Дома Blog Страница 10709

Мончи се закани: Си одам ако го смените Ди Франческо

Зоран Поповски
-
0

Мончи ќе си замине од Рома ако раководството на „римската волчица“ го отпушти тренерот Еузебио ди Франческо, објавија италијанските медиуми.

Еден од најбараните фудбалски скаути, сега во улога на спортски директор на Рома, се закани со заминување ако биде сменет тренерот.

Рома игра слабо во последно време, има низа од пет меча без победа, па, очекувано, на удар е тренерот. Утре е првата „топка“ за спас на Ди Франческо, а Рома мора да го победи Фрозиноне. По тој дуел, следи вечното римско дерби со Лацио, а и тој меч е „да се биде или не“ за тренерот на Рома.

Мончи е еден од најбараните фудбалски скаути, а за него се интересираат Манчестер јунајтед, Наполи и уште неколку познати клубови.

Модриќ – козарoт кој стана најдобар фудбалер во светот (Видео)

Трајан Маневски
-
0

Речиси една деценија се чекаше да се стави крај на доминацијата на Лионел Меси и Кристијано Роналдо во освојување на најзначајните награди во светскиот фудбал. На крајот се појави Лука Модриќ, кој одигра фантастична сезона и ги засени сите. Капитенот на хрватската репрезентација е апсолутен владетел, освојувајќи ги сите најзначајни награди во поединечна конкуренција.

Модриќ блесна на Светското првенство во Русија и ја предводеше Хрватска до финалето, за што беше награден со признанието за најдобар фудбалер на турнирот. Потоа, во рацете на Модриќ завршија и наградите за најдобар фудбалер во изборите на УЕФА и ФИФА, што само потврдува колку бил доминантен Хрватот во изминатата сезона.

Детството на Лука Модриќ воопшто не било сјајно. Бил една од многуте жртви на страшната војна која беше на просторите на поранешна Југославија. Со своето семејство морал да бега пред налетот на гранатите и куршумите.

Лука потекнува од сиромашно семејство, па за да преживее, морал да му помага на семјеството уште од најмали години. Една неверојатна снимка потврди како петгодишниот Лука со стап во рацете оди по стрмните падини додека ги чува козите.

Во такви услови и во таква средина, воопшто не ни можело да се размислува за фудбал, но малото дете имало сон кој сакал да го оствари. Почнал да тренира во родниот Задар, а потоа се префрлил во Динамо Загреб. Во 2003 година бил даден на позајмица во тимот на Зрински. Иако не одело сè како што посакува Модриќ, не се откажал. По една сезона во Зрински, се врати во Динамо, каде што помина во 2008 година.

Од Динамо направи трансфер во англискиот премиерлигаш Тотенхем и се покажа како вистински потег. Модриќ прерасна во одличен организатор на играта, што беше препорака за трансфер во Реал Мадрид. Во Кралскиот клуб е од 2012 година и успеа да ги освои сите најзначајни трофеи. Секогаш е во корист на тимот, а по толку години работење и играње, конечно оваа година стигна наградата за неговото работење.

Лука Модриќ е најдобриот играч во светот. Детето кое на 5 години ги водел козите да пасат, сега е на врвот на планетарниот фудбал. Тоа е уште една потврда дека треба да се следи сонот и дека ништо не  е невозможно.

Александар Васоски: Со тешко срце типувам пораз на Ајнтрахт

Зоран Поповски
-
0

Тренерот на Вардар, Александар Васоски, го прифати предизвикот да биде гостин на СПОРТ МАНИЈА и со неговото искуство од Бундеслигата, како играч на Ајнтрахт Франкфурт, да помогне полесно да се дојде до добивка.

На распоредот денеска и утре се натпреварите од петтото коло во Германија, а почетокот на некогашниот дефанзивец на популарните „орли“ од Франкфурт е мошне интересен.

„Со тешко срце ќе типувам пораз на Ајнтрахт на гостувањето во Менхенгладбах. ‘Борусија Парк’ е еден од најтешките стадиони за гостување во Германија и Ајнтрахт секогаш имал проблеми со Борусија. Но и интересна традиција на натпреварите меѓу Борусија и Ајнтрахт е што секогаш има многу голови. Мојот тип е 1&3+“, за почеток вели Васоски.

