Поранешниот голман на Јувентус и Арсенал, Александер Манингер, загина во сообраќајна несреќа на 48-годишна возраст. Трагедијата што доведе до неговата смрт се случила на необезбеден железнички премин на локална пруга во Салцбург, во местото Нусдорф ам Хаунсберг, според информациите на локалната полиција.
Манингер беше првиот Австриец кој некогаш настапил за Арсенал, а со Tопчиите ја освои титулата во Премиер лигата и ФА купот во сезоната 1997/98. Голманот го напушти „Хајбери“ во 2002 година, откако падна во хиерархијата зад Дејвид Симан и Ричард Рајт.
Потоа настапуваше за десет различни клубови, вклучувајќи ги Торино, Ред Бул Салцбург, Удинезе и Јувентус, пред повторно да се врати во Премиер лигата. По заминувањето од Аугсбург во 2016 година, Манингер тренираше со Ливерпул за да ја одржи натпреварувачката форма додека бараше нов клуб.
