26.8 C
Skopje
среда, 9 јули 2025
Дома Blog Страница 9618

Реал против Рома да докаже дека тимот не бил само Роналдо

Реал Мадрид создаде доминација каква што не се памти откако е формирана Лигата на шампиони. Кралскиот клуб три сезони по ред се искачува на европскиот трон, а вечерва ќе го започне походот кон четвртиот пехар во низа.

Првиот предизвик на мадриѓаните ќе им биде Рома. Дуелот на „Сантијаго Бернабеу“ започнува во 21 часот. Многумина ова го нарекуваат почеток на нова ера за Реал, ера без Кристијано Роналдо во составот. Предводникот на „кралевите“ во изминативе неколку сезони летово си замина и сега најтрофејниот европски клуб е пред голем тест. Треба да докаже дека играта на екипата не зависела само од Кристијано.

Освен Роналдо, во Реал го нема ниту тренерот Зинедин Зидан, кој од клупата беше предводникот во претходните три сезони. Со Зидан на чело, Реал немаше ниту една елиминација и заврши со перфектен биланс од три трофеи. На местото на Зидан дојде Хулен Лопетеги, кој е под притисок бидејќи сите очекуваат Реал да го задржи високиот ритам на игра.

Рома е тим кој минатата сезона покажа дека има потенцијал за висок дострел. „Римската волчица“ лани стигна до полуфиналето во ЛШ, каде што само за еден гол беше елиминирана од Ливерпул и не дочека финале против Реал. Римјани немаат големи промени во тимот и се очекува да покажат дека може да бидат достоен ривал на актуелниот првак, иако средбата се игра на „Сантијаго Бернабеу“.

Иако го нема Роналдо во Реал, мадриѓаните се големи фаворити и се очекува со победа да стартуваат во новата сезона. Во SPORT LIFE обложувалниците коефициентот за победа на домаќините е 1.33, додека ремито вреди 5,75. Малку веројатно е дека Рома може да направи сензација на „Сантијаго Бернабеу“, па затоа „двојката“ е со коефициент 8.00.

И Реал и Рома се познати по офанзивната игра, па се очекува гледачите да се радуваат на погодоци. Дека ќе има 0-2 голови коефициентот е 3.30, а за 4+ варијанта се дава коефициент 1.85.

ИНТЕРЕСНИ ФАКТИ

* Овие два тима досега во ЛШ се сретнале 10 пати. Реал има шест победи, Рома се радувала три пати, а еден меч завршил без победник. Гол разликата е 19:9 во корист на мадриѓани.

* Реал во дуелите со италијанските ривали има 35 победи, 11 нерешени и 26 порази, додека Рома против екипи кои доаѓаат од Шпанија на 32 средби има 11 победи, 16 порази и пет нерешени.

* Рома во елитната лига на УЕФА може да се пофали само со едно финале, додека Реал е рекордер со 13 титули.

* На „Сантијаго Бернабеу“ Реал има 34 победи во последните 42 средби. Во овој период има само два порази, и тоа од Шалке (4-3 во 2015) и минатата сезона од Јувентус (1-3).

 

Хрватска останува без ѕвездата на НБА, Богдановиќ се простува

Хрватска има минимални шанси да игра на следното Светско првенство во кошарка по двата порази, од Литванија и од Полска, а веќе се најавува вистински егзодус од повлекувања на кошаркарите.

Прва најава дојде од ѕвездата на НБА, Бојан Богдановиќ, кој вели дека не знае дали некој и воопшто ќе остане и ќе продолжи да игра.

„Ако не се случи чудо, ние практично би се вратиле на големата сцена во 2021 година за Европското првенство. Тоа е долг период и не верувам дека ќе играм повеќе за репрезентацијата. Се обидовме, но не ни одеше“, изјави Богдановиќ.

Шансите на Хрватска за пат во Кина на Мундијалот сега се само теоретски и зависат и од останатите резултати во квалификациите. За селекција со четворица играчи на НБА во составот елиминацијата е голем несупех, па Хрватите стравуваат дека многумина од сегашниот состав ќе го следат примерот на Богдановиќ и ќе се простат од настапите во репрезентацијата.

