14.8 C
Skopje
среда, 5 ноември 2025
Дома Blog Страница 7

Баварците рушат рекорди и надвор од теренот: Баерн Минхен со рекордни приходи

Павле Симовски
-
0
Баварците рушат рекорди и надвор од теренот: Баерн Минхен со рекордни приходи

Баерн Минхен оваа сезона руши рекорди и на теренот, но и надвор од него. Баварците имаат 15 победи на 15-те официјални натпревари оваа сезона, а според најновиот финансиски извештај, имаат и рекордни приходи за сезоната 2024/25.

Германскиот гигант остварил приход од 978,3 милиони евра, што е раст од 2,8% во споредба со претходната сезона. Најголемите приходи се од натпревари, дури 260,7 милиони евра, па следуваат ТВ-правата и маркетингот со приход од 240,4 милиони евра, а единствениот пад го бележат во сумата од продажба на фудбалери. По овој основ приходот паднал од 186,1 милиони евра на 117,7 милиони евра.

На крајот, добивката по оданочувањето изнесува 43,1 милиони евра. Баерн Минхен бележи пораст и на бројот на членови, па така од 382.000 сега имаат 432.500.

Арсенал со рекордна понуда сака да го задржи Сака најмалку до 2030 година

Павле Симовски
-
0
Арсенал со рекордна понуда сака да го задржи Сака најмалку до 2030 година

Бакајо Сака потекнува од академијата на Арсенал, но со своите игри стана вистинска ѕвезда на Топчиите, но и фудбалер кој го привлече вниманието на останатите европски екипи.

Дваесет и четиригодишниот фудбалер пред две години го продолжи договорот до 2027 година, но сега раководството на Арсенал сака ново продолжување, а за тоа се подготвени да му понудат и рекорден договор.

Водечките луѓе на Топчиите му нудат продолжување на договорот до 2030 година и плата од 12 милиони фунти годишно, а фудбалерот со своите изјави неодамна само најави дека е расположен да остане во матичниот клуб.

Сака оваа сезона постигна четири гола на 12 меча за Арсенал, а со своите 24 години веќе има 275 настапи за Топчиите со ефект од 74 гола и 72 асистенции.

Мајстор за обложување од Стара чаршија, со 100 денари ќари 2.000 евра (Фото)

Трајан Маневски
-
0
Мајстор за обложување од Стара чаршија, со 100 денари ќари 2.000 евра (Фото)

Неделата беше посебно среќен ден за двајца обложувачи од Скопје и Куманово кои уплатиле тикети во Sport Life. Во Старата чаршија во Скопје само со 100 вложени денари, на шест натпревари, направен е добитен тикет со нето-добивка од 121.084 денари.

На пет од шесте меча, тактиката била да има 2+ погодоци во првото полувреме, а во вториот дел да има барем по еден гол и тоа било успешно на мечевите на кои домаќини беа Барселона, Вест хем, Алавес, Верона и Парма.

Само на дуелот Манчестер сити – Борнмут одиграно е Граѓаните да постигнат 2+ погодоци во првото поувреме и тоа се случи благодарение на Ерлинг Халанд, кој постигна двва гола и неговиот тим водеше со 2:1 по 45 минути игра.

На крајот, вкупниот погоден коефициент на овој тикет е 1.424, па само со 100 денари добивката е одлична, односно безмалку 2.000 евра.

Во Куманово, на тикет со шест дуели, направена е добитна вкупна квота од 1.797, па само со 50 денари, добивката е 76.412 денари. На овој тикет има погодено и квота од 18, и тоа на мечот Вест хем – Њукасл. Погодено е дека домаќините ќе водат на полувреме и на крајот ќе победат во меч на кој во првото полувреме ќе има постигнато меѓу два и три гола. Вест хем на полувремето водеше со 2:1, а на крајот победи со 3:1.

И останатите пет погодени меча се со квоти над 2.10, а впечатливо е дека на сите верба се имало во домаќините и на крајот сите домаќини победија.

Избран е најдобриот тим за 2025 година во изборот на ФИФПро

Трајан Маневски
-
0
Избран е најдобриот тим за 2025 година во изборот на ФИФПро

Синдикатот на професионални фудбалери (ФИФПРО) ги објави идеалните тимови за мажи и жени за 2025 година. Повеќе од 26.000 фудбалери од 68 земји гласаа за најдобрите 11 кај мажите и кај жените.

Во „идеалните 11“ кај мажите логично е што доминираат играчите на актуелниот европски првак Пари Сен Жермен, па меѓу најдобрите има место за Ашраф Хакими, Нуно Мендеш, Витиња и Усман Дембеле, како и за поранешниот играч Џанлуиџи Донарума, кој ја освои Лигата на шампионите со Парижаните и ова лето се пресели во Манчестер сити.

