Без наслов - Страница 10692

Симева и Ивановски ќе бијат битка за седмото место во Европа

Тенис

-

06.10.2018

Калин Ивановски го доби првиот сет против полскиот тенисер Олаф Пјечковски, но потоа немаше сила за да ја комплетира победата на тенискиот Мастерс на Европа за играчи на возраст до 14 години.

По 6:2 за македонскиот талент, следеше одговор од Полјакот, кој ги доби следните два сета со 6:0 и 6:2 и ќе игра за петтото место.

Ивановски загуби и во првото коло, од вториот носител Метју Вилијам Доналд, па утре ќе игра за седмото место во Европа.

Во иста позиција ќе биде и Александра Симева, по вториот пораз, денеска од Сабина Зејналова. Украинката беше подобра и победи со 6:2, 7:5.

Утре Симева ќе игра против Селин Наеф за седмото место на турнирот во Реџо Калабрија, а Ивановски за противник ќе го има поразениот од дуелот меѓу Чиаварела и Пјечонка.

Koвач одговори по бунтот во Баерн: Ова е само фаза

Томас Ѓорѓиевски

-

06.10.2018

0

Во редовите на Баерн Минхен се почувствува незадоволство по наредените три натпревари без победа, во кои „баварците“ одиграа две реми ( 1-1 со Аугзбург и 1-1 со Ајакс) и поразот од Херта од 2-0 во последното коло од германскиот шампионат. Играчите во соблекувалната се бунат за начинот на кој Нико Ковач раководи со екипата, односно неколку првотимци не се задоволни што хрватскиот стратег премногу се потпира на ротирање на составот. Ковач денес посочи дека ова е само фаза која се појавува кај сите екипи, не само кај нив, но вели дека играчите ќе мора да го подигнат нивото на игра во следниот период, со цел да ја пребродат оваа лоша форма.

„Не барам изговори, но ние сме единствената екипа која се соочува со вакви проблеми. И останатите клубови ќе имаат лош период, негативни резултати, прашање е само како ќе се справат со тој проблем и колку време ќе трае таа фаза. Во Баерн секогаш посто притисок, сите очекуваат да победуваме на секој натпревар, а ние го сакаме истото. Притисокот може да претставува предизвик, затоа играчите мора да ги завратат ракавите и тоа ќе го направат“, истакна Ковач во пресрет на мечот против Менхенгладбах и додаде:

„Нашата екипа точно знае во кој сегмент е најсилна, а во кој сегмент е најслаба. Во текот на полувремето го анализираме сето она што го правиме добро, но и лошо на теренот. Едно е што кажувам јас, второ е она што јас го гледам, а трето е она што можам да го сменам во текот на мечот. Не секогаш е возможно да се сменат нештата во истиот момент. Да е тоа можно, би победувале на секој натпревар. Но, едноставно во фудбалот тоа така не оди, исто како и во животот“, додаде Ковач.

Баерн Минхен во 18:30 часот на „Алијанц“ арената го печекува тимот на Б. Менхенгладбах, во обид да останат во чекор со Дортмунд кој сега е на чело на табелата во Бундеслигата.

„Лисиците“ ќе ги вкусат „карамелите“ од Мерсисајд

Томас Ѓорѓиевски

-

06.10.2018

0

Како и секоја сабота, па така и денес се играат стотици фудбалски натпревари во Европа. Секако, најголемо внимание се насочува кон топ 5 лигите од Англија, Франција, Германија, Италија и Шпанија, па од овие првенства издвоивме пет предлози од денешната програма.

Лестер – Евертон (16 часот)

Голови не недостасуваат кога играат „лисиците“ и „карамелите“

Шампионот од пред три сезони на свое тло го пречекува амбициозниот Евертон, дуелот е еден од најинтересните мечеви кои се играат денес, особено во Англија.Петте последни меѓусебни пресметки велат дека мора да има победник на овој меч, а Евертон последен пат славеше на „Кинг Пауер“ токму во сезоната кога Лестер ја освои титулата.