 

Мане му ја „скрши кичмата“ на Нејмар (Видео)

Ливерпул го доби дербито против Пари Сен Жермен со 3-2, а на теренот на „Енфилд роуд“ беше понижен и најскапиот фудбалер во светот, Нејмар. Бразилецот не само што не даде гол туку се покажа и како очаен во дефанзивните работи.

Во еден момент на мечот, Нејмар требаше да внимава на Садио Мане, кој беше во напад. Бразилецот не само што не успеа да го сочува противникот туку остана и со „скршена кичма“.

https://youtu.be/CsT5jNnM7IU

 

Цела „Маракана“ се поклони на шампионите од 1991 година, Панчев беше отсутен (Видео)

Црвена ѕвезда повторно е дел од фудбалска елита и дел од Лигата на шампионите. По пауза од речиси три децении, белградскиот тим играше во групната фаза од елитното натпреварување на УЕФА. На преполниот стадион „Рајко Митиќ“ домаќините успеаа да извлечат реми против фаворизираниот Наполи.

Со овој резултат, играчите на оваа генерација на Ѕвезда само покажаа дека секогаш е тешко да се победи во Белград. Пред средбата со Наполи, на теренот се појави и „златната“ генерација на Ѕвезда, која во 1991 година триумфираше во тогашниот Куп на шампионите, а на популарната „мала Маракана“ беше донесен најзначајниот клупски трофеј во Европа.

Во тој шампионски тим на Ѕвезда имаше и двајца Македонци. Илија Најдоски беше столбот во одбраната, а Дарко Панчев е играчот кој го даде решавачкиот пенал во финалето против Олимпик Марсеј во Бари. Во таа генерација беа и прославените Дејан Савичевиќ, Роберт Просинечки, Синиша Михајловиќ, Драгиша Биниќ, Рефик Шабанаџовиќ, Миодраг Белодедиќ…

На синоќешната церемонија и потсетување на трофејот од 1991 година, на стадионот во Белград се појави Најдоски, но не присуствуваше Дарко Панчев. Легендите на Ѕвезда добија овации и аплаузи, бидејќи тоа што го направија пред 27 години, засекогаш ќе се памти.

https://youtu.be/P4cL98QjAm4

Шахтар си ја најде среќата во Харков

Фудбалерите на Шахтар подолго време не можат да играа на својата „Донбас арена“ поради конфликтот во Регионот, но брзо си ја пронајдоа среќата.

По речиси тригодишните настапи на „Лвов арената“, од 2014 до 2016 година, лани се преселија во Харков и не знаат за пораз во Лигата на шампионите.

Во минатото издание на луксузното натпреварување ги добија сите четири натпревари на домашен терен, па Харков полека, но сигурно се претвора во бедем што не се освојува. Лани, Шахтар редум нанижа победи како домаќин против Наполи, Феенорд и Манчестер сити во групната фаза, а потоа ја победи и Рома во осминафиналето.

Денеска гостин на „Металист арената“ во Харков гостин ќе им биде германскиот претставник Хофенхајм, против кого Шахтар е фаворит и ќе атакува на петта победа во Лигата на шампионите во својот нов бастион.

Клоп: Пред 2-3 години ќе бевме аутсајдери против ПСЖ, сега е поинаку

Ливерпул ја продолжи победичката серија во новата сезона. По петте триумфи во Премиер лигата, синоќа „црвените“ се радуваа и во Лигата на шампионите. Во дербито на денот, Ливерпул во драматичен меч со 3-2 славеше против Пари Сен Жермен. Французите се меѓу фаворитите и за освојување на трофејот, но на „Енфилд роуд“ потклекнаа.

„Сè беше прекрасно. Игравме храбро и со многу страст. Добро се браневме и не му дозволивме на противникот да ја покаже силата. Против тим каков што е ПСЖ не може да играш со 95 отсто од силите. Мора да играш максимум за да имаш шанси да победиш. Ако овој меч се одиграше пред 2-3 години, многумина ќе кажеа дека Ливерпул е аутсајдер и дека нема да има шанси. Сега е поинаку“, вели задоволно тренерот на Ливерпул, Јирген Клоп.

