Победата на Лос Анџелес лејкерс над Кливленд од 127-113 донесе тројна радост кај Езерриите. Леброн Џејмс стана кошаркар со најмногу победи во историјата на НБА, Лука Дончиќ го надмина рекордот на Коби Брајант по бројот на поени во еден месец, а Лејкерс ја освои титулата во пацифичката дивизија.
Џејмс сега има 1.229, од кои 1.045 во регуларна сезона и 184 во плејоф, па го надмина досегашниот рекорд кој го држеше една друга легенда на Лејкерс, Карим Абдул Џабар. Џабар уште е рекордер по бројот на победи во регуларната сезона, но и тој рекорд веројатно ќе падне ако Леброн остане здрав и игра и следната сезона.
Дончиќ на 27 години и 31 ден стигна до бројка од 15.000 поени во НБА, помлади од него до оваа бројка стигнале само Џејмс и Кевин Дурант. Словенецот во март даде 579 поени, што е нов рекорд на Лејкерс, Коби Брајант во 2006 имаше 578. Инаку, утрово освен Лејкерс, плејоф осигури и Денвер.
Детроит пистонс по пауза од 18 години освои дивизиска титула. Пистонс има 6-2 откако останаа без главниот играч Кејд Канингем поради здравствени проблеми.
