Димитар Ѓорѓиев го освои златото на Европското првенство во кикс бокс во Братислава. Во финалето, нашиот најдобар кок-боксер го победи Русинот Рамазан Баксанов, во категоријата до 86 килограми во дисциплината лоу-кик.
За Ѓорѓиев ова е прво континетално злато, кое ќе блеска покрај трите светски златни трофеи кои ги има освоено во кариерата.
Реал Мадрид губи со 0:2 по неполни 20 минути на свој терен од Леванте. Во тимот на гостите е и нашиот репрезентативец Енис Барди. Леванте ги искористи двете шанси кои ги доби и реализираше за изненадувачка предност од два гола на „Сантијаго Бернабеу“.
Најпрво Моралес ја искористи несмасноста на Варан и погоди за 1:0 во 6 минута. Веќе во 13 минута беше 0:2, а Варан повторно беше виновникот. Францускиот репрезентативец играше со рака, а судијата по консултација со арбитрите во ВАР собата, покажа на белата точка.
Видео технологијата помогна за Леванте да стигне до 2:0, а веќе во 18 минута повторно мораше да се гледа повторена снимка. Асенсио даде гол за намалување на 1:2, беше покажано на центар, но по консултации и помошта од ВАР системот, погодокот на Реал беше поништен.
Најскапиот фудбалер во историјата, Бразилецот Нејмар демантираше дека сака да се врати во Барселона. Пред неколку дена дел од медиумите во Шпанија најавија дека Нејмар повторно би сакал да заигра во дресот на гигантот од „Камп Ноу“.
Нејмар најде интересен начин да ги демантира пишувањата. На неговата официјална страна на една од сицијалните мрежи ја стави насловната корица на која пишуваше дека ќе се врати во Барселона, удри „печат“ дека тоа е „лажна вест“.
Бразилецот играше во Барселона од 2013 до 2017 година, а потоа за рекордни 222 милиони евра се пресели во ПСЖ, каде е главна ѕвезда.
Емил Аудеро сезонава за прв пат во кариерата е стартер во Серија А и веќе блеска. Во досегашниот дел од сезоната, Аудеро се промовираше во најдобар голман според процентот на одбранети удари во Топ 5 лигите. Ниту Алисон, ниту Буфон, Љорис, Де Хеа и останатите ѕвезди кои ги чуваат головите на големите екипи, не може да му парираат на талентираниот голман.
Аудеро неодамна дебитираше за младата репрезентација на Италија до 21 година и допрва треба да се промовира во вистинска ѕвезда. На голот на Сампдорија, во досегашниот дел од сезоната има одбрането 87,5 отсто од шутевите. Ниту еден друг голман во Топ 5 лигите нема подобар процент од него.
Зад Аудеро следи Љорис со 86,67 отсто одбранети удари, додека на третото место е најскапиот голман во историјата, чуварот на мрежата на Ливерпул, Алисон (85,71 отсто). Легендарниот Џиџи Буфон кој ја чува мрежата на ПСЖ е на четвртото место на оваа листа со 83,33 отсто одбранети удари кон неговиот гол.
Интер е домаќин на Милан во едно од најголемите градски дерби дуели во светот. Иако во последните неколку години двата тима од Милано ја немаат моќта да се борат за титулата во Серија А, нивните средби секогаш се посебно привлечни.
„Росонерите“ ќе ја имаат улогата на гости, но тоа најчесто и нема некаква улога во овие средби. Играчите кој моментно го носат дресот на Милан не може да се пофалат како многу искусни на ваквите дерби мечеви. Според статистиката во сегашниот состав на Милан има играчи кои заедно немаат ни 50 дерби дуели против Интер.
За разлика од сите нив, некогашниот капитен на „црвено-црните“, Паоло Малдини во својата кариера одигра 56 настапи против лутиот ривал. Малдини прв пат против Интер заигра во 1985 година, во ремито 2:2. Од тој меч па во следните две и пол децении, речиси и да немаше градско дерби на Милано, без Малдини на теренот.
Стадионот „Алианц“ во Торино, од 18 часот ќе биде сведок на дуел помеѓу две гол-машини кои доминираат во противничките 16-ници. Оние 665 квадратни метри колку што е голем противничкиот казнен простор, е местото каде што Кристијано Роналдо и Кжиштоф Пјонтек најпријатно се чувствуваат и се постојана закана за ривалите.
Никој друг во Европа не шутира толку многу во шеснаесетникот како Кристијано, а блиску зад него е и Пјонтек. Роналдо во осумте кола има 40, а Полјакот 30 шута. И во шутевите со глава кон противничките голови, тие се во Топ 5 на континентот.
Португалецот е постар десет години, кога тој почнуваше како дете, го забележаа на терените во Фуншал, во дресот на Андориња, потоа и на Спортинг Лисабон, а дека времињата се менуваат, доказ е што Пјонтек беше ангажиран откако раководството на Џенова го гледаше на компјутер, на видео снимки.
