24.8 C
Skopje
четврток, 10 јули 2025
Дома Blog Страница 9657

Бекам сака Роналдо да дојде во Интер Мајами

Test User
-
0

Дали е можно нова сензација поврзана со Португалецот

Ретко кој очекуваше дека Кристијано Роналдо ќе си замине од Реал Мадрид, но тоа сепак се случи. Португалецот го напушти „Сантијаго Бернабеу“ и потпиша тригодишен договор со Јувентус. Најтрофејниот италијански клуб го направи Роналдо убедливо најплатен фудбалер во историјата на Серија А.

Роналдо е доведен во Јувентус за да му помогне на клубот да стигне до титулата во Лигата на шампионите. Ако тоа се случи и пред истекот на трите години од договорот, можно е Роналдо да си замине од Јувентус.

Како следен нов клуб на Кристијано се споменува Интер од Мајами. Тоа е клубот чиј сопственик е Дејвид Бекам. Некогашниот англиски репрезентативец го промовираше логото на својот тим кој ќе почне да се натпреварува во 2020 година. Како прва желба на Бекам е во екипата да биде доведен Кристијано Роналдо. Португалецот тогаш ќе има 35 години и само уште една година од договорот со Јувентус. Италијанскиот тим би го продал Роналдо, за да може да добие и пари од Португалецот.

Покрај Роналдо, на листата на желби на Бекам се и Вејн Руни, Радамел Фалкао и Џејмс Милнер.

Еве како Македонија може да игра на ЕП 2020 преку Лигата на Нации

Test User
-
0

Новото натпреварување дава досега најголема шанса и за селекциите кои секогаш биле аутсајдери

Револуционерното ново натпреварување на Европската фудбалска федерација (УЕФА), Лигата на Нации започнува денеска. УЕФА реши да ги укине пријателските средби и на нивно место да ја создаде оваа Лига на Нации, во која ќе учествуваат сите 55 земји членки на континенталната федерација.

Репрезентациите се поделени во 4 посебни лиги, во зависност од рејтингот. Во А лигата се најдобро рангираните 12 селекции: Холандија, Франција, Германија, Исланд, Швајцарија, Белгија, Полска, Италија, Португалија, Хрватска, Англија и Шпанија.

Потоа следат 12 селекции во Лига Б, која е втора по квалитет. Во Лига Ц се наоѓаат националните тимови кои се од 25 до 39 место на УЕФА листата. Последна по квалитет е Лигата Д. Токму во таа лига е и Македонија. Нашата селекција е во група со Ерменија, Лихтенштајн и Гибралтар. Покрај оваа група, има уште три други групи со по четири селекции.
Прашање е како Македонија може да се надева на пласман ан Европското првенство во 2020 година и тоа преку Лигата на Нации? Македонската репрезентација треба да го освои првото место во својата група и на тој начин да го помине првиот филтер за пласман на континенталниот собир.

Ако Македонија биде прва во својата група, ќе влезе во борба со останатите три селекции кои би биле првопласирани во своите групи. Ќе се игра полуфинале, а победниците ќе се пласираат во финалето. Е тој меч, финалето во Д лигата, всушност ќе биде дуелот кој ќе носи пласман на ЕП 2020. Значи, најдобрата репрезентација во Д лигата ќе добие право да игра на завршницата на Европското првенство, без да се мачи во квалификациите.

Македонија е еден од фаворитите за најдобар пласман во Д лигата. Походот на „црвено-жолтите“ ќе започне вечерва и тоа на гостувањето кај Гибралтар. Избраниците на селекторот Игор Ангеловски се апсолутни фаворити за освојување на првите три бода.

Мечот меѓу Гибралтар и Македонија започнува во 20:45 часот.

Синовите на Шекил О’Нил и Леброн Џејмс играат за ист тим

Test User
-
0

Средношколскиот тим на Санта Моника ќе биде во центарот на вниманието

Шекил О’Нил и Леброн Џејмс дефинитивно се меѓу најдобрите кошаркари во историјата на НБА лигата. Тешкиот центар О’Нил веќе е во пензија, додека Џејмс во новата сезона ќе игра за Лос Анџелес Лејкерс.

