Дома Blog Страница 10567

Историја во Висла – Климов е прв руски ски-скокач со победа во Светскиот куп

Зоран Поповски
-
0

Рускиот ски-скокач Евгениј Климов леташе најдолго и најефектно во Висла, на премиерата од новата сезона во Светскиот куп и се запиша во историјата.

Со скокови од 127,5 метри во првата и од 131,5 метар во втората серија Климов беше најуспешен и стана првиот руски ски-скокач со победа во Светскиот куп.

Второто место му припадна на германскиот претставник Стефан Леје, а место на подимумот имаше и за Јапонецот Роју Кобајаши.

Вториот натпревар во новата сезона ќе се одржи во финскиот ски-центар Рука.

Супер серија на Пролет – Победа против Охрид за шест по ред

Зоран Поповски
-
0

Пролет е хит во македонската ракометна Суперлига и ја забележа шестата победа по ред, вечерва со триумф од 25:23 против Охрид.

Скопјани беа помирни и концентрирани во финишот на мечот, направија серија од 3:0 во последните минути и од негатива од 22:23, стасаа до победа со два гола разлика.

Охрид се обиде да стаса до подвиг, но не успеа, а домаќините беа хендикепирани и играа без казнетите Димитриевски и Георгиевски, кои беа исклучени поради учество во тепачката на претходниот меч со Пелистер.

По 10 одиграни натпревари двете екипи се израмнети на третата позиција со по 21 бод, зад лидерот Еурофарм Работник со 27 бодови и Бутел со 24.

Круната во Лондон е за најмладиот – Зверев го декласира Ѓоковиќ во финалето

Зоран Поповски
-
0

Александер Зверев ја освои тениската круна во Лондон, на завршниот турнир во сезоната и по триумфот од 6:4, 6:3 против Новак Ѓоковиќ стана најмладиот освојувач на Мастерсот со кој завршува годината.

Зверев пред само 4 дена на истиот турнир, во фазата по групи загуби со 4:6, 1:6 од Новак, но сега на сензационален начин му се реваншираше во многу поважниот меч во Лондон, во битка за титулата.

Зверев беше супериорен во финалето и стана најмладиот освојувач на титулата на завршнито мастерс турнир со 21 година. И што е најинтересно и тука му го одзеде ореолот на Ѓоковиќ, кој досега беше најмладиот победник во Лондон.

Титулата на Зверев има и дополнително значење, бидејќи на турнирот во полуфиналето и финалето ги победи двајцата топ-носители и големи тениски асови, Федерер и Ѓоковиќ. И тоа го стори во два сета, по што залсужено му се радува на големиот успех.

Сан Марино не си го оствари сонот, не даде ниту еден гол во Лигата на Нации

Зоран Поповски
-
0

Сан Марино не си го оствари сонот, да постигне барем еден гол во премиерното издание на Лигата на Нации и ги заврши натпреварите со катастрофална гол-разлика од 0:16 и без освоен бод.

Последната шанса им беше вечерва против победникот во групата Белорусија, но не успеаја. Избраниците на италијанскиот стратег Франко Варела, кој им е селектор ниту еднаш на шест мечеви не успеаја да го најдат патот до мрежата на противниците во втората група од Д сегментот.

Најблиску до гол и еден бод беа пред три дена на дуелот со Молдавија на домашен терен, но загубија со 0:1 и останаа без голови и без бодови.

Белорусија е се поблиску до Скопје и полуфинале против Македонија

Зоран Поповски
-
0

Станислав Драгун и Антон Сарока со по еден погодок ги разрешија сите дилеми за Белорусија, репрезентација која со победата против Сан Марино вечерва од 2:0 е многу блиску до меч со Македонија во полуфиналето од Д сегментот во Лигата на Нации.

Гостите беа фаворити и лесно ја оправдаа улогата, а по се изгледа повторно ќе бидат гости, во Скопје во полуфиналето на патото кон Европското првенство во 2020 година.

За тоа треба да се исполнат два услови. Грузија да го победи Казахстан, утре во Тбилиси и Македонија да го победи Гибралтар исто така утре во Скопје.

Во тој случај во нокаут меч во полуфиналето од С сегментот ќе играме против Белорусите на домашен терен, а Грузија ќе му биде домаќин на Косово, или на Азербејџан.

Полуфиналињата во сите сегменти во Лигата на Нации ќе се играат по завршувањето на редовните квалификации за ЕП 2020 година.

Кога ќе згрми Пајдушко оро на НБА меч (Видео)

Трајан Маневски
-
0

Едно од најпопуларните македонски ора, Пајдушко оро се заигра за време на полувремето од НБА мечот меѓу Вашингтон и Кливленд пред неколку дена. Турскиот ансамбл „Карделен“ се претстави со ова оро во „Капитал“ арената во Вашингтон.

