Без наслов - Страница 9804

Сакаш да бидеш милионер? Играј во SPORT LIFE

Топ тикети

-

11.09.2018

Само неколку дена откако ја промовиравме акцијата за зголемена исплата во SPORT LIFE обложувалниците на 1.000.000 денари за тикети до 20 натпревари, го добивме и првиот МИЛИОНЕР. Во Гостивар синоќа „падна“ милионско ливче. Со уплата од 7.300 денари и 10 погодени натпревари, еден наш играч имаше на што да се радува, ја освои најголемата добивка.
Играчот решил да ризикува и тоа му се исплатило. Вложил 7.300 денари и без никакви услови решил да го „брка“ милионот, а тоа се покажало успешно.

ОДЛИЧЕН ПОЗНАВАЧ НА РЕПРЕЗЕНТАТИВНИТЕ ДУЕЛИ
Паузата во најквалитетните фудбалски првенства во Европа, всушност, се покажа како нарачана за познавачите на репрезентативниот фудбал. Експертот од Гостивар одиграл ливче на кое има повеќе парови на национални селекции.
Комбинирано, Лигата на нациите со африканскиот Куп на нациите и уште неколку двојки од помалите европски лиги, доволно за добивка од милион денари.
Добитникот одиграл дека Тунис ќе победи на гости кај Свазиленд и дека ќе даде најмалку два гола (победа од 2-0), Мали да слави на гостувањето кај Јужен Судан (3-0), Грузија да слави против Летонија (1-0).
Од клупските мечеви, КПВ лесно со 3-0 го победи Кајани во Финска, а Мјалби победи и ги даде потребните два гола за типот 1 и Т1 да биде добитен. Нумансија даде еден гол, и тој од пенал, но доволно да победи против Елче за тип „кец“. Во данската втора лига, АБ Копенхаген убедливо со 6-0 победи на домашен терен против Сковшовед за тип 1 и Т1, а без проблеми излезе „единица“ и на дуелот Сантандер – Аренас, откако домаќините победија со 4-0.
Последни на ливчето биле два пара од репрезентативно ниво. Оливие Жиру во 75-тата минута погоди за победа на Франција против Холандија (2-1), а Нико Шулц од Хофенхајм ја комплетираше радоста со голот во 85-тата минута за победа на Германија против Перу од 2-1 и погоден тип 1.

Хрватска во чест на Ракитиќ ќе ја запира „фуријата“

Златко Јуруковски

-

11.09.2018

0

Шпанците по триумфот на „Вембли“, осоколени и со добро расположение ја пречекуваат Хрватска во дербито на денот во Лигата на нациите. И Хрватите нема зошто да се жалат, со значително изменет состав во однос на СП, каде што беа финалисти, одиграа добро на пријателскиот меч против Португалија.

Дуелот од групата 4 во најсилното друштво во Лигата на нациите ќе се игра во Елче, со почеток во 20.45 часот. Шпанците во Лигата на нациите тргнаа со победа од 2-1 над Англија , а за светскиот вицепрвак ова е прв меч во новото натпреварување.

Хрватите покажаа дека психички се многу силни, а на шест меча по ред играа „гол-гол“ (и постигнуваа и примаа). Најголемата сила е средниот ред, предводен од Модриќ и Ракитиќ. Иван Ракитиќ ќе го одигра својот стоти натпревар во дресот на репрезентацијата.

Последниот меѓусебен дуел на Хрватите и Шпанците се одигра на 21-ви јуни 2016 година, на Европското првенство, кога „коцкестите“ победија со 2-1. Кај Хрватска ги нема Манџукиќ и Ловрен, нови лица се Ливаја, Матеј Митровиќ и Пјаца.
Шпанија остана без Иниеста и Пике, но има нов селектор, Луис Енрике, кој форсира формација 4-3-3, која е подиректна и не е толку „заглавена“ во многубројните додавања од времето на „тики-така“ играта, но сега и доминацијата во поседот на топката не е толку голема.

Во понудата на „Спортлајф“, квотите го фаворизираат домаќинот. Коефициентот за „кец“ е 1.70, за „икс“ е 3.55, додека за „двојка“ е 5.25.

Тухел одлучи: Ареола пред Буфон меѓу диреците

Златко Јуруковски

-

11.09.2018

0

По пристигнувањето на легендарниот Џиџи Буфон на „Паркот на принцовите“, тренерот на ПСЖ, Томас Тухел, имаше тешка задача околу одлуката за прв голман меѓу диреците. „Светците“ во своите редови имаат свој академец, Алфонс Ареола, кој во последниве две сезони се наметна пред Кевин Трап, кој веќе не е во тимот на ПСЖ, а полека се наметнува и во националниот состав на Франција, што прави еден проблем повеќе за Тухел околу изборот.

