23.8 C
Skopje
вторник, 15 јули 2025
Дома Blog Страница 47

Лукаку: Не сакав да играм за Манчестер јунајтед

Златко Јуруковски
-
0
Лукаку: Не сакав да играм за Манчестер јунајтед

Белгискиот напаѓач Ромелу Лукаку призна дека првично не сакал да се приклучи на Манчестер јунајтед во 2017 година, но сепак се пресели од Евертон на „Олд Трафорд“ за сума од 75 милиони фунти.

Во интервју за белгиски весник, Лукаку сакал да се врати во Челзи, но неочекуваниот телефонски повик од Жозе Мурињо го променил текот на настаните.

„Им кажав на сите: одам во Челзи. Но, одеднаш Мурињо ми се јави и ми кажа дека Манчестер јунајтед дал понуда. Се вратив од одмор и одеднаш имаше договор со Евертон. Му реков на агентот Мино Раиола: „Не го сакам ова“ и решив дека од сега па натаму ќе преговарам сам“, раскажува Лукаку.

Лукаку одигра 96 натпревари за Јунајтед, постигнувајќи 42 гола и 12 асистенции, но не успеа да се етаблира како стандарден играч во првиот тим на Црвените ѓаволи под водство на Мурињо и Оле Гунар Солскјер. Тој го напушти клубот во 2019 година за да се приклучи на Интер, пред да се врати во Челзи во 2021 година. Лукаку сега игра за Наполи.

Белингам не знаел дека со два жолти картони на Светско клупско се добива суспензија

Златко Јуруковски
-
0
Белингам не знаел дека со два жолти картони на Светско клупско се добива суспензија

Семејството Белингам, фудбалска Англија и милиони љубители на фудбалот низ светот посакуваа четвртфинале на Светското клупско помеѓу Реал Мадрид и Борусија Дортмунд, такво четвртфинале ќе има, но на сите кои посакуваа вакво сценарио, им се „скрши филмот“.

Желбата беше на терен да има дуел помеѓу браќата Џуд (игра за Реал) и Џоб (игра за Борусија), но помладиот брат Џоб доби жолт картон во првото полувреме на осминафиналето против Монтереј, негов втор картон на СКП, и доби суспензија од еден меч, и нема да игра против брат му и Кралскиот клуб.

Тренерот на Борусија, Нико Ковач, откри дека Џоб не знаел дека после два жолти картони доаѓа „ладење“ од еден меч, и кога дознал бил во шок и тажен.

„Џоб не знаеше дека со вториот жолт картон доаѓа суспензија. На полувремето, тој сè уште не сфати дека нема да може да игра на следниот натпревар. Морав да му кажам. Беше многу разочаран, навистина се радуваше на тој натпревар“, објасни Ковач.

Реми со Напредак Крушевац во последната контрола на Вардар пред настапот во Европа

Златко Јуруковски
-
0
Реми со Напредак Крушевац во последната контрола на Вардар пред настапот во Европа

Вардар со нерешен резултат 2-2 против Напредак од Крушевац ја заврши серијата пријателски мечеви на подготовките во Словенија.

Сега за осум дена за најтрофејниот македонски клуб претстои настапот во квалификациите за Конференциската лига против Ла Фјорита од Сан Марино.

На денешниот меч Вардар губеше со 0-2 од свежиот Напредак за кој ова беше прва контрола летово, но со головите на Дурански и Закариќ, Црвено-црните избегнаа пораз.

Вардар на пријателските во Словенија ги победи Будуќност (3-0) и Рапид Букурешт (1-0), губеше од Олимпија (0-2) и Марибор (0-5), а одигра нерешено со Напредак кој во минатата сезона беше 12-ти во српската Суперлига.

Милер: 150 милиони евра за Вирц? Со тие пари би можеле да засадите многу дрвја

Златко Јуруковски
-
0
Милер: 150 милиони евра за Вирц? Со тие пари би можеле да засадите многу дрвја

Фудбалерот на Баерн Минхен и екс германски репрезентативец, Томас Милер, на интересен начин го искоментира трансферот на Флоријан Вирц во Ливерпул.

Баер Леверкузен го продаде својот најдобар играч за 150 милиони евра.

„150 милиони се нереални пари. Но, за нив тоа е само бројка за која клубовите се согласиле. Како можете да разберете што се 150 милиони евра? Од една страна, не можете ни да го купите Нејмар за тоа. Од друга страна, можете да засадите многу дрвја. Флоријан може да игра каде било. Тој не е само технички добар туку е и многу ментално силен. Очекувањата од него ќе бидат големи, но мислам дека може да се справи со тоа“, изјави Милер.

Барселона ги претстави новите дресови, но тој од Јамал се уште не може да се купи (Фото)

Павле Симовски
-
0
Барселона ги претстави новите дресови, но тој од Јамал се уште не може да се купи (Фото)

Барселона и официјално ги претстави новите дресови за следната сезона, кои ја отсликуваат традицијата на клубот и се во карактеристичните бои – сината и црвената.