Ова оро беше изведено во чест на единствениот роден Македонец кој игра во НБА лигата, Џеди Осман. Играчот на Кливленд е роден во Охрид, но има турско потекло. Тој како млад замина во Истанбул, каде го покажа целиот свој талент во дресот на Анадолу Ефес, па од таму направи трансфер во НБА лигата, во дресот на Кливленд.

 

Африканска битка со кофи против невремето – Конго и ДР Конго едвај го завршија мечот (Видео)

Зоран Поповски
-
0

Големото африканско дерби на големите ривали Конго и Демократска Република Конго се доигра во речиси невозможни услови по вистинската бура што го зафати Бразавил.

На невремето домаќините одговорија на интересен начин, се обидоа со кофи да ја истиснат водата од теренот, но за нивна среќа дождот кусо траеше, па мечот се одигра и заврши нерешено, 1:1.

Двете сега самостојни држави живееја заедно во поранешен Заир, но се одвоија и продолжија како две земји.

 

https://www.youtube.com/watch?v=5geRQELkrTI

Се исплати мачењето – Вардар во финишот го совлада Пелистер

Томас Ѓорѓиевски
-
0

Вардар ја забележа втората победа во Првата македонска лига, совладувајќи го тимот на Пелистер со 65:63. Битолчани во текот на целата средба го имаа резултатот во своја корист, но, во последните неколку минути, „црвено-црните“ успеаја да ја стопат предноста на гостите и да забележат значајна победа.

На стартот од вториот период, Пелистер ја сотвари најголемата предност од +13, Вардар од тој момент се обидуваше да се врати резултатски. За момент им успеа, на средината од третиот период при резултат од 43:43, но гостите повторно ја презедоа иницијативата.

Во последните шест минути од средбата, Вардар направи серија од 10-0, а потоа се случија неколку пресврти. Во последната минута беше израмнето, па Вардар на 13 секунди до крајот поведе со двете слободни фрлања на Михајловски, а во следниот напад успеа да се одбрани и за ја запише втората овосезонска победа.

Провел оствари дабл-дабл учинок од 23 поени и 10 скока, се истакна како најефикасен во редовите на Вардар. Кај Пелистер, најрасположен беше Билер, кој исто така заврши со дабл-дабл учинок од 24 поени и 17 скока.

Кејн: Прв пат да го видам „Вембли“ вака да грми

Томас Ѓорѓиевски
-
0

Хари Кејн беше човекот од одлука во дуелот против Хрватска на „Вембли“. Со голот кој го постигна во 85-тата минута за конечни 2-1, ја одведе Англија до полуфиналето на Лигата на Нации во сегментот А, а по мечот истакна дека никогаш досега не сведочел на атмосфера каква што беше на легендарниот стадион за време на пресметката против „коцкестите“.

„Сакавме сите да се гордеат со нас, заслуживме да триумфираме на оваа средба. Знам дека фановите сега ќе уживаат по оваа победа. Атмосферата на „Вембли“ беше неверојатна, никогаш досега не сум посведочил на вакво лудило на овој стадион. Покажавме карактер во важни моменти, не отстапивме од нашата игра и кога губевме. Претходно бевме разочарани што не ги искористивме сите шанси, но против вакви противници секогаш мора да се остане мирен. По СП во Русија верувавме дека можеме да продолжиме со добрите резултати и да бидеме уште подобри. Годината ја завршуваме онака како што посакувавме“, истакна Кејн по мечот.

Нејмар повеќе не е „персона нон грата“ во Барса

Томас Ѓорѓиевски
-
0

Враќањето на Нејмар во Барселона повеќе не е невозможна мисија. Од таборот на шпанскиот првак истакнаа дека доколку Бразилецот посака да се врати во Барса, тие нема да му ја затворат вратата. Напротив, ако каталонскиот гигант се одлучи да троши огромни средства за квалитетно засилување, ќе се обидат да го вратат Нејмар на „Камп ноу“.

Спортскиот директор Пеп Сегура, во последните неколку дена даде две изјави за шпанските медиуми околу евентуалното враќање на ѕвездата на ПСЖ во редовите на Барса: Иако тој претходно го навреди нашиот клуб, верувам дека би направиле се што е во наша моќ да го вратиме назад, секако, доколку се одлучиме за овој потег“.

Страстите уште повеќе се разгореа откако Нејмар по мечот против Уругвај, не даде одговор кога го прашаа за неговото мислење на оваа тема, тој само се насмевна, што уште повеќе ги продлабочи шпекулациите.

Од друга страна, Нејмар и натаму е опсесија на Флорентино Перез. Претседателот на Реал Мадрид со сите сили ќе се обиде да го направи Бразилецот новиот „галактико“ и да ја пополни дупката која ја остави Кристијано Роналдо по заминувањето во Јувентус.

1...10.56610.56710.568...10.814Страна 10.567 од 10.814