-1.2 C
Skopje
петок, 2 јануари 2026
Дома Blog Страница 8

Работеше како ноќен портир, даде отказ и стана сензација на СП во пикадо

Трајан Маневски
-
0
Работеше како ноќен портир, даде отказ и стана сензација на СП во пикадо

Британскиот пикадо играч Џастин Худ продолжи со неверојатната новогодишна приказна на Светското првенство кое се игра во лондонскиот хотел „Александар Палас“. Само пред неколку месеци Худ реши да даде отказ на своето работно место како ноќен портир во еден хотел и целата своја животна заштеда да ја вложи во обид да направи професионална пикадо кариера.

Ход досега немал некој забележителен настап на голем турнир, но сега блеска на Светското првенство и веќе се пласира во четвртфиналето откако со убедливи 4:0 го победи фаворизираниот Џош Рок од Северна Ирска. Худ на овој тирнир е како 86-ти на светската ранг листа, а Рок беше на 11-тото место, но тоа не значеше многу на мечот во којшто победи многу послаборангираниот пикадо играч.

Со овој пласман во четвртфиналето Худ сигурно ќе заработи 64.000 евра.

Худ од почетокот на 2024 година започна да работи како ноќен портир, но неодамна реши да направи целосен пресврт во својот живот. Даде отказ и се пресели во Милтон Кејнс, каде што се пријави на квалификациски турнир за професионалци. Оваа ризична одлука се покажала како вистинска за Худ.

Доколку успее да направи ново чудо и да го помине четвртфиналето, Худ ќе заработи дополнителни 40.000 евра. Останува да видиме во иднина дали Худ ќе се претвори во пикадо сензација или ова ќе биде еден краткотраен блесок.

Како и да биде, ова е една убава новогодишна спортска бајка.

 

Вулверхемптон освои бод на „Олд Трафорд“, но повтори антирекорд кој бил поставен пред повеќе од еден век

Трајан Маневски
-
0
Вулверхемптон освои бод на „Олд Трафорд“, но повтори антирекорд кој бил поставен пред повеќе од еден век

Англиската Премиер лига е точно на половина од сезоната. Вчера се одиграа неколку мечеви од 19-тото коло, а за 1 јануари се закажани останатите, со што ќе биде комплетиран првиот дел од шампионатот.

Според изгледот на табелата, јасно е дека во трката за титулата главни протагонисти ќе бидат Арсенал и Манчестер сити, а тука може да се вмешаат само уште Астон вила и Ливерпул.

Ако на врвот на табелата се издвоија екипите, некои работи уште сега се јасни и кога се работи за дното на табелата. Екипата на Вулверхемптон убедливо е најслаба и се наоѓа на последното место само со три освоени бодови.

Вулверхемптон синоќа изненади и одигра 1:1 против Манчестер јунајтед на „Олд Трафорд“, но тоа беше само трето реми за Волците, кои немаат ниту една победа, но затоа имаат дури 16 порази.

Во речиси едно и пол вековната традиција на елитниот англиски фудбал, ова е само вторпат еден тим да нема ниту една победа по 19 одиграни натпревари. Единствен таков случај досега беше тимот на Болтон од пред повеќе од еден век, односно од сезоната 1902/03. Сега Вулверхемптон го повтори овој антирекорд на Болтон, а останува во некои од следните кола да видиме дали Вулверхемптон конечно ќе се израдува и на триумф сезонава.

Ѓуретановиќ ги руши рекордите како од шега, во најава за 2026 година се многу нови успеси

Трајан Маневски
-
0
Ѓуретановиќ ги руши рекордите како од шега, во најава за 2026 година се многу нови успеси

Во ист тим само за 13 минути на теренот заиграа тројца голмани (Видео)

Трајан Маневски
-
0
Во ист тим само за 13 минути на теренот заиграа тројца голмани (Видео)

Африканскиот куп на нациите кој се игра во Мароко секогаш нуди интересни и несекојдневни ситуации. Така беше и синоќа, на дуелот меѓу Нигерија и Уганда. Нигерија славеше со 3:1, а единствениот погодок за Уганда го постигна вардаровиот напаѓач Роџерс Мато и тој погодок може да го видите ТУКА.

