Парче во сино-бела боја било пронајдено во близина на холандскиот град Ротердам, на 700 километри оддалеченост од северот на Франција, каде што вчера беа пронајдени делови од исчезнатиот авион во којшто беше фудбалерот Емилијано Сала.
Tussen alle meldingen van gestrande zeehonden door, een vreemd stuk polyester met een laagje aluminium gevonden. Van vliegtuig?? pic.twitter.com/rpHKwp6l2Q
— Ad van den Berge (@advandenberge) January 30, 2019
„Пронајдов чудно парче на полиестер со слој од алуминиум. Дали е тоа дел од авион?“, праша Холанѓанецот кој го пронајде сомнителното парче.
Полицијата вели дека не ја исклучува ниедна можност, па и тоа дека тоа е дел од исчезнатиот авион, иако е огромна оддалеченоста од местото каде што вчера беа пронајдени деловите од седиштето на авионот.
„Не се исклучува ниедна можност, но тоа може да биде и дел од некој брод“, се вели во соопштението на полицијата, која го бара авионот.
Авионот во којшто беа само пилотот и Сала, исчезна минатиот понеделник и оттогаш нема посериозна трага за тоа што се случило на кобниот лет.
