Од оваа година АБА-лигата воведе нова функција – амбасадор на АБА, а прв човек кој ќе има должоност да ја претставува лигата е легендата на српската и европската кошарка, Жарко Паспаљ.
„Со задоволство ја прифатив понудата да станам амбасадор на АБА-лигата. Ова е најквалитетно клупско регионално натпреварување, не само во кошарка, туку воопшто во спортот. Ова натпреварување се афирмираше како филтер за клубовите од регионот кон Евролигата. Секоја година се појавуваат нови таленти и идни ѕвезди, возбуден сум што ќе учествувам во нивната афирмација. Со нетрпение чекам да почне новата сезона“, истакна Паспаљ.
