Фудбалерот на Вардар, Роџерс Мато, постигна гол на Африканскиот куп на нациите. Мато, кој го носи дресот на Уганда, постигна погодок во дуелот со фавортитот Нигерија, но тој не беше доволен да се избегне поразот.
Нигерија водеше со 3:0, Уганда беше со играч помалку, а Мато погоди за 1:3 во 75-тата минута, и тоа по една одлична акција која може да ја видите ТУКА.
Поранешниот освојувач на Конференциската лига на УЕФА, тимот на Вест хем, е на прагот по вторпат оваа есен да направи промена на менаџерската позиција. Нуно Еспирито Санто беше донесен со цел да го стабилизира тимот по лошиот старт на сезоната, но очекуваниот позитивен пресврт не се случи.
Чеканите моментно се наоѓаат во зоната за испаѓање, а од доаѓањето на португалскиот стратег запишаа само две победи на 13 одиграни натпревари. Токму поради тоа, раководството сериозно размислува за разделба со Нуно Еспирито Санто, иако засега не се споменува конкретно име како негов можен наследник.
Поранешниот менаџер на Нотингам форест го замени Греам Потер, но мисијата за подем на тимот не беше успешна. Вест хем се наоѓа на 18-тата позиција во Премиер лигата со скромни 13 освоени бода, што дополнително го зголемува притисокот врз клубот и стручниот штаб.
НБА-возбудата нема да изостане и оваа вечер, а четири меча се на понудата во Полноќниот експрес.
Тимот на Бостон селтикс е фаворит на гостувањето во Јута, а и ЛА клиперс треба да слави триумф на домашен терен против Сакраменто кингс.
Покрај стандардните квоти, подготвени се и квоти за индивидуалниот поентерски ефект на 40-мина кошаркари во омилената игра „плус/минус поени“.
Во предновогодишната еуфорија, еден обложувач од Скопје уплати ретко виден тикет, кој е добитен. Само со три натпревари успеа да креира вкупен коефициент од 632,94 и на уплата од минимални 20 денари, си заработи 10.763 денари.
Тактиката е едноставна. Одиграни биле три меча, кои се одиграа во Чемпионшип на Англија, а погодени се три точни резултати.
Милвол со 2:1 славеше над Бристол, а квотата за точен резултат беше 10,2. Со ист резултат од 2:1 заврши и мечот меѓу Вест Бромич албион и Квинс парк, а интересно е дека веќе во 55-тата минута беа постигнати сите три погодоци и потоа, до крајот на средбата, мрежите мируваа.
На дербито меѓу Бирмингам и Саутхемптон немаше победник и заврши со резултат 1:1, а погодена е квотата со 6.50. Двата погодоци беа постигнати во второто полувреме, што беше токму како што типувал обложувачот кој тикетот го уплатил во Сопиште.
Пред повеќе од три години, Жарарт Пике реши дека е време да ја заврши играчката кариера, и тоа во дресот на Барселона. Сепак, и по завршувањето на активното играње, Пике не престана да биде активен на спортското поле.
Пике стана сопственик на фудбалскиот клуб Андора, а сега се одлучи за еден необичен потег. Легендарниот дефанзивец кој за малку повеќе од еден месец ќе наполни 39 години, реши да потпише со тимот на Андора.
Поедноставно кажано, Пике потпиша самиот со себе и тој треба да биде првото зимско засилување за Андора. Досега Пике во клубот помагаше во организацијата и спортското планирање, а сега реши да оди чекор напред. Пике со појавувањето на теренот треба да ја донесе потребната стабилност во дефанзивниот ред.
Ако нема некои неочекувани проблеми, Пике за тимот на Андора може да дебитира веќе на 4 јануари, на мечот против Сеуте. Андора се натпреварува во втората шпанска лига и по 19 одиграни мечеви, таа е на 13-тото место на табелата со 24 бода.
Никола Јокиќ не го доигра мечот против Мајами хит на кој Денвер загуби со 147:123 на гости. Првата ѕвезда на Денвер мораше принудно да го напушти теренот пред крајот на втората четвртина.
Мајами беше во напад, кога Спенсер Јонс не сакајќи го удри својот соиграч Јокиќ, а центарот на Денвер веднаш се струполи на теренот. Веднаш беше јасно дека Јокиќ е посериозно повреден. Тој се држеше за коленото.
Nikola Jokic sustained a left knee injury and was forced to exit the Nuggets’ game against the Heat
Wishing him a speedy recovery and hoping to see him back on the court very soon 🙏pic.twitter.com/GUMaraLdqL
— BasketNews (@BasketNews_com) December 30, 2025
Првичните претпоставки беа дека може да се работи за скинати лигаменти на коленото, што ќе значеше неколкумесечна пауза за Јокиќ. Сепак, првите информации велат дека Јокиќ ќе паузира неколку недели, а не неколку месеци, што значи дека повредата не е толку сериозна.