Сепак, „каталонците“ објавија и дополнително соопштение кои се однесува на дресот на Ламине Јамал.

„За да го обезбедиме најдоброто искуство, можете да го купите дресот на Ламин Јамал, но тој нема да биде испорачан додека не бидат официјално потврдени името и бројот. Ви благодариме за разбирањето.“ – се вели во соопштението.

Се очекува официјална промена на бројката на Јамал од 19 во 10, па дури потоа ќе може да биде купен дресот на најдобриот млад фудбалер во светот.

Холандската легенда ќе му асистира на Арне Слот во Ливерпул

Павле Симовски
-
0
Холандската легенда ќе му асистира на Арне Слот во Ливерпул

Поранешниот фудбалер на Барселона, Арсенал, Феенорд и Глазгов Ренџерс, Џовани ван Бронкхорст, ќе биде новиот асистент на Арне Слот во Ливерпул. Назначувањето на Холанѓанецот ќе зависи од добивањето на работната дозвола, а штом бидат завршени административните процедури, тој веднаш ќе биде вклучен во стручниот штаб на неговиот сонародник.

Ван Бронкхорст во својата тренерска кариера ги предводеше Феенорд, Гванжу, Глазгов Ренџерс и Бешикташ.

Сепак, ова не е единствената промена во стручниот штаб на Арне Слот. Од клубот си заминуваат и двајцата тренери на голманите, Клаудио Тафарел и Фабијан Оте, а нивното место ќе го заземе повратникот, Хави Валеро.

Нигериецот Олаосебикан е ново засилување на Вардар

Павле Симовски
-
0
Нигериецот Олаосебикан е ново засилување на Вардар

Нигерискиот офанзивец Ибрахим Олаосебикан е најновото засилување за актуелниот освојувач на Купот на Македонија, Вардар. Фудбалерот со најтрофејниот македонски клуб потпиша договор на две сезони.

25-годишниот Нигериец во Вардар доаѓа од екипата на АП Брера, за која минатата сезона настапи на 33 натпревари во првенството и во Купот на Македонија, со ефект од два гола и четири асистенции.

Олаосабикан претходно во својата кариера има настапувано за литванските Хагелман и Судува, додека во татковината го носел дресот на Реал Сафир.

Иван Ракитиќ ја завршува фудбалската кариера, ќе биде дел од раководството на Хајдук

Павле Симовски
-
0
Иван Ракитиќ ја завршува фудбалската кариера, ќе биде дел од раководството на Хајдук

Поранешниот фудбалер на Барселона и Севиља, Иван Ракитиќ, минатата сезона настапуваше за сплитски Хајдук, но тоа за него беше и последната сезона во неговата фудбалска кариера.

37-годишниот фудбалер и официјално оди во пензија, а во иднина ќе му биде помошник на спортскиот директор на Хајдук, Горан Вучевиќ. Иако оваа информација не ја објави Ракитиќ, сепак, новиот тренер на сплитските „бели“, Гонзало Гарсија, ја потврди за хрватските медиуми.

„Ракитиќ ја завршува својата кариера. Тој е извонредно интелигентен, има одлични идеи и многу добро го разбира фудбалот. Сега поминува низ тежок период, бидејќи преминот од соблекувалната до костумот не е лесен. Тоа е, како што велам, темната страна на фудбалот. Но тој ми се јави и, на некој начин, тој е одговорен што денес сум дел од Хајдук.“ – рече Гарсија.

Освен за Хајдук, Барселона и Севиља, Ракитиќ во својата кариера настапуваше и за Шалке, Базел и Ал-Шабаб.

Атлетико Мадрид се пофали со трансферот на шпански репрезентативец (Фото)

Павле Симовски
-
0
Атлетико Мадрид се пофали со трансферот на шпански репрезентативец (Фото)

Левото крило на репрезентацијата на Шпанија, Алекс Баена, е нов фудбалер на Атлетико Мадрид. „Јорганџиите“ и официјално се пофалија со ангажманот на фудбалор кој доаѓа од Виљареал, а за кого платија 45 милиони евра.

23-годишниот фудбалер потекнува од академијата на „жолтата подморница“, а една сезона мина како позајмен во Жирона. Договорот на Баена со Атлетико Мадрид е на пет години.

Официјално: Челзи има нов напаѓач за кого платија 60 милиони евра (Видео)

Павле Симовски
-
0
Официјално: Челзи има нов напаѓач за кого платија 60 милиони евра (Видео)

Жоао Педро и официјално е нов напаѓач на Челзи, а „сините“ за неговиот трансфер платија нешто над 60 милиони евра на Брајтон. Бразилецот веднаш ќе биде регистриран за Челзи и ќе може да настапи и на четвртфиналниот меч од Светското клупско првенство против Палмеирас.

Договорот на Жоао Педро е со важност до 2033 година.

Освен за Брајтон, Жоао Педро има настапувано и за Флуминензе и Вотфорд, а за репрезентацијата на Бразил има три настапи.

1...464748...9.675Страна 47 од 9.675

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023