Ливерпул имаше предност од 2-0, но потоа „светците“ стигнаа до 2-2 и се чинеше дека ќе биде нерешено, Сепак, во 92-рата минута Фирмино погоди за ерупција на домашните навивачи и продолжување на победничката низа на англискиот гигант.

Вардар има силен ветер во грбот против Македонија Ѓ.П. во Купот

Вардар нема пораз од Македонија Ѓорче Петров на официјален дуел повеќе од девет години и е фаворит во осминафиналниот двомеч во Националниот куп што почнува денеска.

Најтрофејниот македонски клуб според трофеите во првенството и во Купот не знае за пораз на последните осум меѓусебни дуели со Ѓорчепетровци, а од нив дури седум ги заврши како победник.

Последен пораз на Вардар од Македонија Ѓ.П. во официјален меч е на 16-ти септември 2009 година, и тоа убедлив со 0-5.

Но и тимот од населбата Ѓорче Петров си има свои адути, а триумфот на пријателскиот меч пред неполни две седмици со 3-0 им дава надеж дека имаат рецепт за подвиг. Вардар со пет титули во Купот е најтрофеен, а ривалот има една круна во Купот.

Бранителот на трофејот, Шкендија е апсолутен фаворит против второлигашот Кит-Го Пехчево, а двомечот ќе почне денеска, од 15.30 часот во Тетово.

Сите први осминафинални натпревари ќе се играат во истиот термин, денеска од 15.30 часот, а двојките се:

Вардар – Македонија Ѓ.П., Шкендија – Кит-Го Пехчево, Пелистер – Беласица, Гостивар – Победа, Тиквеш – Работнички, Скопје – Силекс и Брегалница – Академија Пандев. Кораб е слободен и ќе игра во четврт-финалето на купот. 

Анчелоти: Ставив и трет напаѓач, ама залудно

Наполи не ја оправда фаворитската улога во дуелот со Црвена ѕвезда. Гостите во текот на целиот меч беа подобри, но никако не успеаја да го скршат отпорот на домаќините. Наполи ја погоди пречката, имаше шанси за гол, но Ѕвезда во сите ситуации се одбрани.

„Испуштивме два бода во една многу тешка група. Сепак, има уште пет кола до крајот на групната фаза. Го контролиравме мечот, во вториот дел ставив и трет напаѓач, но залудно беше и тоа“, рече Анчелоти, кој не заборави да додаде дека атмосферата на стадионот била вистинска европска атмосфера.

По ова реми, Наполи сега ќе мора да коригира во дуелите со директните ривали за првите две места – Ливерпул и Пари Сен Жермен.

Ливерпул со најдобар старт во последните 57 години

Ливерпул го победи Пари Сен Жермен и стигна до три бода во Лигата на шампионите. Овој триумф има поголемо значење ако се знае дека гигантот од „Енфилд роуд“ стигна до шестата победа по ред откако е започната новата сезона.

Ваков победнички старт во Ливерпул не паметат цели 57 години. Последен пат навивачите се радувале на шест победи по ред, на стартот од сезоната, во далечната 1961 година. Оттогаш поминале многу генерации на играчи во Ливерпул и никој не победил на сите шест меча по ред.

Ливерпул има пет победи во Премиер лигата и го дели првото место заедно со Челзи, а сега се радуваше и во Лигата на шампионите. Едноставно, избраниците на менаџерот Јирген Клоп покажуваат дека имаат победнички карактер, што се покажа и на дуелот против ПСЖ.

Роберто Фирмино во судиското надополнување даде гол за радост и триумф од 3-2.

На ваква атмосфера не може да се загуби (Видео)

Црвена ѕвезда успеа да се одбрани и да остане непоразена во дуелот против Наполи, во првото коло од Лигата на шампионите. Некогашниот европски првак за прв пат по 26 години се врати во групната фаза од елитната лига и покажа дека заслужено е таму.

Стадионот „Рајко Митиќ“ беше исполнет до последното место, а навивачите во текот на сите 90 минути даваа беспрекорна поддршка за „црвено-белите“. Посебно убаво беше да се види кореографијата и атмосферата која Делиите ја направија пред почетокот на средбата.