Дома Blog Страница 7

Легендарниот Кафу: Сега е совршено време Бразил повторно да биде светски првак

Трајан Маневски
-
0
Легендарниот Кафу: Сега е совршено време Бразил повторно да биде светски првак

Еден од најдобрите десни бекови во историјата на фудбалот е Бразилецот Кафу. Тоа е фудбалер кој имаше блескава кариера која траеше речиси 20 години. Се пензионираше во 2009 година во дресот на Милан. Освен на клупски план, Кафу имаше неверојатна репрезентативна кариера која траеше од 1990 до 2006 година. Одигра вкупно 142 меча, а постигна пет погодоци.

Кафу е единствениот фудбалер во историјата кој може да се пофали дека играл во три финалиња на Светското првенство. Во 1994 година се радуваше на титулата на Мундијалот во Бразил, а четири години подоцна Кариоките во финалето беа поразени од домаќинот Франција. Потоа следуваше планетарниот собир во 2002 година во Јапонија и Јужна Кореја, кога Бразил испиша историја победувајќи на сите седум натпревари и ја освои рекордната петта титула за Бразил.

Од таа 2002 година поминаа 24 години во кои Бразил не успеа да стигне ниту до финалето на СП, а не да се радува на највредниот трофеј. Токму Кафу верува дека оваа 2026 година на Мундијалот во САД, Канада и Мексико е време Бразил да застане на планетарниот трон.

„Мислам дека ова е совршен момент за Бразил. Имаме селектор како Карло Анчелоти, кој е класичен победник. Тој сигурно ќе помогне репрезентацијата да биде уште посилна“, рече Кафу.

Легендарниот дефанзивец очекува Винисиус јуниор да биде еден од лидерите на теренот.

„Светското првенство е најдобро место да се покаже квалитетот и да се заборават сите контроверзии. Во тие осум меча (доколку Бразил стигне до финалето), Винисиус ќе има можност на целиот свет да му покаже колку вреди и што може да направи во фудбалот“, додаде Кафу.

На Мундијалот кој ќе започне за малку повеќе од еден месец, Бразил ќе биде во Група Ц заедно со селекциите на Мароко, Хаити и Шкотска. Првиот меч Бразил ќе го игра против Мароко на 14 јуни. Планетарниот собир ќе биде од 11 јуни до 19 јули.

Јувентус го сака Давид де Хеа на голот од следната сезона

Никола Ѓуровски
-
0
Јувентус го сака Давид де Хеа на голот од следната сезона

Интересни трансферни новини пристигнуваат од Италија, каде што Јувентус планира сериозни промени на голманската позиција во летниот преоден рок.

Според информациите, гигантот од Торино не е задоволен од настапите на Микеле ди Грегорио и Матија Перин, па раководството разгледува опција да доведе нов прв голман, додека еден од актуелните сигурно би го напуштил тимот.

Во последните недели, Јувентус се поврзуваше со големо име како Алисон Бекер од Ливерпул, но негов трансфер се смета за малку веројатен поради високата плата.

Поради тоа, како пореална цел се издвојува Давид де Хеа, кој моментно настапува за Фиорентина. Шпанскиот голман заработува околу 3,5 милиони евра годишно, а клубот од Фиренца наводно е подготвен да го продаде за сума од околу 10 милиони евра.

По доаѓањето во Фиренца, поранешниот голман на Манчестер јунајтед повторно ја врати формата и се етаблира како еден од најсигурните чувари на мрежата во Серија А.

Оклахома е зицер, Детроит нема да згреши двапати (Фото)

Никола Ѓуровски
-
0
Оклахома е зицер, Детроит нема да згреши двапати (Фото)

Плејофот е друга димензија во НБА-лигата. Секоја грешка скапо се плаќа, но и таму изненадувањата се апсолутно возможни.

Детроит пистонс го загуби првиот дуел од пресметката со Орландо меџик, а вечерва се очекува домаќините да бидат многу пофокусирани. Секако, Оклахома сити тандер е огромен фаворит против Феникс санс, а останатите дуели се многу понеизвесни.