Во Ајнтрахт пристигна од Вардар во зимскиот преоден рок во 2005 година и со неговото доаѓање, клубот со голема традиција од популарната „Цвајта“, веднаш се пресели во повисок ранг на натпревари, во Бундеслигата.

Васоски беше стандарден член на Ајнтрахт до 2011 година и дел од кремот на германскиот фудбал со околу 100 настапи за клубот од Франкфурт во една од топ-5 најсилните лиги.

Одлично го познава германскиот фудбал, па неговите совети се драгоцени. Еве ја неговата анализа и типување за дел од мечевите од петтото коло во Бундеслигата.

 

Вердер – Херта (Вторник, 18.30 часот)

Двете екипи одлично ја почнаа новата сезона и сè уште се без пораз, што го прави дуелот мошне интересен. Вердер во Германија важи за домашна екипа, тешко ги губи натпреварите на свој терен и е фаворит. По традиција, дуелите меѓу Вердер и Херта се ефикасни, па очекувам и меч со многу голови.

Предлог тип: Т1 2+ (1.85)

 

Фрајбург – Шалке 04 (Вторник, 20.30 часот)

Шалке 04 е непријатно изненадување на стартот од сезоната. Не очекував да биде последен на табелата со четири порази, бидејќи има квалитет за повисок дострел. Фрајбург е послаб и мислам дека е време за прва победа на тимот од Гелзенкирхен. Верувам дека квалитетот ќе направи разлика и ќе му ги донесе трите бода на Шалке 04

Предлог тип: 2 (2.30)

 

Фортуна Дизелдорф – Баер Леверкузен (Среда, 18.30 часот)

Тренер на Фортуна е Фридхелм Функел, човек кој одлично го познавам, бидејќи ми беше тренер во Ајнтрахт. Тој е експерт за дефанзива, одлично знае да ја постави играта во одбраната и важи за дефанзивен стратег во Германија. Токму по тој концепт и сезонава во Бундеслигата игра Фортуна, па тука не очекувам многу голови. Можеби и само еден, што ќе го одлучи мечот.

Предлог тип: 0-2 гола (2.35)

 

Мајнц – Волфсбург (Среда, 20.30 часот)

Овде ќе ја почитувам традицијата, бидејќи тешко е да се отстапи од нешто што во последно време е пракса на дуелите меѓу Мајнц и Волфсбург. Петте последни меѓусебни дуели на овие два состави завршија нерешено. Четири од нив се со резултат 1-1, квалитетот на двете екипи е тука некаде, па нерешениот резултат е најреален.

Предлог тип: Х (3.20)

 

Игра на „мачка и глушец“: Сити моментно е 66 места подобар од Оксфорд

Трајан Маневски
-
0

Премиер лигата мирува, но најдобрите екипи имаат обврски во Купот. Денеска се играат дури 10 средби од 1/16-финалето во Лига купот. Актуелниот освојувач на трофејот, Манчестер сити треба да има лесно гостување кај Оксфорд, кој е тим од Лига 1, односно третата лига во Англија.

Минатата сезона Оксфорд заврши на 16-тото место од 24 екипи, но сезонава ја започна многу лошо. Во досегашните девет натпревари, тимот има само една победа и е на претпоследната позиција на табелата, што значи дека сезонава ќе се борат за опстанок. Дадоа само девет голови, што покажува дека нападот им е проблем.

Ако Оксфорд не може да парира на екипите од негов ранг и е на претпоследното место, тогаш сигурно нема што да бара против актуелниот англиски првак. Според моменталната состојба на табелите, „граѓаните“ се дури 66 позиции подобро пласирани од Оксфорд.

Без разлика со каков тим ќе реши да настапи Пеп Гвардиола на ова гостување, се очекува Манчестер неколку пати да ја затресе мрежата на домаќините. Традицијата во Лига купот вели дека кога шампионот на Англија игра против тим од пониска лига, поминал во следната фаза во 28 од 29 средби. Единствено Лидс како шампион во далечната 1974 година загуби од Честер со 3-0.

За победа на Сити коефициентот е 1.12, реми е 10, а сензација на Оксфорд се типува со коефициент 25. Дека ќе има барем 4 погодоци, коефициентот е 1.51.