Сепак, германскиот стратег пресече откако истакна дека Ареола ќе има предност пред Буфон, Тухел дури лично му го соопштил тоа на францускиот голман.

„Одлуката не е дефинитивна, но јас му посочив на Алфонс дека според мое мислење, тој е во пол-позиција да настапи пред Буфон. Тој доаѓа од младинските категории на ПСЖ, oвој клуб за него е сѐ и тој прави сѐ во негова моќ да се докаже во клубот за кој навива и го сака. Мора да бидеме горди на играчи како него“, истакна Тухел за француските медиуми.

Тухел потоа ја објасни и улогата на Буфон во екипата: „Тој не е само играч кој седи на клупа. Буфон има огромно влијание во тимот. Бранеше одлично против Генгамп. Од друга страна, тој е на клупа бидејќи Ареола мора да добива одредена минутажа. Може слободно да се опушти на клупата и да гледа како други му ја вршат работата, но тој не е таков, Џиџи константо комуницира со играчите и се обидува да ми помогне. Тоа го прават само големи играчи како него“.

Буфон настапи на првите два лигашки натпревара за ПСЖ сезонава, како и во францускиот Суперкуп, додека Ареола подоцна доби шанса да брани во следните две кола.

Машкиот тенис 15 години е во рацете на Ноле, Рафа и Роже

Тенис

Златко Јуруковски

-

11.09.2018

0

Роже Федерер, Рафаел Надал и Новак Ѓоковиќ се тројцата најдобри тенисери во последните 15 години, а нивната доминација се потврдува и со бројки. Тие тројца освоија 51 од последните 62 Гренд слем турнири, а тројцата заедно имаат минато 722 недели како број 1 на АТП-листата.

Пред 15 години, на Вимблдон во 2003, Федерер го освои својот прв Гренд слем и го означи почетокот на неговото искачување кон врвот. Во таа 2003 година, АТП-листата имаше четворица различни лидери, а потоа Федерер го презеде тронот.
Надал го симна Швајцарецот од врвот по цели 237 недели доминација. Во 2011 на „журката“ се приклучи и трет човек, Ѓоковиќ, кој го разби дуализмот на врвот. Федерер и Надал заедно освоија 26 Гренд- лема и беа 387 недели на првото место.

Освен триото Ѓоковиќ-Федерер-Надал, на првото место беше и Енди Мареј, и тоа 41 недела, но тој по бројот на титули не е на нивото на овие тројца. Ниту еден играч кој е роден по 1990 година не знае за Гренд слем титула. Од овие тројца што газат веќе долги години, најголеми жртви се одличните тенисери како Мареј, Дел Потро, Чилиќ, Вавринка, Раониќ, Тием…

Трампа во Ф1: Раиконен ќе вози за Заубер, младиот Леклер нов партнер на Фетел

Томас Ѓорѓиевски

-

11.09.2018

0

Возачот на Ферари, Кими Раиконен, одлучи повторно да го напушти италијанскиот тим, а од следната сезона ќе вози за тимот кој му ги отвори вратите во Формула 1, Заубер. Триесет и осугодишниот Финец ќе ја извози четвртата сезона во Ферари по неговото враќање, откако во 2009 година го напушти и го смени болидот на Ф1 со оној за рели-трки.

Возачот кој ќе пристигне на негово место ќе има голема задача да ја пополни празнината која ќе ја остави искусниот возач, а доаѓа токму од тимот на Заубер. Дваесетгодишниот Французин Шарл Леклер ќе му би партнер на Себастијан Фетел од сезоната 2019.

Раиконен е последниот возач на Ферари кој ја освои светската шампионска титула, тоа беше во сезоната 2017.

Еуфорија во Белград, бескрајни колони за билети

Златко Јуруковски

-

11.09.2018

0

Откако Црвена ѕвезда почна со продажба на пакет-билетите за мечевите од Лигата на шампионите, утрово на благајната на стадионот „Рајко Митиќ“ има огромна колона од фанови кои чекаат да дојдат на ред за да купат карти за трите меча од ЛШ.

Огромниот интерес е очекуван, илјадници фанови со нетрпение чекаат првпат да ја видат Ѕвезда во групите од ЛШ. Цените на пакетите се од 7.500 до 18.000 српски динари, а еден човек може да добие најмногу два пакети. Благајните ќе бидат отворени секој ден до 18 часот, но судејќи според стартот на продажбата, картите брзо ќе бидат распродадени.

Меѓу оние што чекаа да дојдат до билети има фанови и од другите градови во Србија, но и од околните земји, како Македонија, Црна Гора и Република Српска во БиХ.

Првиот меч на Ѕвезда во ЛШ е на 18-ти септември дома против Наполи. На 6-ти ноември во Белград доаѓа Ливерпул, а на 11-ти декември ќе гостува ПСЖ. Поединечни билети за овие три меча веројатно ќе има многу малку.