Покрај стандардните квоти, подготвени се и коефициентите за поентерскиот ефект на кошаркарите.

Челзи само по три месеци го избрка тренерот

Трајан Маневски
-
0
Челзи само по три месеци го избрка тренерот

По серијата лоши резултати, Челзи реши да ја раскине соработката со тренерот Лијам Росениор. Лондонскиот клуб само пред три месеци го назначи Росениор за предвонник на тимот од „Стемфорд бриџ“ потпишувајќи шестгодишен договор, а сега си заминува само по три месеца.

Челниците на Челзи велеа дека немаат намера да носат драстична одлука за прекинување на соработката, но серијата лоши резултати и падот во формата на тимот било причината Росениор да добие отказ по едвај 100-тина дена како предводник на лондонскиот премиерлигаш.

За привремен тренер до крајот на сезоната е назначен Калум Мекферлан, а потоа ќе се очекува вистинското решение за клупата на Челзи. Мекферлан веќе има еден меч како привремен предводник на Челзи и тоа беше по заминувањето на Енцо Мареска, кога Челзи одигра 1:1 против Манчестер сити.

„Воопшто не беше лесно да се донесе оваа одлука, но резултатите во последно време беа под нивото на нашиот клуб, посебно поради фактот колку малку средби останаа до крајот на сезоната. Сите во Челзи на Лијам му посакуваа сè најдобро во иднина“, се вели во соопштението на Челзи.

Челзи синоќа загуби од Брајтон со убедливи 3:0 и тоа беше петти пораз по ред во низа без ниту еден даден гол, што е најлоша низа за Челзи уште од 1912 година. Челзи сега треба да се фокусира за дуелот против Лидс во полуфиналето на ФА купот, што е единствена шанса да освои трофеј оваа сезона.

Кузманоски: Пристапот во првиот дел беше лош, секој противник треба да го гледаме со респект

Трајан Маневски
-
0
Кузманоски: Пристапот во првиот дел беше лош, секој противник треба да го гледаме со респект

Македонија без многу проблеми славеше над Бугарија со убедливи 33:18 на стартот од Светското ракометно првенство во училштен ракомет, но селекторот Горан Кузманоски не беше премогу задоволен од настапот на своите избраници. Предводникот на македонската репрезентација верува дека неговите избраници може да одиграат многу подобро во следните натпревари.

„Одигравме едно лошо прво полувреме. Не беше лошо како полувреме, но пристапот беше лош, а кога се работи за една млада селекција, не смее да се дозволи да го бираме противникот дали е добар или лош. Мора да бидеме конкретни во текот на целиот меч. Ни се случува два-три пати со послаби репрезентации да отвораме некако потешко, а потоа доаѓаме до посериозен резултат со поголема разлика, но како и да е, можеби подобро работите сега да се случуваат за да имаме увид понатаму и да ги средиме што е можно побрзо. Без разлика што беше Бугарија една школска екипа, покажаа дека знаат да играат ракомет“ истакна Кузманоски.

Македонија во групната фаза ќе одигра уште три меча, а Кузманоски потенцира дека против секој ривал пристапот мора да е максимално сериозен.

„Нам ни следуваат уште три меча, тоа се против Грузија, Република Српска и Саудиска Арабија. Секој противник треба да го гледаме со респект. Знаеме дека тие се дојдени со репрезентативни состави и ние ќе го дадеме максимумот. Иако доаѓаме од медитеранско првенство, преовладува мал умор, имаме и двајца-тројца играчи со вирус и еден повреден, но тоа не значи дека треба да бараме алиби“ рече селекторот на нашата машка кадетска селекција по победата над Бугарија на првиот меч од Светското првенство во училиштен ракомет.

Рубен Аморим се враќа во Премиер лигата?

Никола Ѓуровски
-
0
Рубен Аморим се враќа во Премиер лигата?

Рубен Аморим наскоро би можел повторно да се врати на тренерската сцена во Премиер лигата, пренесуваат англиските медиуми, и тоа со потенцијално изненадувачки ангажман.