Предлог тип: ГГ3+(2.15)

Лил – Сент Етјен (17 часот)

Лил сака да го продолжи европскиот сон

Откако минатата сезона одвај се спаси од елиминација од првата лига, Лил направи комплетна револуција во тимот и сега е при врвот на табелата, веднаш зад лидерот ПСЖ. Ова е дуел на второ пласираниот и четврто пласираниот тим во Франција, што значи дека бодовите се исклучително важни за двете екипи. Лил не памети лигашки пораз од Сент Етјен пред своја публика, а погодоци ветува речиси секоја нивна пресметка.

Предлог тип: 1X & 3+ (2.60)

Калјари – Болоња (15 часот)

Калјари шет години чека победа против Болоња

Серија А во сабота отвора со дуелот меѓу Калјари и Болоња. Домаќините веќе шест години трагаат по три бода над Болоња и решени се токму денес да стават крај на таа „црна“ серија. Бодовите се исклучително важни и за двете екипи, бидејќи по седум кола се наоѓаат во долниот дел на табелата. Последната пресметка на „Сардења“ заврши без голови, се надеваме дека денес резултатот нема да биде идентичен.

Предлог тип: 1X & 0-2 (2.05)

Борусија Дортмунд – Аугзбург (15:30 часот)

„Милионерите“ европски расположени очекуваат лесен триумф

Дортмунд се враќа во Бундеслигата по големата победа над Монако од 3-0 во ЛШ, а нивните фанови денес очекуваат слична претстава од нивните миленици. „Милионерите“ останаа како единствени непоразени во Германија, па со евентуален триумф ќе го задржат првото место на табелата.

Предлог тип: Т1 1+I & 1+II (2.03)

Хетафе – Леванте (16:15 часот)

Леванте сака второ по ред изненадување против Хетафе

Хетафе минатата сезона мораше да се помири со минимален пораз од 1-0 од Леванте пред своите навивачи, а токму денешните гости веруваат дека повторно можат да изненадат. Двете екипи имаат само по една победа од последните пет првенствени натпревари, јасно е дека три бода се единствена опција и за двете страни, но, само еден може тим може да замине со цел плен од оваа средба.

Предлог тип: 1X & 0-2 (2.18)

Тиери Анри ќе биде менаџер на Астон Вила?

Томас Ѓорѓиевски

-

06.10.2018

0

Поранешниот фудбалер на Арсенал и Барселона, Тиери Анри, би можел конечно да заплива во менаџерските води. Французинот покажа интерес да ја добие работата во Астон Вила, откако управата му врачи отказ на Стив Брус. Сепак, челниците на клубот за прва мета го назначија менаџерот на Њукасл, Рафа Бенитез.

Анри во текот на летото имаше шанса да го предводи Бордо, но тој одби откако не се договори со клубот, па сега добил мотивација од неговите некогашни ривали, Френк Лампард и Стивен Џерард, и сака и тој да се проба во оваа професија. Анри моментално работи како помошник на Роберто Мартинез во белгиската репрезентација, но смета дека е подготвен самостојно да работи како предводник на една екипа.

Покрај Бенитез, како опција за менаџерската работа во Астон Вила се интересира и Џон Тери, кој би можел да го преземе клубот на неодреден период, но Англичанецот сѐ уште нема ставено крај на фудбалската кариера.

Стартува новата сезона во кошаркарската Прва лига

Томас Ѓорѓиевски

-

06.10.2018

0

По пауза од пет месеци, кошаркарскиот крем повторно се враќа на македонската сцена. Оваа сезона 11 екипи ќе учествуваат во Првата лига, откако Шкупи ја доби поддршката од останатите клубови да учествува во елитното друштво. Четири денешни дуели ја отвораат новата сезона, а актуелниот шампион Работнички одбраната на титулата ја започнува од Охрид.

Екипата од „Градски парк“ со исти амбиции влегува и во новата сезона, да бидат најдобри и да останат на тронот, тронот кој го освоија лани и ја прекинаа шестгодишната доминација на МЗТ Скопје. Токму „штрковите“ беа противниците на Работнички во последната финална серија, а и оваа сезона ќе бидат најголемиот ривал на „центарци“ во трката за посакуваниот трофеј.