Освен головите, мечот го одбележа и необичниот факт дека за Уганда на овој меч бранеа дури тројца голмани. На почетокот од второто полувреме се повреди првиот голман на Уганда Денис Онјанго, па во игра на негово место влезе Салим Магула.

Сепак, Магула едвај 11 минути помина на теренот затоа што беше исклучен во 56-тата минута. Тогаш селекторот на Уганда мораше да направи нова принудна замена и во игра да го внесе и третиот голман Алионзи, кој заигра од 58-мата минтуа.

До 58-мата минута Нигерија водеше само со 1:0, но потоа брзо ја искористи бројчаната предност на теренот и постигна голови во 62-рата и во 67-мата минута за 3:0. До крајот на мечот Уганда го даде почесниот погодок.

Ливерпул пронајде засилување во Белгија и за него ќе плати 40 милиони евра

Никола Ѓуровски
-
0
Ливерпул пронајде засилување во Белгија и за него ќе плати 40 милиони евра

Ливерпул е на чекор до договор со еквадорскиот централен дефанзивец Жоел Ордонес, пренесува познатиот јужноамерикански спортски портал „Болавип“. Според нивните информации, клубот од „Енфилд“ е подготвен да му плати на Клуб Бриж околу 40 милиони евра за услугите на 21-годишниот стопер, а пет проценти од трансферната сума ќе завршат кај неговиот поранешен клуб Индепендиенте дела Вале.

За потписот на еквадорскиот репрезентативец интерес покажал и Челзи, но Сините од Лондон во меѓувреме се повлекле од трката, што го прави Ливерпул главен фаворит. Ситуацијата внимателно ја следи и Интер, но засега Црвените се најблиску до договор.

Потребата од нов централен бек е очигледна за Ливерпул, со оглед на тоа што менаџерот Арне Слот располага со ограничен број опции во одбраната, особено по тешката повреда на Џовани Леони на самиот старт од сезоната. И понатаму се шпекулира за можен трансфер на капитенот на Кристал палас, Марк Гехи, но информациите се нејасни – дали Ливерпул ќе тргне по него уште во јануари или ќе почека до налето, кога дефанзивецот би бил слободен агент.

Дополнителна неизвесност внесе и шпанскиот весник „АС“, кој објави дека Реал Мадрид не се откажал од интересот за англискиот репрезентативец, а во тој случај Гехи би можело да го преферира трансферот на „Сантијаго Бернабеу“. Во последните денови се појавија и гласини дека Манчестер сити сериозно ја следи ситуацијата и би можел да се вклучи во битката за неговиот потпис.

Брахим Дијас останува во Реал до 2030 година

Никола Ѓуровски
-
0
Брахим Дијас останува во Реал до 2030 година

Брахим Дијас ќе потпише нов договор со Реал Мадрид. Иако не е редовен стартер, Мароканецот е важен дел од тимот и ужива големо доверба кај Чаби Алонсо и претседателот Флорентино Перес.


Клубот од Мадрид одлучи да му понуди нов договор до 2030 година, а сега останува само формалното официјализирање кое ќе се случи откако фудбалерот ќе се врати од Африканскиот куп на нации.

Дијас пристигна во Реал од Манчестер сити во јануари 2019 година за 17 милиони евра, но поради потребата за натпреварувачко искуство, беше позајмен во Милан. На „Сан Сиро“ настапуваше од 2020 до 2023 година, по што се врати во Мадрид.

Во досегашниот период, на 139 натпревари, Брахим Дијас постигна 21 гол и запиша 23 асистенции. Чаби Алонсо очигледно смета дека во наредните години Дијас може да биде клучен играч, поради својата флексибилност на повеќе позиции и способноста да прави разлика дури и кога влегува од клупата.