Португалецот ја загуби функцијата на клупата на Манчестер јунајтед во јануари, по малку повеќе од една година мината на „Олд Трафорд“. Тој беше назначен во декември 2024 како наследник на Ерик тен Хаг, но слабите резултати, само со 31,9% победи, го чинeа работно место.

Оттогаш Аморим се повлече од јавноста и внимателно ја чека следната можност, а според најновите информации, таа може да пристигне уште ова лето. Како најсериозна опција се споменува Кристал палас, каде што се очекува тренерска промена.

Актуелниот стратег на лондонскиот клуб, Оливер Гласнер, веќе најави заминување на крајот од сезоната поради несогласувања со раководството, што отвора простор за ново име на клупата. Токму Аморим се издвојува како прв избор на челниците на клубот.

Доколку не успеат да го убедат, алтернативи се Андони Ираола, кој моментално го води Борнмут, како и Томас Франк и Роби Кин.

Сепак, најголемо внимание привлекува токму можноста Рубен Аморим да се врати во англиската елита и да преземе клуб како Кристал палас, што би значело нов почеток по неуспешната епизода во Манчестер јунајтед. За навивачите на лондонскиот тим претстојното лето очигледно ќе биде исполнето со неизвесност и очекувања.

Играчи на Интер, Милан, Јувентус… поврзани со ланец на проституција кој ја потресе Серија А

Трајан Маневски
-
0
Играчи на Интер, Милан, Јувентус… поврзани со ланец на проституција кој ја потресе Серија А

Најмалку 70 фудбалери присуствувале на забави организирани од агенцијата од Чинисело Балсамо „Ма. Де. Милано“, против која е покрената истрага за експлоатација и поттикнување на проституција, според информациите од италијанската агенција АНСА.

Повеќе од 194.000 евра биле платени преку банкарски трансфери до агенција за организација на настани, додека вкупниот износ што е под истрага се проценува на 1,2 милиони евра. Ова е случај што ја потресе италијанската јавност во последните денови, а во центарот на вниманието се луксузните забави во Милано и наводните врски со проституција.

Во документите на обвинителството не се споменуваат конкретните имиња на играчите, но се истакнува дека меѓу учесниците имало фудбалери од неколку клубови од Серија А, вклучувајќи ги Интер, Милан, Јувентус, Верона, Торино, Монца и Сасуоло. Важно е да се напомене дека ниту еден од фудбалерите не е под истрага, бидејќи – според италијанските власти – тие не сториле кривично дело како клиенти.

Истрагата ја води обвинителството во Милано, координирана од заменик-обвинителот Бруно Албертини. Како дел од операцијата, сопствениците на агенцијата, Емануеле Бутини и Дебора Ронки, како и нивните соработници Алесио Саламоне и Луан Фрага, завршија во домашен притвор.

Според италијанските медиуми, агенцијата им нудела „целосно искуство“ на богатите клиенти – од вечери во луксузни ресторани до вечери во познати клубови или хотелски соби. Во прислушуваните разговори се споменуваат и познати личности, бизнисмени, па дури и возач на Формула 1.

Во текот на овие вечери, девојките кои работеле за агенцијата – од кои некои биле многу млади – наводно биле охрабрувани да им даваат сексуални услуги на гостите. Според истрагата, организаторите задржувале најмалку 50 проценти од заработката, додека остатокот им бил исплатен на девојките, честопати во готово.

Некои сведоштва, исто така, укажуваат на проблематични ситуации меѓу учесниците. Во еден од прислушуваните разговори, девојката наводно изразила загриженост за бременост откако се сретнала со познат фудбалер.

Истрагата е сè уште во тек, а италијанските власти се обидуваат да го утврдат обемот на целата мрежа, вклучително и колку луѓе ги користеле услугите на ескорт дами и таканаречениот „гас за смеење“, кој се споменува и во овој случај.

 

Сити дури 209 дена беше зад Арсенал, но вечерва има шанси да го запоседне врвот во Премиер лигата

Трајан Маневски
-
0
Сити дури 209 дена беше зад Арсенал, но вечерва има шанси да го запоседне врвот во Премиер лигата

Манчестер сити вечерва гостува кај Барнли во меч од 34-тото коло на англиската Премиер лига и со евентуална победа, Граѓаните ќе се искачат на врвот на табелата. Оваа сезона започна точно пред 249 дена, а Арсенал дури 209 дена е лидер на табелата. Сепак, сега во финишот на сезоната може да се случи Топчиите да паднат на второто место.