Ламин Јамал, напаѓачот на Барселона, само на 18 години стана најмладиот играч избран во тимот на годината, соборувајќи го рекордот поставен од Килијан Мбапе во 2018 година, кога францускиот напаѓач беше вклучен во тимот на 19-годишна возраст. Посебно изненадување е отсуството на ѕвезди како Ерлинг Халанд, Мохамед Салах и Рафиња, кои не беа меѓу најдобрите 11.

Џанлуиџи Донарума е на голот, Вирџил ван Дајк, Ашраф Хакими и Нуно Мендеш се во одбраната, Џуд Белингам, Кол Палмер, Педри и Витиња се во средината, додека нападот го предводат Усман Дембеле, Килијан Мбапе и Ламин Јамал.

Во женска конкуренција има најмногу англиски играчи, дури шест. Меѓу нив е и Луси Бронз, која испиша историја со освојување на рекордно осмо место во тимот на годината, надминувајќи ја Французинката Венди Ренард, која има седум настапи.

За првпат двајца африкански играчи, Барбра Банда (Замбија) и Гизлан Чебак (Мароко), се појавуваат во идеалните единаесет.

Најдобар тим за 2025 година:

Голман: Џанлуиџи Донарума (ПСЖ/Манчестер сити, Италија)

Одбрана: Вирџил ван Дајк (Ливерпул, Холандија), Ашраф Хакими (ПСЖ, Мароко), Нуно Мендес (ПСЖ, Португалија)

Среден ред: Џуд Белингам (Реал Мадрид, Англија), Кол Палмер (Челзи, Англија), Педри (Барселона, Шпанија), Витиња (ПСЖ, Португалија)

Напад: Усман Дембеле (ПСЖ, Франција), Килијан Мбапе (Реал Мадрид, Франција), Ламин Јамал (Барселона, Шпанија)

Трагедија: На сред меч во српското првенство почина некогашниот тренер на Шкупи

Трајан Маневски
-
0
Трагедија: На сред меч во српското првенство почина некогашниот тренер на Шкупи

На дуелот меѓу Младост Лучани и Раднички Крагуевац се случи голема трагедија. Додека траеше мечот, ненадејно му се слоши на теренерот на Раднички Крагуевац, Младен Жижовиќ, кој подоцна почина. Жижовиќ имаше 45 години, а беше поранешен тренер на Шкупи.

Жижовиќ, кој го презеде Раднички пред десет дена, се сруши покрај клупата во 22-рата минута од натпреварот. Брзата помош веднаш го однесе тренерот на клубот од Крагуевац, а дваесет минути подоцна натпреварот беше прекинат по пристигнувањето на најтажната вест.

Повеќето фудбалери ја ставија раката на глава, исто како и тренерите на клупите, додека помошниот тренер на Раднички, Бојан Пузигача, буквално падна на тревникот.

Србинот раскажува за своето искуство во Македонија: Нема плата, многу лаги, не можеш ни вода да пиеш затоа што е замрзната (Видео)

Трајан Маневски
-
0
Србинот раскажува за своето искуство во Македонија: Нема плата, многу лаги, не можеш ни вода да пиеш затоа што е замрзната (Видео)

Немања Бешовиќ е еден од највисоките кошаркари кои играле во македонското кошаркарско првенство. Центарот кој е висок 221 сантиметри во 2016 година потпиша за тимот на Струмица, а сега во еден од најпопуларните кошаркарски поткасти на Балканот, поткастот „Јао Миле“, Бешовиќ раскажа низ каква голготата поминал во тие неколку месеци додека бил во Македонија, односно во Струмица.

„Имав операција на грбот и не играв една година. Нема кој да те земе. Требаше да заминам во Македонија. Ги прашувам како да дојдам, да ми платат карта, а тие ми рекоа да дојдам со авион и дека ќе ми ги рефунриаат средствата. Секако, тоа е стара финта. Во Струмица бев неколку месеци и за тие неколку месеци не сум слушнал повеќе лаги“, вели Бешовиќ.

Кошаркарот кој летово стави крај на играчката кариера, раскажуваше и за ужасните услови во Македонија.

„Ни велеа да пиеме вода, а чешмата беше заледена. Не даваа плата и кога си заминав дома за Нова година, решив да не се враќам. Живеев во стан со соиграч, каде што имаше еден кауч на развлекување и тросед. Немав каде да спијам. Морав да се снаоѓам, сам си донесов душек за да имам каде да спијам. Македонија беше едно страшно искуство, но дружбата беше феноменална“, раскажува Бешовиќ, кој две години претходно играше за Партизан и беше голема надеж на српската кошарка.

Домашните екипи ќе доминираат, Бруклин брка прва победа во новата сезона (Фото)

Павле Симовски
-
0
Домашните екипи ќе доминираат, Бруклин брка прва победа во новата сезона (Фото)

Ноќната НБА-програма содржи девет меча, а сите се дел од богатата понуда на Sport Life. Она што може да се забележи од квотите е фаворитската улога на домашните екипи на шест меча, додека само од три екипи се очекуваат гостински победи.

