Фокусот на фудбалската јавност е на европските баражи со кои ќе се одредат патниците на Светското првенство, а еден таков бараж ќе се игра и во Запопан, Мексико, каде што ДР Конго и Јамајка ќе се борат за место на Мундијалот. 

Демократска Република Конго пред 52 години играше на СП, но тогаш под името Заир, а државата имаше и друго знаме.

Заир беше првиот претставник на Потсахарската Африка на светските првенства. Но, ждрепката не му беше наклонета, го стави во група со Шкотска, Југославија и Бразил. На дебито против Шкотланѓаните, тие со своите карактеристични жолти дресови со прекарот „Леопарди“ и леопардски принт се држеа, но на крајот загубија со 0-2.

Пред вториот меч, сè се распадна. Првично одбија да играат, но сепак се појавија на теренот против Југославија и беа поразени со 0-9, што е најголемиот пораз во историјата на дветските првенства досега. Заир беше предмет на потсмев на светот. А тоа беше нешто што го налути диктаторот Мобуту Сесе Секо, кој се нарекуваше себеси „Семоќниот воин“.

По натпреварот, тој ги испрати своите телохранители да им се закануваат на играчите и им рекле дека ако загубат со повеќе од три гола од Бразил, никому нема да му биде дозволено да се врати дома. Играчите под таква закана во Гелзенкирхен правеа и несфатливи потези, како оној при 2-0 кога пред Бразил да изведе слободен удар близу до работ на шеснаесетникот на Заир, Мвепу Илунда се стрча кон топката и ја шутна далеку напред. И тој точно знаеше што прави. Се обидуваше да преживее со сите потребни средства. Бразил постигна уште еден гол, а тимот на Заир се врати дома, но без да види трага од ветените пари и со непријатно чувство дека го навредиле диктаторот.

Сега ДР Конго предводен од Ван Бисака, Бакамбу, Туанзебе и другарите, со победа над Јамајка ќе се пласира на СП и може да им се заблагодари на тие сонародници за она што го направија за фудбалот на својата земја.