Валенсија по 18-ти пат ќе игра во финалето на Шпанскиот куп откако вечерва на „Месталја“ го победи Атлетик Билбао со 1:0 со евроголот на Гонкало Гуедеш.
Португалецот погоди како од топ во 43-тата минута и со вистински еврогол ѝ донесе меч за пехар на Валенсија.
https://twitter.com/ivs_sege/status/1499133617838387200?s=20&t=BYxJb5EsqyqI-wc94HEubw
Првиот меч во Билбао заврши нерешено 1:1, па Валенсија е поуспешна за еден погодок во вкупен резултат.
За популарните Лилјаци ова ќе биде 18-то финале, а имаат 8 пехари. Последен пат му се радуваа на куп-трофејот во Копа дел реј во сезоната 2018/19.
Противник во финалето на 23 април во Севилја ќе им биде победникот од двомечот меѓу Бетис и Рајо Валјекано.
Реваншот во второто полуфинале се игра утре во Севилја, а Бетис има голема предност на домашен терен по победата од 2:1 во Мадрид.