Без наслов - Страница 10082

Кошаркарски драми: Германија подобра од Израел по продолженија, триумф за Грција во последна секунда

-

16.09.2018

Репрезентацијата на Германија по Грција е втората селекција од Европа која обезбеди пласман на Мундобаскетот 2019, откако го совладаа Израел на продолженија со конечни 112-98. Гостите имаа иницијатива во текот на целиот меч, во еден момент имаа +23, сепак, домаќините со дополнителни сили се изборија за пресврт, но не и победа во регуларниот дел. Во дополнителните пет минути Германија беше подобра со 20-6 и заслуѓено ја прослави осмата победа и пласманот на СП 2019.

Грција со кошот на Папаниколау со звукот на сирената победи со резултат од 86:85, во драматичната пресметка против Грузија. Грците се првата европска селекција која го обезбеди својот настап на следниот Мундобаскет, додека во квалификациската група Л имаат максимални осум победи од исто толку натпревари.

Русија на свое тло беше подобра од бугарската репрезентација со 77:73, па со оваа победа ја прекина серијата од два порази во низа, со што направи чекор кон третата позиција во квалификациската група К, со 12 бода, исто толку има и Финска, но Русите имаат подобра кош разлика.

„Црвено-жолтите“ не им дадоа шанса на Романците

Златко Јуруковски

-

16.09.2018

0

Македонија ја победи Романија со 90:76 и направи уште еден чекор напред кон пласман во квалификациите за машкиот Евробаскет 2021. Триумфот го заокружи успешниот септемвриски циклус за македонскиот национален тим, кој чекор по чекор оди кон враќање меѓу најдобрите на Стариот континент.

Творци на победата беа повеќе играчи, петмина имаа двоцифрен број на поени, но отскокнуваше капитенот Војдан Стојановски со 21 поен, 13 скока и пет асистенции.

Првата четвртина донесе изедначеност, ниту еден од тимовите не успеа да се одлепи, доста се грешеше на двете страни, и ништо не навестуваше дека средбата ќе заврши со голема разлика, туку делуваше дека ќе биде неизвесно.

Во вториот квартал, Македонија малку се одлепи, и тоа им овозможи на избраниците на Јорданчо Давитков да играат послободно, а и во игра влегоа повеќе резервисти.

Второто полувреме почна според желбите на „жолто-црвените“ и во 24 минута, семафорот покажуваше 53-38. Тие плус 15, Македонија ги имаше и на крајот на третата четвртина.

Американецот со романски пасош, Вотсон, со серија поени придонесе разликата да падне на едноцифрена. Сепак, Македонија ја задржа предноста и најде начин како да дојде до победа која најавува подобри денови за нашата репрезентативна кошарка.

Наредниот меч за Македонија во овие претквалификации е на 2 декември во Скопје против Косово, и ако го добиеме тој дуел, шансите за освојување на првото место ќе бидат огромни, бидејќи ќе остане само уште еден натпревар, гостувањето во Романија на 21 февруари.

ПРИЗНАНИЕ ЗА СОЊА

На паузата меѓу двете полувремиња, раководството на МКФ и даде подарок (дрес на репрезентацијата со нејзиното име и цвеќе) на Соња Спасовска, жената која 25 години е незаменлива во канцелариите на федерацијата. Соња цели две ипол децении успешно ја врши функцијата технички секретар и заслужи да добие внимание.

Голеадата им донесе по еден бод на Фрајбург и Штутгарт

Томас Ѓорѓиевски

-

16.09.2018

0

Штутгарт и Фрајбург ги поделија бодовите по голеадата во која видовме шест гола (3-3). Иако домаќините уште од првата минута се најдоа во водство, Инсуа израмни за 1-1 во 44-тата минута.

