Аслан Карацев е хит во Мелбурн на Отвореното првенство на Австралија, а на првиот грендслем во сезоната само за десетина дена заработи повеќе пари од целата кариера претходно.
Утринава го елиминираше и Григор Димитров, што му беше осмиот меч во Мелбурн бидејќи тргна во импресивниот поход од квалификациите. Следен ривал ќе му биде најдоброрангираниот светски тенисер Новак Ѓоковиќ, кој го победи Зверев со 3:1.
Тој е само петтиот тенисер во историјата на гренслем-турнирите што ќе игра полуфинале, а дотаму стигнал со старт во квалификациите.
Моментно е рангиран како 114-ти тенисер на светот и ова му е деби на главната сцена на гренслем-турнирите, иако има 27 години.
Досега со осум победи во Мелбурн заработи 662 илјади долари, или повеќе од сите пари што ги заработи претходно во кариерата, или точно 618.354 долари.
Карацев е најнискорангираниот тенисер од 2001 што ќе игра полуфинале, а последен пред него беше Горан Иванишевиќ со епскиот поход до титулата на Вимблдон пред две децении.
Aslan Karatsev
➡️Ranked #253 after the pandemic break
➡️#114 now
➡️Qualified in Doha
➡1st *ever* player to reach the SFs on his Grand Slam debut
➡️5th ever qualifier to reach a Slam SF.
➡️ Will rise to inside the top 50 next Monday.One of the best stories in recent years pic.twitter.com/WzJ63tHCmp
— José Morgado (@josemorgado) February 16, 2021
Карацев ќе се пробие во Топ-50 по завршувањето на Отвореното првенство на Австралија, а ако приреди сензација и против Ѓоковиќ, заработката ќе скокне на 1,17 милиони долари.