Освојувачот на минатогодишниот Куп на Македонија, тимот на МЗТ Скопје, уште на стартот го очекува дерби пресметка. „Аеродромци“ гостуваат во Гевгелија кај Блокотехна, екипата која минатата сезона им нанесе три порази на МЗТ.

Повратникот во Првата лига, составот на Вардар на свој терен го пречекува Куманово, додека Фени ќе биде домаќин на Пелистер. Тимот на Гостивар пред своите поддржувачи во салата „Младост“, ќе го пречека Кожув. Шкупи во првото коло е слободен.

ПРВО КОЛО:

6-ти октомври:

Охрид – Работнички, 17 часот

Вардар – Куманово, 17 часот

Фени индустри – Пелистер, 18 часот

Гостивар – Кожув, 18 часот

7-ми октомври:

Блокотехна – МЗТ Скопје, 17:45 часот

Мекгрегор против Нурмагомедов – Само еден може да биде најдобар

Томас Ѓорѓиевски

-

06.10.2018

0

Ноќеска, во „градот на коцката“ ќе се одржи една од најдолго очекуваните борби во историјата на „UFC“. Конор Мекгрегор и Кабиб Нурмагомедов ќе се борат за шампионската титула во лесна категорија во мешани боречки вештини. Ирецот по пауза од две години, повторно се враќа во октагонот и посакува едно нешто, да се врати на тронот, додека рускиот борец ќе ја брани честа и пред сѐ, шампионската титулата.

Атмосферата е повеќе од загреана, се почувствува тоа и на последната прес-конференција која се одржа во Лас Вегас. Мекгрегор не штедеше навредливи зборови, додека Нурмагомедов мирно одговараше на прашањата. Ирецот дури доцнеше неколку минути, неговиот противник не го сочека и ја почна прес-конференцијата.

„Виновен е сообраќајот што доцнам, не знам зошто овој идиот не ме сочека, сигурно затоа што се плаши од мене. И онака нема ништо паметно да каже, исто како на пресот во Њујорк. Се надевам нема да ја надмине границата на тежина, бидејќи во тој случај ќе му ја скршам пилешката вилица“, Ирецот потоа почна да го навредува и менаџерот на Кабиб, Абдул Азиз: „Тој Абдул, неговиот менаџер, е вистински терорист. Човекот беше фатен како влегува во САД со лажен пасош, како може таков човек слободно да шета низ овие простори“, со висок тон говореше Конор.

„На почетокот на борбата морам да бидам внимателен, Мекгрегор е добар боксер и има одличен тајминг во ударите. Сепак, јас со борење и притисок ќе го спречам. Верувам дека борбата нема да трае пет рунди, бидејќи тој ќе се предаде“, изјави Нурмагомедов.

Триесетгодишниот Мекгрегор последен пат во октагонот се бореше во 2016 година, во победата над Еди Алварез ги спои титулите во лесна и супер-лесна категорија. Поради неактивност титулите му беа одземени, а во 2017 година Нурмагомедов стана шампион во лесна категорија. За Конор, овој дуел со Русинот ќе биде негов најголем предизвик во кариерата, бидејќи ќе се бори против непоразен борец, кој има учинок од 26 победи, од кои осум ги завршил со нокаут. Мекгрегор пак, во кариерата се има борено 24 пати, победил на 21 борби, а со нокаут победил 18 пати.

Во оваа борба не станува збор само за шампионската титула, тука е и огромната заработка од девет цифри. Имено, Мекгрегор при евентуална победа ќе инкасира 100.000.000 долари, додека за победа на Нурмагомедов, Русинот не може да смета ниту на половина од 100-те милиони долари.

Борбата означена како „UFC“ 229, започнува во раните утрински часови, во терминот од 5:30 часот.