Можеби нашиот Горан Пандев на кого му лежат мечевите против Јуве, ќе ги засени двете ѕвезди во кои ќе бидат вперени очите, и ќе придонесе за прв кикс на „старата дама“ која засега е перфектна.
Швајцарскиот тенисер Роџер Федерер, кој поради рекордните 20 гренд-слем титули многумина го сметаат за најдобар на сите времиња, има навивачи во целиот свет, а тоа значи и во Србија. Иако Србите за обожување си го имаат Новак Ѓоковиќ, кој може да го загрози рекордот на Федерер, не сите кај нашиот северен сосед навиваат за Ноле.
Федерер откри дека бил трогнат кога видел српски љубител на тенисот, кој ги имал истетовирано неговите иницијали РФ.
„Луѓето често на рацете или нозете ги тетовираат имињата на своите омилени спортисти, а во Србија има еден мој фан, кој на листот на ногата има истетовирано РФ. Во Буенос Аирес, едно момче ја соблече маицата и на стомакот покажа тетоважа со мојот лик. Најубаво е кога одам некаде каде тенисот не е популарен, а ме препознаваат на улица. Така беше во Етиопија, а во Јужна Америка пред хотел ме чекаа 150 луѓе“ – вели Федерер.
Со натпреварот помеѓу Шкупи и Фени индустри, кој стартува во 13 часот, почнува третото коло во првата македонска кошаркарска лига. За чаирчани, ова е прв домашен меч сезонава во „Шабан Трстена“, па затоа клубот мораше да исполни некои услови за да му биде дозволено да игра таму.
Едно од барањата беше да се постави заштитен тунел за играчите да можат безбедно да го напуштат теренот и да заминат во соблекувална. Управата на Шкупи го реши тој проблем и гостите не треба да се плашат од непријатности.
Освен мечот Шкупи-Фени, на кој кавадарчани се фаворити, бидејќи имаат и тројца странци за разлика од чаирчани кои немаат ниту еден, денеска се играати дуелите Вардар – МЗТ Скопје Аеродром (17 часот), Работнички – Кожув (18) и Блокотехна – Пелистер (18.30). Колото ќе се затвори утре со битката на АВ Охрид и Куманово од 17.30 часот.
Александар Васоски е пред нов голем предизвик со Вардар и треба повторно да најде победнички рецепт за шампионот Шкендија, а пред дербито во недела, издвои време и за анализа и предлог типови за пет дуели од осмото коло во Бундеслигата.
„Верувам дека на „ВВК арена“ во Аугсбург ќе има многу голови и дека Баер во Леверкузен ќе успее да ги реши дилемите околу победникот уште во првото полувреме. Во Менхенгладбах и во Гелзенкирхен очекувам најмалку по два гола на домаќините, а Херта во ефикасен меч ќе ја продолжи серијата успеси на свој терен“, вели Васоски.
Аугсбург – Лајпциг (Сабота, 15.30)
По традиција, а и во последните натпревари во Бундеслигата Аугсбург како домаќин и Лајпциг како гостин постигнуваат многу голови. Логично е овде да се типува меч со три и повеќе погодоци. Немам дилеми и овде за мене е сигурно дека ќе има најмалку три плус, бидејќи се работи за две исклучително ефикасни екипи.
Предлог тип: 3+ (1.60)
Баер Леверкузен – Хановер (Сабота, 15.30)
Баер има подобар состав од Хановер, патем е и домаќин и верувам во сигурна победа на фаворитот. И тоа би типувал дека победникот ќе се знае уште по првиот дел. На „Бај арена“ Баер ќе тргне во офанзива и очекувам нивна предност и по првото полувреме и бодовите да останат во Леверкузен.
Предлог тип: 1-1 (2.35)
Шалке 04 – Вердер (Сабота, 18.30)
Очекувам Шалке 04 да продолжи со добрите игри, откако со три победи ја прекина серијата од пет порази. Вердер почна одлично во новата сезона, но очекувам да прими најмалку два погодоци од домаќинот и тука мојот предлог е Т1 2+. Тимот од Бремен игра отворен фудбал, а Шалке ќе знае тоа да го искористи.
Предлог тип: Т1 2+ (2.30)
Херта – Фрајбург (Недела, 15.30)
Херта е и подобар тим и особено добро игра на домашен терен, што се потврдува со податокот дека го победија шампионот Баерн на „Олимпискиот стадион“, а имаат и три успеси во трите натпревари како домаќини. Фрајбург не игра добро како гостин и овојпат е аутсајдер и според мене ќе загуби во меч со најмалку три голови.
Предлог тип: 1&3+ (3.30)
Борусија Менхенгладбах – Мајнц (Недела, 18.00)
Овде има разлика во класа во корист на тимот од Менхенгладбах. Очекувам Борусија да ја продолжи серијата добри игри. Го победија Баерн на гостински терен со 3:0, а бележат само победи и на домашен терен. Верувам дека топката најмалку двапати ќе заврши во мрежата на Мајнц.
Предлог тип: Т1 2+ (1.56)
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