Наполи ќе ги игра мечевите од ЛШ во Бари?

Томас Ѓорѓиевски

-

11.09.2018

0

Претседателот на Наполи, Аурелио де Лаурентис, побарал дозвола од Европската фудбалска куќа да ги организира предвидените натпревари од Лигата на шампионите на стадионот од Бари,наместо да играат на градскиот стадион „Сан Паоло“ во Неапол.

Оваа одлука е донесена откако советот на општината соопшти дека Наполи му должел пари на градот за неплатена рата, а меѓу останатите причини е и инсистирањето на самиот сопственик да му ги продадат правата на фудбалскиот комплекс.
Покрај Наполи, Де Лаурентис,го поседува и италијанскиот второлигаш Бари, па токму затоа инсистира на реорганизација на европските мечеви на нивниот стадион.

„Ова веќе е кошмар, црна дамка на овој колектив, срамота е клуб од интернационен карактер да има проблеми со стадионот. Велам доста е веќе, нема повеќе да создавам контроверзии, одлучив да вложам средства за нов стадион. Ќе бидат потребни неколку години да се изгради, но ќе вложам лично мои пари и никој не ќе може да ми каже што да правам. Побарав од УЕФА да ни дозволи да ги преместиме мечевите од Лигата на шампиони да ги играме на стадионот од Бари, „Сан Никола“, и ако треба и сам ќе ги платам билетите на навивачите, само да дојдат таму да го поддржат тимот“, изјави Де Лаурентис за италијанските медиуми.

Доколку ова нависитна се случи, Наполи ќе му побуди убави спомени на неговиот противник од групата, Црвена ѕвезда, српскиот тим кој по 26 години се враќа во елитата, а каде што во 1991 играше и победи во финалето од ова натпреварување токму на стадионот во Бари. На италијанскиот вицепрвак покрај Црвена звезда, противници во групната фаза му се ПСЖ и Ливерпул.

Чоло: Син ми има сè, ама не би го зел во Атлетико

Златко Јуруковски

-

11.09.2018

0

Синот на Диего Симеоне, Џовани, неодамна со гол дебитираше за аргетинската репрезентација, покажа дека е квалитетен напаѓач, но татко му не би сакал да го има во својот клуб. Популарниот Чоло, кој е тренер на Атлетико Мадрид, на телевизија го гледал мечот на Аргентина со Гватемала.

„Многу емотивно го доживував играњето на мојот син за репрезентацијата на Аргентина. Тој знае што чувствувам за националниот тим на татковината, а и Џовани го има тоа во себе. Вистината е дека одигра добро“, изјави Симеоне.
Џовани, кој е член на Фиорентина, добро ја почна сезонава и напредува брзо, но татко му не бил го зел во Атлетико.

„Не сакам да зборувам како татко, туку како тренер. Џовани има сè за да игра во мојот тим, но никогаш не би го зел во мој тим, така е подобро за него. Тешко е да се има син во соблекувалната. Можеби еден ден кога нема да бидам во Атлетико, тој ќе заигра за клубот“, објаснува Диего Симеоне.

Алжирец ќе го чува голот на Вардар

Томас Ѓорѓиевски

-

11.09.2018

0

Македонскиот претставник во ракометната Лига на шампиони, тимот на Вардар, го ангажираше младиот алжирски репрезентативец Калифа Гедбан, кој ќе биде конкуренција на Дејан Милосављев и Марко Кизиќ на голот.

Алжирецот требаше да потпише за шпанскиот клуб Анхел Хименес, но, трансферот не се реализираше и тој одлучи да ја продолжи кариерата во Македонија. Дваесет и едногодишниот голман по настапот на Медитеранските игри тренираше со соиграчите од Анхел Хименес, но тренерот на овој тим Хулиан Руис не го користеше на пријателските натпревари со изговор дека е далеку од потребната форма.

Нашиот национален првак во последниот ден од преодниот рок успеа да доведе замена за Страхиња Милиќ, со кого пред извесно време го раскинаа договорот.

Дреновац повторно ќе игра во АБА, потпиша за Морнар Бар

Томас Ѓорѓиевски

-

11.09.2018

0

Српскиот интернационалец Ѓорѓе Дреновац кариерата ја продолжува во тимот на Морнар Бар. Поранешниот член на МЗТ Скопје ќе игра покрај „ексаеродромецот“ Урош Луковиќ, неговиот сонародник со кого заедно ја освоија титулата во Суперлигата во сезоната 2015/2016.

Дреновац го напушти Скопје во 2017 година, откаку му помогна на тимот од Аеродром да ј а одбрани титулата, а потоа потпиша за бундеслигашот Мителдојчер, а само по една година одлучи да се врати на Балканот и да настапува во регионалната лига АБА, како и Еврокупот.