Без наслов - Страница 9976

Болт побрзо истрча 100 метри отколку Погба да изведе пенал (Видео)

-

29.10.2018

Пол Погба го даде првиот гол за Манчестер јунајтед во победата од 2-1 против Евертон, но и покрај погодокот, сите му се смеат. Причина за тоа е пеналот кој го изведе Погба. Францускиот репрезентативец го промаши пеналот, но од одбиената топка, успеа да ја затресе мрежата на гостите.

Не беше смешно тоа што го промаши ударот од белата точка, туку начинот на кој го изведе. На Погба му беа потребни 10 секунди да истрча за да стигне до топката пред да ја шутне. Ако се направи споредба, светсиот рекордер на 100 метри Јусејн Болт побрзо ја истрчал атлетската патека, отколку Погба да стигне до топката за тие неколку метри кои му беа потребни да се залета.

https://twitter.com/Troll__Footbal/status/1056653148696334348

Сан Хозе и Вегас до победи по продолженија

Томас Ѓорѓиевски

-

29.10.2018

0

Сан Хозе шаркс им го нанесе петтиот пораз во низа на хокејарите на Анахејм дакс, а по продолженијата „ајкулите“ се радуваа на победа од 4-3. Гостите во поголемиот дел од средбата го имаа резултатот, па Аберг на двапати го спасуваше својот тим, додека во дополнителното време погоди Мејер, по две минути игра.

„Златните витези“ од Лас Вегас го запишаа само третиот триумф сезонава по 11 средби во НХЛ, а ноќеска во неизвесната пресметка беа подобри од Отава сенаторс со 4-3. Иако гостите имаа предност од 2-0 на средината од вториот период, во последните пет минути од таа третина Вегас се врати во игра со два брзи гола, а Марчесаул во продолжението беше прецизен од пенал-позиција по 3-3 во регуларниот дел.

Вчера вечерта се одиграа четири средби: ЛА кингс 4-3 Њујорк ренџерс, Каролина хурикејнс 1-2 Њујорк ајлендерс, Детроит ред вингс 4-2 Далас старс, Чикаго блекхокс 1-2 Едмонтон ојлерс.

Дојде „Денот Д“ за најлошиот тренер што го имал Реал во 50 години

Златко Јуруковски

-

29.10.2018

0

Хулен Лопетеги и официјално ќе добие раскин на договорот со Реал Мадрид, а потоа Антонио Конте ќе биде наименуван за нов тренер на актуелниот европски првак. Ова е сценариото кое во текот на денешниот ден го очекуваат шпанските медиуми.

Иако претседателот Флорентино Перес имаше големо трпение со шпанскиот стручњак, сепак, на крајот реши да се раздели со човекот кој ѝ го „украде“ на шпанската репрезентација пред самиот почеток на Светското првенство.

Капката која ја прели чашата на трпението беше дебаклот на „Камп ноу“ и поразот од Барса. Но, бројките кажуваат дека Перес летоска погреши што не купи доволно добар напаѓач, а донесе тренер кој не успеа да ги мотивира заморените ѕвезди.

Сето ова, заедно со повредите на клучни играчи, кои исто така малку придонесоа за лошите резултати, доведоа до тоа Лопетеги да биде најлош тренер што го има Реал во последните 50 години.

Од првите 10 меча во лигата, Лопетеги има по 4 победи и порази, и две ремија. Ниту еден друг тренер во последниот половина век не бил толку слаб. За утеха, имало и полоши тренери од него, но сите тие работеле пред повеќе од 50 години.

Конечно проработи Оклахома, нов рекорд на Кари (видео)

Томас Ѓорѓиевски

-

29.10.2018

0

Оклахома сити тандерс конечно ја запиша првата победа во сезонава, против тимот на Феникс санс со 117:110. По четири последователни порази, „громовите“ се разиграа, па предводени од Вестбрук и Џорџ, го скршија малерот токму против „сонцињата“.

Овие двајца завршија со еднаков број поени, по 23, но Вестбрук беше блиску до трипл-дабл учинок, му недостасуваа три асистенции и еден скок. Ноел од втро план придонесе за победата со дабл-дабл од 20 поени и 15 скока. Во составот на Феникс најсрасположен беше Ели Екобо со 18 поени и седум асистенции.

Уште една ноќ во која Стеф Кари ги помести кошаркарските граници. Во победата на Голден стејт вориорс од 120:114 над Бруклин нетс, Кари реализираше седум шутови за три поени, а вкупно на седум последователни средби успева да погоди најмалку пет тројки, што е единствен кошаркар со таков учинок.

Мечот го заврши со високи 35 поени, а имаше и седум скока. Кевин Дурант придонесе за победата со 34 поени, шест асистенции и осум скока, додека во тимот на Бруклин најефикасен беше Левер со 23 поени.

Во останатите средби кои се одиграа ноќеска, Јута џез победи на гостувањето кај Далас со 113:104, а ЛА клиперс го совлада тимот на Вашингтон визардс со 136:104.

ПОТВРДЕНО: Нема преживеани во падот на хеликоптерот

Трајан Маневски

-

29.10.2018

0

Ниту еден од петтемина патници кои беа во хеликоптерот кој во саботата вечерта се сруши во близина на стадионот „Кинг пауер“ не преживеа. Во хеликоптерот беа претседателот на Лестер Вишај Шриваданапраба, неговата ќерка, двајца пилоти и уште едно лице. Несреќата се случи неспосредно по завршување на мечот Лестер – Вест хем.