Аморим: Нема простор за да бараме изговори

Никола Ѓуровски
-
0
Аморим: Нема простор за да бараме изговори

Менаџерот на Манчестер јунајтед, Рубен Аморим, отворено го искажа своето незадоволство по ремито 1-1 против Вулверхемптон, без да се обидува да ја разубави реалната слика од теренот.

Португалскиот стратег натпреварот го опиша како „чуден“, потенцирајќи дека неговиот тим сериозно потфрлил во квалитетот и организацијата на играта. Аморим беше особено критичен кон тактичките слабости што се појавиле во текот на целиот дуел.

„Страдавме речиси цел натпревар. Кога недостасува креативност, нема простор за изговори. Недостатокот на поврзаност меѓу линиите нè чинеше многу“, истакна тренерот на Црвените ѓаволи.

Тој додаде дека резултатот е последица на лошата игра, а не на надворешни фактори.

„Не можам да го сменам исходот и нема да барам оправдувања. Се обидовме со двајца напаѓачи, но потоа примивме гол од прекин. Играчите вложија напор, но кога не играш добро, се мачиш и со топка и без неа“, заклучи Аморим.

Слоновите и Камерунците се блиску до триумф

Никола Ѓуровски
-
0
Слоновите и Камерунците се блиску до триумф

5622 Екваторијална Гвинеја – Алжир (17 часот)
Алжир е фаворит, нема да загуби, а не се очекуваат многу голови на овој натпревар.
Предлог тип: X2 & 0-2 (1.90)

 

5623 Судан – Буркина Фасо (17 часот)
Ова е дуел на две селекции кои не се истакнуваат со голови. Затоа типуваме дека ќе има најмногу по еден гол во двете полувремиња.
Предлог тип: 0-1I&0-1II (1.64)

 

5626 Габон – Брег на Слоновата Коска (20 часот)
Брегот на Слоновата Коска е поблиску до триумф, а се очекува да постигнат најмалку два гола.
Предлог тип: 2 & T2 2+ (1.90)

 

5627 Мозамбик – Камерун (20 часот)
Камерун е фаворит, а наш предлог е и дека на мечот ќе бидат постигнати од два до пет гола.
Предлог тип: 2 & 2-5 (2.19)

 

5711 Ал Колол – Ал Хилал (18.30 часот)
Ал-Хилал речиси сигурно ќе слави победа, а типуваме дека гостите ќе постигнат три гола.
Предлог тип: 2 & T2 3+ (1.74)

Наше, а светско: Влатко Андоновски на средба со Омерагиќ (Фото)

Никола Ѓуровски
-
0
Наше, а светско: Влатко Андоновски на средба со Омерагиќ (Фото)

Македонскиот фудбалски стратег Влатко Андоновски, кој со своето знаење ја освои Америка, беше и селектор на женскиот национален тим на САД, а сега работи во Канзас сити, новогодишните празници ги искористи да се врати во родната Македонија. Тој беше учесник и на тренерскиот форум организиран од Едукативниот центар при ФФМ.

Влатко Андоновски беше на средба и со првиот човек на Фудбалската федерација на Македонија, Масар Омерагиќ.

Ова одамна не било, со двојки до супер добивки (Фото)

Златко Јуруковски
-
0
Ова одамна не било, со двојки до супер добивки (Фото)

Последниот Супер тип за 2025 година е доста необичен затоа што доминираат зголемени квоти за победи на гостинските тимови.

Од 16-те меча, дури за 13 има супер квоти како џокери ако победат тие што се во улога на гости. Но, сите тие 13 тима се фаворити на хартија и тоа ги прави доста привлечни за играње и подобрување на можната добивка на тикетите во Sport Life.

На домашните може да одиграте само на два меча од НХЛ и еден дуел од НБА-лигата.

Секако, кај фудбалските средби имате избор од пет различни варијанти, не мора да играте на конечен тип ако попривлечни ви делуваат игрите на голови или комбинација на конечен тип со број на голови.

1...789...10.321Страна 8 од 10.321

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023