Играчите на Шкупи веќе се со мислите насочени кон двомечот со Динамо Загреб во второто квалификациско коло за Лигата на шампионите, но ќе ја следат со големо внимание и ждрепката за следната филтер рунда, што ќе се одржи денеска точно напладне во Нион, Швајцарија.
Ако чаирчани успеат да приредат сезнација против фаворитот од Хрватска и бидат поуспешни од Динамо Загреб на двата дуели што ќе се играат утре на „Максимир“ од 21 часот и на 26. јули во Скопје во истиот термин, тогаш можни ривали ќе им бидат екипи од првата група и тоа од рангот на неносителите.
Тоа би биле победниците од двомечот меѓу Лудогорец и Шемрок роверс, потоа меѓу Ференцварош и Слован Братислава и Аполон Лимасол.
Натпреварите од третото квалификациско коло ќе се играат на 2/3 август и на 9 август.
Од 13 часот ќе се одржи и ждрепката за Европа Лигата, каде Македонија нема претставник.