Шриваданапраба, како по обичај,по дуелот го чекал хеликоптерот на центарот од теренот на стадионот „Кинг пауер“. Тој заедно со својата ќерка и уште едно лице влегол во хеликоптерот, во кој имало двајца пилоти. Сепак, само неколку моменти откако хеликоптерот полетал, тој ненадејно се срушил, и тоа на паркингот пред стадионот.

„Со длабоко жалење и скршени срца потврдуваме дека нашиот претседател Вишај Шриваданапраба беше меѓу оние кои трагично настрадаа во саботата вечерта, кога хеликоптерот се сруши пред стадионот „Кинг пауер“. Ниеден од петтемина патници кои беа во хеликоптерот не го преживеаа падот. Нашите мисли се со семејството на Вишај Шриваданапраба и семејствата на останатите кои настрадаа. Светот загуби голем човек, полн со љубезност, великодушност и љубов која ја посветуваше на својето семејство и на нашиот клуб. Лестер под негово водство стана како едно големо семејство. Ветуваме дека и без него ќе продолжиме да ја водиме истата политика и ќе имаме иста врска како до сега“, стои во соопштението на Лестер.

Вишај Шриваданапраба во 2010 година стана сопственик на Лестер, а под негово водство клубот стигна до најголемиот успех во историјата. Во 2016 година Лестер изненадувачки стана првак на Англија.

Ферстапен најбрз во Мексико, титула слави Хамилтон

Зоран Поповски

-

28.10.2018

0

Британецот Луис Хамилтон ја освои титулата во Формула 1, петта за него, иако вечерва беше четвртопласиран на Големата награда на Мексико.

Победник на трката е Макс Ферстапен, пред Фетел, Раиконен, Хамилтон и Ботас во првите пет, што беше доволно за славје на британскиот ас, кој е недостижен за ривалите.

Интересно е што Макс славеше и лани на истата трка, па има две победи едноподруго на една од неговите омилени патеки во Ф1.

Луис Хамилтон ја освои првата титула во кариерата со болид на Мекларен, а сите останати четири, вклучувајќи ја и оваа се со Мерцедес.

ПСЖ урива рекорди во Франција, победа и на жешкиот „Велодром“

Зоран Поповски

-

28.10.2018

0

Килијан Мбапе и Јулиан Дракслер со по еден погодок му ја донесоа 11. победа на Пари Сен Жермен во серија, што е феноменален подвиг, во моментов единствен во топ-5 лигите во Европа.

Сензационалниот тинејџер Мбапе постигна гол само 180 секунди откако влезе во игра, а гостите ја запечатија новата победа со голот на Дракслер во самиот финиш на големото француско дерби.

На клупата на Кавалирс веќе нема да седи Лу, туку Дру

Златко Јуруковски

-

28.10.2018

0

Тајрон Лу веќе не е тренер на НБА тимот Кливленд кавалирс. Тој доби отказ од управата на „коњаниците“, откако тимот претрпе шест порази на првите шест меча сезонава. Лу си оди после 128 победи и 83 порази.

Според реакциите на кошаркарите на Кливленд по социјалните мрежи, играчите воопшто не се среќни што управата го смени тренерот со кој за три години имаа три финалиња по ред и една титула. И Леброн Џејмс кој сега е член на ЛА Лејкерс, ја искритикува одлуката и искажа поддршка за Лу.

За привремен тренер, наименуван е досегашниот асистент на Лу, Лери Дру. Во минатата сезона, Дру го водеше тимот додека Лу беше болен, и имаше одлични 9-1, но тогаш во составот го имаа и Леброн Џејмс. Дру има работено како прв тренер во Атланта и Милвоки.

Севилја победи, Пулидо со гол со петица им го украде шоуто (Видео)

Зоран Поповски

-

28.10.2018

0

Севилја очекувано ја победи Хуеска со 2:1 во првиот меѓусебен меч на двете екипи, а сепак шоуто му припадна на Жорге Пулидо од поразениот тим.

Тој постигна мајсторски гол со петица во самиот финиш, доволно само за утеха на гостите. Претходно со головите на Пабло Сарабија, Севилја си обезбеди триумф за враќање на третата позиција на табелата, зад лидерот Барселона и Алавес.

Екипата од Андалузија игра одлично сезонава и со 19 бодови е во горниот дел на табелата.

Хуеска за првпат игра во најсилната лига на Шпанија и засега не им оди добро. Имаат само пет бодови на последното место.

https://twitter.com/ElevenSports_UK/status/1056664476773179396

Везув доцна експлодираше, ремизираа Наполи и Рома

Зоран Поповски

-

28.10.2018

0

Наполи и Рома одиграа одличен дерби меч во Серија А, а на крајот двете екипи освоија по еден бод со по еден постигнат гол.

Поведоа гостите со погодокот на Ел Шарави во 14. минута и до финишот на мечот беа на прагот на третата победа по ред на „Сан Паоло“.

Сепак апсолутната доминација на Наполи во второто полувреме со израмнувачки гол ја круниса Дријс Мертенс во 90. минута. Доцна експлодираше Везув и немаше време за победнички гол на домаќините, кои беа фаворити за освојување на трите бодови.

Рома остана непоразена во Неапол четврта година по ред, а Наполи сега заостанува за шест бодови зад лидерот и актуелен шампиин Јувентус.