагирам“, рече Мурињо, кој во 2010 година како стратег на Интер стана првак на Италија, но ја освои и Лигата на шампионите и Светското клупско првенство.

Што се однесува за дуелот против Јувентус, Португалецот резимираше: „Одигравме фантастичен меч, на нашето највисоко ниво. Успеавме да победиме бидејќи игравме многу добро. До самиот крај ја посакувавме победата и успеавме“, додаде Мурињо, кој повторно е во центарот на вниманието, и тоа поради неговото однесување.

Мурињо во свој стил ја прослави победата на Манчестер јунајтед (Видео)

Зоран Поповски

-

07.11.2018

0

Жозе Мурињо има причини за славење по големиот триумф на Манчестер јунајтед против Јувентус во Торино.

Малку и ги провоцираше домашните навивачи, но тоа е неговиот стил на однесување. Ништо невообичаено за португалскиот тренер, кој си го дочека своите пет минути сезонава на клупата на повеќекратниот англиски првак.

https://twitter.com/FootbaII_HQ/status/1060294974812643328

Ѓаволски пресврт во Торино – Манчестер јунајтед го победи Јувентус со 2-1 (Видео)

Зоран Поповски

-

07.11.2018

0

Експресен пресврт на чудесен начин со два гола во финишот приреди Манчестер јунајтед против Јувентус во Торино. Хуан Мата со еврогол од слободен удар во 86-тата минута го анулира водството на домаќините, кои имаа предност со прекрасниот погодок на Кристијано Роналдо, а дербито го одлучи автоголот на Алекс Сандро во 90-тата минута.

https://www.dailymotion.com/video/x6wtwts

Двете екипи се на првите две места на табелата по четири кола. И покрај поразот, Јувентус е лидер со 9 бодови, а Јунајтед е вторпласиран со 7 бода. Валенсија има пет по победата против Јанг бојс, а швајцарскиот првак е последен со еден бод.

Најубедлив вечерва беше Манчестер сити, а во победата од 6-0 против Шахтар блескаше Габриел Жесус со хет-трик. Давид Силва, Стерлинг и Марез само ја дополнија убедливата победа на домаќините.

Се разигра и актуелниот европски првак под команда на новиот тренер Сантијаго Солари, а петарда прими чешкиот првак П’лзењ.

Бензема со два гола ја предводи листата на стрелците, а по еден погодок постигнаа Каземиро, Бејл и Крос.

Резултати, натпревари од 21 часот:

Јувентус – Манчестер јунајтед 1-2, Баерн – АЕК 2-0, Бенфика – Ајакс 1-1, Лион – Хофенхајм 2-2, Манчестер сити – Шахтар 6-0, П’лзењ – Реал Мадрид 0-5.

Кингсли Коман се врати на тренинг

Томас Ѓорѓиевски

-

07.11.2018

0

Кингсли Коман, фудбалерот на Баерн Минхен, по подолго време се врати на тренинзите. Францускиот интернационалец поради повреда на лигаментите на коленото беше отсутен од фудбалски активности речиси три месеци, но тој повторно стапна на тревата.

Коман се повреди уште во првото коло во Бундеслигата, кога Баерн триумфираше над Хофенхајм со 3-1.

Ова значи дека тренерот Нико Ковач има една грижа помалку, кој по повредата на Коман, остана со малку опции на крилните позиции. Рибери и Робен во изминатиов период речиси по секој меч се здобиваа со ситни повреди и не секогаш беа комплетно подготвени за настап, што го натера Ковач повеќе да ротира во составот.