На Вардар му фали уште само една петка од тешкиот испит со Академците на Пандев

Зоран Поповски

-

06.10.2018

0

На Вардар му фали само уште една одлична претстава и победа за супер прв круг од сезоната во домашното првенство. Денеска од 15 часот лидерот на табелата ќе биде на вистински испит, кој треба да го положи со петка, против второпласираната екипа во првенството, Академија Пандев.

Вардарци играат и за уште една петка, односно ќе се обидат по петтипат по ред да останат непоразени во дуелите со струмичани, а триумф им носи супер комоција на чело на табелата по првиот од четири предвидени круга во домашниот шампионат. Најтрофејниот македонски клуб има шанса со успех денеска да остане единствената непоразена екипа во ПМФЛ.

На распоред е деветтото коло, последно од првата четвртина од ПМФЛ, а во Скопје во истиот термин ќе се играат уште два интересни дуели.

Во Чаир, Шкупи со новиот тренер, турската фудбалска легенда Умит Каран го чека на мегдан Работнички, додека во Ѓорче Петров разбудената Македонија ќе и биде домаќин на Победа.

Локално дерби ќе се игра и во Тетово, меѓу шампионот Шкендија и Ренова, а во Струмица како домаќин Беласица ќе атакува на трите бода против Силекс.

По ова коло следува пауза со настапи на македонската репрезентација, а вториоо круг од домашниот шампионат ќе почне на 21. октомври со десеттото коло.

Двојки, 9. коло, 15. часот, денеска:

Вардар – Академија Пандев

Шкупи – Работнички

Македонија Ѓ. П. – Победа

Шкендија – Ренова

Беласица – Силекс

Табела: Вардар 20, Академија Пандев 16, Шкендија 15, Победа 11, Ренова и Работнички по 10, Беласица 9, Македонија Ѓ.П. 7, Силекс 6, Шкупи 5.

Клоп и Гвардиола почнаа да „се силат“ пред големото дерби

Трајан Маневски

-

06.10.2018

0

Ливерпул против Манчестер сити е дербито на викендот во Европа, а се игра утре попладне. Иако има уште до стартот на средбата, тренерите на двата тима почнаа да ја загреваат атмосферата пред мечот. Јирген Клоп и Пеп Гвардиола кои важат за едни од најдобрите во својата работа, веруваат во успех на својот тим.

Клоп со Ливерпул ја имаат улогата на домаќини. Германскиот стратег е полн со оптимизам, посебно поради фактот дека минатата година, „црвените“ успеаа три пати да го победат Манчестер Сити (два пати беше во Лигата на шампиони).

„Убеден сум дека можеме да ги победиме. Лани три пати бевме подобри и верувам дека и сега ќе бидеме. Треба да го дадеме најдоброто од нас. Најважно е да ги држиме подалеку од нашиот гол, но во исто време ќе треба да создадеме шанси во нападот. Го почитувам Манчестер сити и сите во тимот знаат дека ќе биде тешко“, вели Клоп, кој додаде дека сега треба да се види победничкиот карактер на екипата и да се покаже дека поразот од Наполи во ЛШ е заборавен.

Манчестер сити како шампион патува на „Енфилд Роуд“, а се надева дека по овој меч ќе биде осамен на врвот на табелата во Премиер лигата.

„Верувам во моите фудбалери. Знам дека секогаш напорно се трудат, без разлика на резултатите. Знам дека Сити оддамна не се радувал на „Енфилд роуд“, но мислам дека е време тоа да се промени. Без разлика што и да се случи, овој меч нема да има никаква улога во трката за титулата, бидејќи има уште многу да се игра до крајот“, вели Гвардиола, кој загубил на сите три гостувања против Ливерпул како тренер на Сити. „Граѓаните“ цели 16 години чекаат на победа на гости кај Ливерпул и се надеваат дека утре е тој ден кога ќе биде прекината оваа лоша традиција.

Хамилтон со пол позиција во Јапонија

Трајан Маневски

-

06.10.2018

0

Возачот на Мерцедес, Луис Хамилтон ќе стартува од првата позиција на утрешната трка за големата награда на Јапонија. Британецот утрово дојде до својата 80 пол позиција во кариерата. за комплетирање на добрите квалификации на Мерцедес, Валтери Ботас имаше второ најдобро време.

