Од тимот на Милан негираат дека Златан Ибрахимовиќ расистички го навредил Ромелу Лукаку од Интер со коментарот поврзан со „вудуто“, но јасно е дека двајцата имаат нерасчистени сметки од минатото, иако едно време беа и клупски колеги во Манчестер јунајтед.
Во јануари 2018 година Лукаку одби да потпише нов договор со Евертон, а според клубот, причината била некаква „вуду порака“ која ја имал добиено Лукаку во Африка дека треба да замине во Челзи. Лукаку демантираше такво нешто и премина во Манчестер јунајтед.
Откако Ибра и Лукаку за малку ќе влезеа во физички конфликт, почнаа да се навредуваат, Швеѓанецот му кажа на Белгиецот да си продолжи со неговото „вуду ср*ње“ и тоа го извади од такт Лукаку.
Лукаку го покани Ибрахимовиќ да се сретнат надвор од теренот и да се пресметаат, на што постариот фудбалер се смееше и порача: „Важи, викни ја и мајка ти“. Тогаш Белгиецот збесна, а Ибра од далечина му порача „Прави си го твоето вуду ср*ње“.
⚽ Lo scontro verbale tra #Ibrahimovic e #Lukaku durante il derby di Coppa Italia#calcio #InterMilan #CoppaItalia pic.twitter.com/po2EnarQ5f
— RaiSport (@RaiSport) January 26, 2021