„Сè што знам е дека Јокиќ го повреди левото колено. На полувремето ја погледнав ситуацијата и изгледаше како Јокиќ да не може да ја помести ногата. Веднаш по контактот беше јасно дека нешто не е во ред“, рече тренерот на Денвер, Давид Аделман.
Веќе традиција стана таеквондистката Милијана Рељиќ да ја завршува годината со многу значајни признанија. Рељиќ во 2024 година беше прогласена за најдобра спортистка во Македонија во изборот на Министерството за спорт, а оваа 2025 година ја заврши како најдобра спортистка во изборот на Македонскиот олимписки комитет и ја доби Златната Олимпија.
Сите овие признанија и награди се повеќе од заслужени за Рељиќ бидејќи таа во текот на сите 12 месеци напорно тренира, се натпреварува и жнее успеси и добри резултати.
„Оваа сезона претставува уште едно значајно поглавје во мојата спортска кариера, исполнета со силни настапи и континуиран напредок. Во текот на годината остварив значајни меѓународни успеси, меѓу кои се: сребрен медал на Swedish Open, сребрен медал на Polish Open, како и освоено петто место на European President Cup, натпревари кои потврдија дека сум на вистинскиот пат и дека вложениот труд носи резултати,сите овие турнири се бодовни за олимписката ранг-листа. Овие достигнувања за мене се голема мотивација, но и дополнителна одговорност да продолжам со уште поголема посветеност, дисциплина и верба во процесот“, вели Рељиќ, која пошироката спортска јавност многу добро ја запозна на ЛОИ 2024.
И во годината која доаѓа главниот фокус на популарната Мила ќе биде континенталниот собир кој во 2026 година ќе биде во Германија.
„Следната голема цел која ја поставувам пред себе е настапот и успехот на Европското првенство во Германија, каде што ќе се стремам кон уште повисок пласман и ново спортско докажување. Благодарна сум за поддршката од ‘Спорт-Лаиф’ што ја имам на овој пат, како и на сите кои веруваат во мене и се дел од мојата спортска приказна“, вели Рељиќ, која на долги патеки во фокусот и е втор настап на Олимписки игри кои во 2028 година ќе се одржат во Лос Анџелес.
Актуелниот шампион на Англија, Ливерпул, кој не се претставува на доволно високо ниво од почетокот на сезоната, донесе важно решение. Тренерот за статични ситуации кај Црвените, Арон Бригс, ќе го напушти клубот, објави британскиот „Тајмс“.
Ова се случува поради тоа што Ливерпул се покажува исклучително слабо во ситуации кои произлегуваат од корнер или директен слободен удар. Црвените примија 12 гола од статични позиции од почетокот на сезоната, што ги става на дното на табелата во Премиер лигата според оваа статистичка категорија.
Ливерпул донесува важно решение бидејќи статичните позиции се многу важен дел од современиот фудбал. Арсенал, кој е лидер на табелата, е пример токму за спротивното, како преку овие ситуации можат да решаваат важни натпревари.
Сè уште не е јасно дали ќе има некој кој ќе го замени Бригс или одговорноста за овие ситуации ќе биде распределена меѓу останатите членови на тренерскиот тим.
Федерико Кјеза е име кое последниве денови се споменува како можна принова во Јувентус.
Како што открива „Газета дело спорт“, тоа е Италијанецот, во кој менаџерот на Ливерпул, Арне Слот, нема доверба и ретко го користи дури и сега, кога Салах е со националниот тим, а повредени се Исак и Гакпо.
Кјеза би можел да го напушти „Енфилд“ во јануарскиот преоден рок и да се врати во Серија А.
Тој е на цена во Италија, ова лето беше поврзуван со Наполи, потоа со Фиорентина, но преговорите пропаднаа. Јуве сака да ги засили крилните позиции, а Кјеза им е добро познат играч, играше за Старата дама пред да замине во Ливерпул во летото 2024 година.
Јувентус би го довел Кјеза само на позајмица, без задолжителен откуп налето.
Победа на Валенсија над Партизан е најчистиот фикс на вечерашните мечеви во Евролигата, барем според квотите во Sport Life.
Шпанскиот тим е на делба на второто место на табелата, а Црно-белите се во криза и во претходните три кола губеа убедливо, последниот дебакл против Макаби беше и историски.
Квотите најавуваат дека подраматично може да биде на француското дерби Асвел – Париз и на Барса – Монако, додека голем фаворит е и лидерот Хапоел Тел Авив, кој го пречекува променливиот Жалгирис.
За Валенсија игра новопечениот македонски репрезентативец Омари Мур, кој го има на листата на кошаркари на кои може да се обложите колку поени или скокови ќе постигнат. Има и понуда на асистенти, како и на број на погодени тројки и направени фаули од страна на тимовите.
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
