Бразилскиот фудбалер Живанилдо Виеира де Соуса, познат како Хулк, за Денот на вљубените одлучи да објави фотографија со неговата девојка Камила, со која е од октомври минатата година, и тоа не би било ништо чудно ако не стануваше збор за девојка која е внука на неговата поранешна сопруга со која се разведе после 12 години брак и со која има три деца.
Хулк пред некој месец призна дека е во врска со братучетката на неговите деца, а сега додека игра во Кина, не само што објави фотографија со неа, туку објави и слика на која се гледаат веренички прстени.
Следбениците на Хулк порачаа да живее љубовта, дури и ако е во вакви околности.