За разлика од Мерцедес, повторно разочараа возачите на Ферари, посебно Себастијан Фетел, кој се надева да се бори во трка за титулата. Германскиот возач ќе стартува дури од деветата позиција, додека неговиот тимски колега Кими Раиконен ќе биде на четвртото место на стартната линија. Трето најдобро време во квалификациите имаше Макс Верстапен.

Бундеслига со Васоски: Головите се заштитен знак на Хофенхајм и Ајнтрахт

Зоран Поповски

-

06.10.2018

0

Александар Васоски е хит меѓу тренерите во Македонија, во својата дебитантска сезона успева да го одржи Вардар на врвот на табелата, иако клубот е соочен со многу проблеми, но нема проблем кога треба да биде гостин на СПОРТ МАНИЈА.

Поранешниот фудбалер на Ајнтрахт Франкфурт со задоволство го прифаќа секој наш повик и по третпат ни е гостин со својата анализа и предлог типови за Бундеслигата. На распоред е седмото коло, а како и секогаш има интересни дуели во една од Топ-5 лигите во Европа.

Васоски одбра пет натпревари, а еве ги неговите предлози:

Борусија Дортмунд – Аугсбург (Сабота, 15.30 часот)

Милионерите се екипа со широк спектар на квалитетни играчи и играат одлично на двата фронта и во Бундеслигата и во Лигата на шампионите. Аугсбург го изненади Баерн од Минхен, но чудата во германското првенство не се случуваат често, особено не кога разликата во квалитет е лесно препознатлива. Мислам дека Борусија ќе слави убедливо и тоа без проблеми.

Предлог тип: 1&3+ (2.00)

Хофенхајм – Ајнтрахт Франкфурт (Недела, 15.30 часот)

Оваа генерација на фудбалери на Ајнтрахт игра поинаку од времето кога јас настапував за оваа екипа. Даваат, но и примаат повеќе голови. Хофенхајм на домашен терен е вистинска машинерија за голови, Ајнтрахт може да парира и тука сум речиси сигурен дека ќе има најмалку три голови. За похрабрите типувам и четири и повеќе погодоци на мечот.

Предлог тип: ГГ&3+ (1.75)

Лајпциг – Нирнберг (Недела, 18.00 часот)

Лајпциг е екипа која од старт почнува многу офанзивно и често знае да даде, или да прими гол во раната фаза од мечот. Овојпат верувам дека брзо ќе ја затресат мрежата на Нирнберг, екипа која во Германија важи за домашна, па овде не очекувам изненадување. Особено не по катастрофата на Нирнберг во Дортмунд, кога загубија со 7:0 од Борусија. Лајпциг е во победнички ритам, има три успеси по ред, заедно со триумфот во Европа Лигата против Розенборг и верувам дека повторно ќе слави и утре против Нирнберг.

Предлог тип: 1-1 (2.15)

Фортуна Дизелдорф – Шалке 04 (Сабота, 15.30 часот)

На Шалке му требаше една победа во Бундеслигата за да фати ритам. Веднаш потоа славеа и во Москва и очекувам хет-трик од тимот од Гелзенкирхен и нов триумф, овојпат во Дизелдорф. Разликата во квалитет е очигледна во полза на гостите. Фортуна во претходните две типувања ја промашив за по еден погодок, со играта од 0-2 гола, но овојпат малку ќе променам и ќе типувам победа на гостите.

Предлог тип: 2 (2.10)

Хановер – Штутгарт (Сабота, 15.30)

Двете екипи играат тврд фудбал и по шест одиграни кола се наоѓаат во опасната зона. На последните три меѓусебни дуели немаше повеќе од два гола и верувам дека и овојпат традицијата ќе продолжи. Во вакви натпревари некако поважно е да се сочува мрежата, бидејќи бодовите се мошне значајни. Хановер нема ниту една победа, Штутгарт само еднаш се радуваше и некако ми личи на реми, но јас ќе типувам меч со малку голови.

Предлог тип: 0-2 (1.85)