Во вториот дел, на стена стапи Марио Гомез, па со два погодоци го реши победникот на мечот. Прво во 49-тата минута подоги за 2-1, три минути подоцна Фрајбург израмни преку Гондорф, но искусниот германски голгетер во 56-тата минута одново ја донесе својата екипа во водство. Сепак, на помалку од 10 минути пред крајот Валдшмидт израмни за 3-3, што на крајот беше и конечниот резултат од овој меч.

По три меча во Бундеслигата и двете екипи се уште не знаат за победа, со ова реми ги остварија првите бодови за сезонава.

Пароло им донесе три бода на лацијалите

Томас Ѓорѓиевски

-

16.09.2018

0

Лацио со минимални 1-0 победи на гостувањето против Емполи. Стрелецот на единствениот погодок беше италијанскиоте репрезентативец Марко Пароло, кој погоди кон самиот почеток на второто полувреме, што беше доволно за втора победа на тимот од Рим сезонава во Серија А.

Лацио по четири кола се наоѓа на осмата позиција, со шест бода, додека Емполи по победата во првото коло над Калјари нареди три негативни резулати во италијанскиот шампионат, и имаат четири освоени бодови

Добра втора четвртина и скромна поддршка за Македонија

Златко Јуруковски

-

16.09.2018

0

Македонската репрезентација води против Романија со 43:35 по првото полувреме од натпреварот од претквалификациите за Евробаскетот 2021. Нашите имаа и плус 10 (40-30), но гостите намалија во последната минута од првото полувреме, пред Војдан Стојановски да погоди тројка.

Романците се покажаа како тим кој е цврст во рекетот, но шутот од далечина им е послаба страна (3/19). Стојановски и Трајковски имаат 13 односно 12 поени, а кај гостите најдобар е Каце со 10 поени и три блокади.

Атмосферата во салата „Борис Трајковски“ е прилично мирна, околу 800 гледачи се на трибините и повремено аплаудираат на добрите потези на нашите репрезентативци.

Новиот голем семафор во салата, својата промоција ќе ја има на некој нареден настан.

Вест хем конечно се разбуди од кошмарот и победи

Томас Ѓорѓиевски

-

16.09.2018

0

Вест хем конечно стигна до бодови по пет кола во Премиер лигата, откако „чеканите“ славеа на гостувањето против Евертон со 3-1. По четири порази во низа, избраниците на Мануел Пелегрини се разбудија од кошмарот и проработеа кога беше најпотребно.

Јармоленко го отвори резултатот во 11-тата минута по асистенција на Арнаутовиќ, па по точно 20 минути подоцна Украинецот го запиша и својот втор погодок на мечот, воедно и во сезоната. Во истекот на првото полувреме Сигурдсон го намали водството на гостите, меѓутоа Арнаутовиќ во второто полувреме не дозволи изненадување и го реши победникот на мечот. Во 61-та минута стрелаше за конечни 3-1 на „Гудисон“, нанесувајќи им го првиот пораз на Евертон за оваа сезона.

Вардарови феномени ги победуваат сите проблеми (Фото)

Зоран Поповски

-

16.09.2018

0

Вардар има многу проблеми сезонава, фудбалерите немаат земено плата неколку месеци, но на феноменален начин најтрофејниот клуб кај нас се бори со ситуацијата.

Имаше дури и најава за штрајк, но вардарци одлучија да бијат битка таму каде што најдобро знаат, на терен. Со пресврт го добија старото скопско дерби против Шкупи, со максимална желба за победа покажаа дека се вистински борци и над сите проблеми, па сега е време за славје.

Главен во вакви ситуации е голманот Филип Гачевски, а коментарот му е едноставен и убаво ја отсликува ситуацијата во Вардар.

„Феномени“, напиша Гачевски на својот фејсбук профил.

Барди и Леванте влегоа во серија без победа

Зоран Поповски

-

16.09.2018

0

Енис Барди и Леванте не успеаја да ја прекинат серијата без триумф, која сега изнесува три меча по поразот од Есањол. Екипата од Барселона беше подобра денеска и славеше со 1:0.

