Инцидентот и прекинатиот натпревар меѓу Пари Сен Жермен и Башакшехир го испровоцира и турскиот претседател Реџеп Таип Ердоган да се огласи со своја реакција на социјалните мрежи.
„Остро го осудувам расистичкото однесување кон нашиот тренер Пјер Вебо. Верувам дека УЕФА ќе ги преземе сите неопходни чекори. Ги осудувам расизмот и дискриминацијата како во спортот така и во сите сфери на живеењето“, стои во постот на фејсбук-профилот на турскиот преотседател Реџеп Таип Ердоган.
Temsilcimiz Başakşehir’in teknik ekibinden Pierre Webo’ya karşı sarf edilen ırkçı sözleri şiddetle kınıyor, UEFA tarafından gereken adımların atılacağına inanıyorum.
Sporda ve hayatın tüm alanlarında ırkçılığa ve ayrımcılığa kayıtsız şartsız karşıyız. #Notoracism
— Recep Tayyip Erdoğan (@RTErdogan) December 8, 2020
Првиот човек на Турција е докажан како еден од најверните навивачи на актуелниот фудбалски првак на земјата. Тој има дрес од Башакшехир, а знаел и да облече дрес и копачки за да заигра фудбал во боите на неговиот омилен тим.
Мечот на „Паркот на Принцовите“ беше прекинат во 14-тата минута, а инцидентот може да го видите ТУКА.
Според најавите, средбата треба да се доигра утре, со почеток во 18:55 часот.