Само пред неколку дена Сити со 2:1 го победи Арсенал во директен дуел и се приближи само на три бода зад директниот ривал во трка за трофејот. Во случај на победа на Сити вечерва против Барнли, двата тима ќе имаат по 70 бода. Арсенал моментално има гол-разлика од 63 дадени и 26 примени гола (плус 37), додека Сити е со гол-разлика од 65:29 (+36). Тоа значи дека доволно е Сити да победи минимално со 1:0 за да дојде до гол-разлика која ќе го одведе на чело на табелата.

„Арсенал повеќе од 200 дена е прв на табелата, а тоа покажува дека се добри и константни во играта. Ова е многу важен меч за нас затоа што може да се израмниме по бројот на освоени бодови со нив. Веќе не смееме да дозволиме да губиме бодови затоа што ќе биде многу тешко да се надополнат“, рече тренерот на Сити, Пеп Гвардиола, во пресрет на гостувањето кај Барнли.

Сити е апсолутен фаворит против Барнли, барем според традицијата на меѓусебните дуели. Во последните 15 средби на овие два ривали, Сити има дури 14 победи со гол-разлика од 51 даден и само четири примени голови. Барнли последен пат славеше над Манчестер сити на 14 март 2015 година со 1:0. Потоа наредија дури 18 порази и само едно реми.

ИКАС 2026 се одложува за септември, ќе се прави ремонт на турбина на ХЕЦ Матка

Никола Ѓуровски
-
0
ИКАС 2026 се одложува за септември, ќе се прави ремонт на турбина на ХЕЦ Матка

Организаторите на ИКАС информираа дека натпреварувањето првично закажано за 18 и 19 април се одложува и ќе се одржи во нов термин во септември.

Како главна причина за ваквата одлука се наведуваат технички зафати на ХЕЦ Матка, односно ремонт на една од турбините. Поради тоа, во моментот не може да се обезбеди стабилен и доволен проток на вода на патеката, што е клучно за безбедно и регуларно одвивање на натпреварувањето.

„Одлуката е донесена поради технички причини, односно тековен ремонт на една од турбините, што го оневозможува потребниот проток на вода за одржување на настанот“, соопштија организаторите.

Воедно, тие потенцираа дека сите направени резервации од страна на натпреварувачите ќе останат валидни и за новиот термин во септември.

Од организацискиот одбор најавуваат дека во координација со надлежните институции ќе се вложат дополнителни напори за настанот да се реализира во подобри услови, со поголема посетеност и повисоко организациско ниво. Финансиска поддршка и оваа година е потврдена од Министерство за спорт.

Шкендија со пресврт славеше во Тетово против Шкендија Арачиново

Никола Ѓуровски
-
0
Шкендија со пресврт славеше во Тетово против Шкендија Арачиново

Шкендија направи пресврт во второто полувреме и ја совлада Шкендија Арачиново со 3-2, иако по првиот дел имаше негатива од 1-2. Ова е епилогот на првиот полуфинален натпревар од Купот на Македонија, по кој прволигашот обезбеди еден гол предност пред реваншот кој ќе се одигра на 6 мај.

Домаќинот поведе во четвртата минута со голот на Трумчи од пенал, но Шкендија Арачиново погоди двапати во финишот на првиот дел. Нухија израмни во 30-тата минута, а Ливарека се погрижи за изненадување во 43-тата минута.

Сепак, фаворитот успеа да го сврти резултатот во второто полувреме. Ване Крстевски постигна израмнувачки гол за 2-2 во 54-тата минута, а Анес Мелиќи погоди за триумф во 69-тата минута.

До крајот, Шкендија Тетово имаше уште неколку шанси, но избраниците на Јетон Беќири не беа доволно ефикасни.

1...678...10.754Страна 7 од 10.754