Мичел е под притисок, време е Димитриевски да брани

Зоран Поповски
-
0

Рајо Валјекано не игра добро, претрпе три порази на четирите меча во новата сезона во Ла Лига, па од тренерот Мичел се бараат радикални промени во составот и во концепцијата на играта со цел да се сопре лошата серија.

Клубот од Мадрид прима и многу голови, гол-разликата е 3:10 и со Леганес се третиот најлош состав во шпанската Ла Лига според бројот на примени голови. Пред нив се само Уеска и Леванте, но тие одиграа и по еден меч повеќе.

Една од промените би можела да му донесе деби на македонскиот репрезентативец Столе Димитриевски, а на клупата би се преселил досега стандардниот голман Алберто Гарсија. Ветеранот (има 33 години, н.з.) не покажа дека е во добра форма, па на „Аноета“ вечерва од 21 часот против Реал Сосиедад можно е голот на Рајо Валјекано да го чува Димитриевски.

Македонскиот репрезентативец летово од Химнастик Тарагона се пресели во Мадрид, во редовите на Рајо Валјекано и чека шанса за деби-настап.

 

ФИФА го почести, па го заборави Салах

Зоран Поповски
-
0

Мохамед Салах најпрво доби подарок од ФИФА со наградата „Ференц Пушкаш“ за најубав гол во минатата сезона, а потоа на мистериозен начин не беше вклучен во идеалниот тим на сезоната.

ФИФА направи голем пропуст со еден од тројцата главни кандидати за наградата најдобар играч за 2017/18. Салах според бројот на гласовите, беше трет, зад победникот Лука Модриќ и Кристијано Роналдо, а воопшто не се најде во идеалниот тим.

Претходно, според многумина, египетскиот репрезентативец незаслужено ја доби наградата за најубав гол во сезоната, иако ножичките на Кристијано Роналдо на дуелот со Јувентус беа вистинска атракција и изгледаа многу подобро од погодокот на Салах за Ливерпул против Евертон, за кој ја доби наградата „Ференц Пушкаш“.

Сличен пропуст се случи и на голманската позиција. Тибо Куртуа беше избран за најдобар голман, а во најдобриот тим на ланската сезона „единицата“ му припаѓа на Давид де Хеа.

Лука кратко и јасно кажа на кого ја посветува наградата

Трајан Маневски
-
0

Лука Модриќ дефинитивно е играчот кој ја одбележа минатата сезона. Капитенот на хрватската репрезентација ги обедини индивидуалните титули кои ги доделуваат УЕФА и ФИФА на најдобриот фудбалер во изминатиот период. Од синоќа, Златната топка е во неговите раце.

Играчот за врска имаше одлична сезона како на клупски така и на репрезентативен план. Со Реал Мадрид стана европски и светски првак, а малку недостасуваше да биде на планетарниот трон и со репрезентацијата на Хрватска. На Мундијалот во Русија, „коцкестите“ стигнаа до финалето, каде што немаа сили и беа поразени од Франција со 4-2. Сепак, со своите игри Модриќ беше прогласен за најдобар играч на турнирот и најави дека ова е период во кој тој ќе доминира во сите избори.

Подоцна Лука беше избран и за најдобар фудбалер од УЕФА, а од синоќа е број еден и според ФИФА. По добивањето на наградата, Хрватот одржа говор и им се заблагодари на сите кои му помогнале да успее. Сепак, највпечатлива беше пораката која тој ја испрати преку својот профил на „Инстаграм“.

На фотографијата Модриќ ги држи наградит за најдобар играч од средниот ред и најдобар фудбалер во светот, а под неа напиша: „Посветено на сите оние кои го сакаат фудбалот“. Оваа порака на Модриќ досега достигна повеќе од еден милион лајкови.

 

Кариус, Бонучи, Санчес… ги предводат големите фудбалски промашувања

Зоран Поповски
-
0

Лука Модриќ е најдобриот играч за сезоната 2017/18 во изборот на ФИФА, а паралелно со идеалниот тим на ланската сезона, доаѓа и составот од 11 играчи што се прогласени за фудбалски промашувања.

Во изборот на реномираната „Марка“, на голот е Кариус, кој имаше две катастрофални реакции во финалето на ЛШ и беше директен виновник за поразот на Ливерпул од Реал Мадрид.

