Роналд Куман доби отказ од Барселона. Ова по полноќ го објави Барселона на својата официјална страница.
„Барселона го ослободи Роналд Куман од обврските кон клубот. Претседателот Жоан Лапорта ова го одлучи по поразот од Рајо Валјекано. Роналд Куман ќе се збогува со играчите во четврток. Барселона сака да му се заблагодари на Куман за работата во клубот и му посакува сè најдобро во професионалната кариера“, стои во соопштението од Барселона.
FC Barcelona has relieved Ronald Koeman of his duties as first team coach
— FC Barcelona (@FCBarcelona) October 27, 2021
Отказот на Куман доаѓа по поразот на Барселона на гости кај Рајо Вајекано со 0:1. За Рајо ова е прва победа над Барселона по пауза од 19 години. Еден од најзаслужните за победата на Рајо е голманот Столе Димитриевски, кој успеа да му одбрани пенал на Мемфис Депај.