Барди го одигра целиот меч, но без позначаен ефект, а немаше ниту посериозна ситуација за него, да го презентира силниот и прецизен шут од слободните удари.

Победата на Еспањол ја донесе Серхио Гарсија со погодок во 52. минута, што го исфрли Еспањол на четвртата позиција со 7 бодови.

Леванте трет меч е без победа во Ла Лига, по стартниот триумф против Бетис во Севилја со 3.0. Формата на тимот од Валенсија е во надолна линија, а позицијата и не им е толку лоша. Со 4 бодови Леванте моментно е на деветтото место во најсилната шпанска лига.

Хет-трик на Ибраими, Шкендија го декласира Работнички со 6:2

Зоран Поповски

-

16.09.2018

0

Шкендија си поигра со Работнички, во меч што требаше да биде дерби, а заврши со неверојатни 6:2 за шампионот. Во второто денешно дерби од петтата рунда во домашното првенство Вардар беше подобар од Шкупи и славеше со 2:1.

И што е интересно и двата главни денешни дуели започнаа со предност на гостите. Работнички поведе со голот на Петар Петковски, за потоа да доживее вистински бродолом. Мици, Ибраими и Бојку со голови во кус период од само 180 секунди во финишот на првиот дел направија комплетен пресврт, па Шкендија замина на полувреме со предност од 3:1.

Во продолжението Ерера си постигна автогол, Стјепановиќ намали на два голови разлика, но се разигра Ибраими. Најдобриот стрелец на Шкендија и во ланскиот шампионат постигна два гола во 76. и 83. минута за конечни и убедливи 6:2 за шампионот.

И Шкупи како гостин поведе против Вардар со голот на Сержињо во 29. минута, а пресврт и победа за најтрофејниот македонски клуб донесоа Лира и Новак со голови во 53. и 62. минута.

По поразот на Работнички сега лидер повторно е Академија Пандев. Струмичани го декласираа Силекс со 3:0, со три погодоци во вториот дел и се искчаи на врвот со 12 бодови. Дориев постигна два гола, а еднаш мрежата на кратовци ја затресе Илиев.

Победа со погодокот на Мустафов во деветтата минута ја победи Ренова, а единственото реми и бод за гостите денеска го освои Беласица против Македонија Ѓорче Петров. Мечот заврши без голови.

Табела: Академија Пандев 12, Шкендија и Вардар по 11, Работнички 9, Победа 8, Силекс 5, Ренова 4, Македонија Ѓ. П. 3, Шкупи и Беласица по два бода.

Роналдо го проби мразот со два гола против Сасуоло (Видео)

Зоран Поповски

-

16.09.2018

0

Кристијано Роналдо го проби мразот и ги постигна првите голови за новиот клуб Јувентус. Против Сасуоло популарниот ЦР 7 со два гола му донесе победа на шампионот од 2:1.

Долго се чекаше на дебитантскиот погодок на Роналдо за Јувентус, а често се правеа и споредби на неговите блескави игри во Манчестер јунајтед и особено за Реал Мадрид, наспроти нешто послабиот старт во третиот гигант во неговата кариера, Јувентус.

Во првите три кола од Серија А, Кристијано беше тивок, не успеваше да ги затресе противничките, но постот не можеше да трае предолго. Првиот гол го постигна во 50. минута, а потоа се запиша во листата на стрелците и во 65. минута.

Сасуоло намали во финишот на мечот со голот на Кума Бабакар.

Причина за радост има и Горан Пандев, по победата на неговата Џенова против Болоња. Победата ја донесе Кшиштоф Пјатек со погодок во 69. минута, а капитенот на македонската репрезентација само 7 минути претходно беше заменет.

Без победник со резултат 1:1 заврши мечот меѓу Удинезе и Торино.

https://www.youtube.com/watch?v=I9lHPbkk2NA

https://www.youtube.com/watch?v=kicInmKBiGY