Во составот се и Бонучи, кој потфрли во дресот на Милан, потоа и Санчес, играч кој не ги исполни очекувањата во Манчестер јунајтед.

Во формација 3-4-1-2 еве го идеалниот состав на играчите што според „Марка“, најмногу разочараа во ланската сезона:

Кариус – Линделеф, Бонучи, Хеведес – Гансо, Бакајоко, Снајдер, Озил – Санчес – Ихеаначо и Вјето.

Како гласаа Меси, Роналдо и останатите ѕвезди?

Трајан Маневски
-
0

Лука Модриќ ја прекина речиси еднодецениската доминација на Кристијано Роналдо и Лионел Меси во прогласувањето за најдобар фудбалер во светот. Откако Хрватот неодамна ја доби Златната топка на УЕФА, синоќа беше прогласен и за најдобар фудбалер во светот. Лука доби 313 поени, додека на второто место е Роналдо со 223 отсто од гласовите. Трет заврши Мохамед Салах со 134 поени.

Во гласањето за најдобар свој удел имаа и сите селектори и капитени на сите репрезентации. Тоа значи дека како капитени на Аргентина и на Португалија учествуваа и Меси и Роналдо. Тие имаа право да одберат тројца фудбалери и да поделат по 5,3 и 1 поен.

Меси успеа да го погоди победникот, па на Модриќ му даде најмногу поени. Три поени од Меси завршија за Килијан Мбапе, додека на Роналдо му даде еден бод. Знаејќи дека ќе му биде најголем ривал во трката за најдобар фудбалер во светот, Роналдо реши да не му даде пет поени на Модриќ. Од Португалецот пет поени доби Рафаел Варан, додека за Модриќ беа резервирани три поени. Еден бод доби и Антоан Гриезман.

Еве како гласаа останатите ѕвезди кои имаа право да го дадат своето мислење.

Един Џеко – Лука Модриќ 5, Мохамед Салах 3, Кристијано Роналдо 1.

Еден Азар – Модриќ 5, Варан 3, Мбапе 1.

Радамел Фалкао – Модриќ 5, Роналдо 3, Мбапе 1.

Антонио Валенсија – Меси 5, Роналдо 3, Модриќ 1.

Горан Пандев – Модриќ 5, Гриезман 3, Роналдо 1.

Роберт Левандовски – Модриќ 5, Варан 3, Мбапе 1.

Серхио Рамос – Модриќ 5, Роналдо 3, Меси 1.

Александар Коларов – Меси 5, Де Бројне 3, Модриќ 1.

Мануел Нојер – Азар 5, Модриќ 3, Варан 1.

 

Нема одмор, нови мечеви во Шпанија, Италија, Германија и Франција

Трајан Маневски
-
0

Иако викендот само што го испративме, започнуваат нови возбудувања во четири од петте најсилни лиги во Европа. Првенствени мечеви денеска ќе се играат во Шпанија, Италија, Германија и Франција, а единствено во Англија е период за куп-мечеви.

Во Серија А вечерва се игра само еден натпревар, но тој привлекува посебно внимание. Интер ја пречекува Фиорентина. „Нераѕурите“ имаат 7, а гостите се со 10 бода досега. Во Шпанија ќе има три дуели. Атлетико Мадрид очекува да влезе во победничка низа. „Јорганџиите“ се домаќини на Уеска, Сосиедад игра против Рајо Валјекано, а Еспањол е домаќин на Еибар.

Со натпреварите Монако – Анже и Нант – Ница почнуваат новите возбудувања во Франција, каде што вечер играат и Тулуз – Сент Етјен. Најмногу средби ќе има во германската Бундеслига. Шампионот Баерн Минхен во дуелот против локалниот ривал Аугсбург треба да освои нови три бода. Вечерва играат и Вердер Бремен – Херта, Фрајбург – Шалке и Хановер – Хофенхајм.

Најдобрите екипи во Англија своите натпревари ги започнуваат во Лига купот. Вечерва се играат дури 10 средби, а најпривлечни се тие каде што играат гигантите од Манчестер. Јунајтед е домаќин на Дерби, додека „граѓаните“ за ривали го имаат Оксфорд јунајтед.

1...10.70810.70910.710...10.764Страна 10.709 од 10.764