Њујорк, Бостон, Хјустон, Денвер, Портланд и ЛА клиперс треба да победат пред својата публика, а според квотите во Sport Life, најголем фаворит за тоа е Хјустон со квота од 1.16, а веднаш следува и Денвер со 1.18.

Дел од богатата понуда во Sport Life се и кошаркарите со најпопуларната игра – „плус-минус“ на поени. Комплетната НБА-понуда во Sport Life може да ја најдете ТУКА.

Роналдо без многу мислење си кажа: Подобар сум од Меси

Трајан Маневски
-
0
Роналдо без многу мислење си кажа: Подобар сум од Меси

Кристијано Роналдо беше гостин на интервју кај новинарот Пирс Морган, а целиот разговор ќе излезе во текот на оваа недела. Интервјуто во кое Роналдо зборува на многу теми трае вкупно 80 минути, а разговорот е во домот на Португалецот во Саудиска Арабија.

Едно од најинтересните прашања кои излегоа како најава за интервјуто, секако, е поврзано за Лионел Меси. Морган на Роналдо му ја цитираше изјавата дадена од Вејн Руни, кој рече дека не го мрази Роналдо, но едноставно Меси е подобар играч од него. Роналдо веднаш имаше одговор за тоа и рече: „Немам проблеми со таа изјава, но јас не се сложувам. Нема да бидам скромен. Подобар играч сум од Меси“, рече Роналдо.

Роналдо ја освојуваше Златната топка петпати, а шестпати беше втор во тој избор. Меси има рекордни осум Златни топки во својата колекција, а петпати беше втор и во сите тие пет години беше зад Роналдо.

Меси и Роналдо се фудбалерите кои ги одбележаа изминативе две децении во светскиот фудбал.

Фудбалот станува поинаков: Виолетовиот картон искористен на Мундијалот за играчи до 17 години

Трајан Маневски
-
0
Фудбалот станува поинаков: Виолетовиот картон искористен на Мундијалот за играчи до 17 години

Хрватската фудбалска репрезентација за играчи до 17 години одигра нерешено без голови против врсниците од Сенегал во првото коло на Светското фудбалско првенство за младинци. Израмнет беше дуелот на кој беа создадени малку шанси, па на крајот ремито е најреален резултат.

Иако немаше погодоци, во финишот на средбата се случи една многу интересна ситуација. Сенегалскиот голман го собори противничкиот играч Иван Крижиќ додека беше во скок дуел, а селекторот на Коцкестите, Маријан Будимир, го активира виолетовиот картон. ФИФА од неодамна донесе одлука за тестирање на нова иновација во фудбалските правила што моментално се тестира на Мундијалот за У17 години. Со покажување на виолитовиот картон од страна на тренерот, судијата е принуден да го погледне видеото од ВАР-собата. Овојпат виолетовиот картон беше искористен за чилеанскиот судија да провери дали требало да има пенал за Хрватска.

За жал на Хрватите, главиот судија и по прегледувањето на снимката остана на својата првична одлука, а тоа е дека не треба да има пенал, па мечот заврши 0:0.

Пред мечот со Баерн, Луис Енрике зборуваше за тоа кој клуб е најдобар во светот

Трајан Маневски
-
0
Пред мечот со Баерн, Луис Енрике зборуваше за тоа кој клуб е најдобар во светот

Возбудувањата во Лигата на шампионите ќе продолжат утре, со мечеви од четвртото коло. Еден од дуелите кои привлекуваат најмногу внимание, секако, ќе биде утрешната пресметка во Париз меѓу Пари Сен Жермен и Баерн Минхен.

ПСЖ го има приматот на актуелен европски владетел, додека Баерн е тимот кој сезоната ја започна со перфектни 15 победи во 15 средби. Тренерот на ПСЖ, Луис Енрике, беше запрашан за тоа кој е најдобриот клуб во светот и имаше уникатен одговор.

„За да дознаеме кој е најдобриот клуб во светот или во Европа, треба да почекаме до крајот на сезоната за тоа кој клуб колку трофеи ќе освои. Во моментов е јасно дека тие се многу силни, имаат 15 победи по ред. Знаеме дека ќе биде тешко, но ние сме подготвени да победиме“, рече Енрике.

Шпанскиот стратег призна дека на неговиот тим сезонава му е тешко да „врзе“ три-четири победи по ред, а Баерн има 15 во низа.

ПСЖ со 2:0 го победи Баерн летово на меч од Светското клупско првенство, но пред тој дуел, Баерн имаше четири победи во низа. На тие пет натпревари немаше повеќе од два гола, а сите биле и со НГ комбинација, односно еден од тимовите да не постигне гол. Сега ќе биде многу тешко да продолжи оваа традиција ако се знае колку силни напади имаат ПСЖ и Баерн Минхен.

1...678...10.104Страна 7 од 10.104

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023