Двајцата кошаркари имаат свои наследници, а интересно е што во новата средношколска сезона, екипата на Санта Моника во своите редови ќе ги има синовите на Шекил и Леброн. Шакир О’Нил е 15-годишен кошаркар, додека Леброн Џејмс Џуниор има 14 години и е наследникот на ѕвездата која уште блеска.

На двајцата тинејџери им се предвидуваат блескави кариери и се очекува за неколку години тие да бидат главни во НБА лигата. Шакир има помош бидејќи го тренира и Коби Брајант, додека Леброн самиот се вложува и се обидува од синот да направи негов вистински наследник.

Спектакл во најава: Мегапресметка на двата последни светски шампиони

Test User
-
0

Германија – Франција е најзвучниот дуел за денешната програма од Лигата на нациите

Лигата на нациите не можеше да започне со подобар натпревар, веќе на отворањето на новото меѓународно првенство ќе се судрат двата последни светски прваци, актуелниот шампион Франција и шампионот од 2014 година, Германија. На „Алијанц арената“ во Минхен, „панцерите“ ги пречекуваат „триколорите“, неспорно е дека нѐ очекува спектакл во обид да се стигне до првите бодови во новото натпреварување.

Во таборот на француската репрезентација одамна е заборавен успехот од Русија, Гриезман, Мбапе, Погба и останатите сакаат да продолжат со исто темпо и натаму да редат позитивни резултати, воедно и да ја продолжат низата од 11 меча без пораз во сите конкуренции.

За Германците е сосема друга приказна, по дебаклот и раната елиминација во Русија, Јоахим Лев мора што побрзо да ги закрепне фудбалерите и да ги врати на победнички патеки, а задачата ќе биде многу потешка, со оглед на фактот дека играат против силната Франција.

Во меѓусебна пресметка, Германија последен пат славеше над Франција на СП во Бразил, во четврт-финалето со минимални 1-0. Оттогаш се сретнаа уште три пати, двете пријателски средби завршија со реми од 2-2, односно тирумф на Франција со 2-0, додека третиот, и најважниот меч, исто така припадна на „триколорите“, во полуфиналето на ЕП 2016 Франција славеше со 2-0.

Овој дуел за денес е најиграниот пар во нашите обложувалници, коефициентот за „кец“ на Германија е 2.45, за победа на Франција е 2.88, додека за реми е 3.30. Знаејќи го квалитетот на двете селекции, очекувано е да се тресат и двете мрежи, па за типот ГГ3+ ви нудиме квота 2.22.

Лапровитола: Димитријевиќ има големо кошаркарско знаење

Test User
-
0

Првиот плеј на Хувентуд со пофални и охрабрувачки зборови за Македонецот

Стартниот плејмејкер на Хувентуд, искусниот Аргентинец Нико Лапровитола, смета дека неговата резерва Ненад Димитријевиќ е важен играч во ротацијата на екипата.

Димитријевиќ веќе трета сезона ќе биде во првиот тим на Хувентуд и само со 20 години има искуство од играње во шпанската лига, која заедно со турската се најсилни во Европа. Од друга страна, конкуренцијата во тимот му е многу силна, па тешко му оди зголемувањето на минутажата.

„Нено во претстојната сезона ќе игра повеќе и се надевам дека ќе биде од помош за екипата. Јас сум тука да му помогнам да стане уште подобар играч. Тој е момче кое слуша совети, треба малку да го туркаме напред, но вистината е дека има познавање и многу кошарка во неговите раце, знае да игра. Сите треба да придонесуваме за тимот. Во минатата сезона јас имав многу голема минутажа, затоа важно е сега Нено кога ќе биде на терен, квалитетно да придонесува за екипата“, изјави Лапровитола.

Холивудската авантура на Ибрахимовиќ кратко траеше

Test User
-
0

Швеѓанецот пред преселба во нов клуб, ќе игра во земјата на Салах

Златан Ибрахимовиќ не застанува со смената на клубови. Славниот Швеѓанец може предвреме да ја заврши авантурата во Лос Анџелес, откако на негова адреса пристигнала милионска понуда од египетскиот клуб Пирамиди.

Наводно, сопственикот кој го поседува овој клуб, милијардерот Турки Aл-Шеик, му нуди богатство на Ибра за да заигра во Египет, иако засега не е позната понудата. Договорот на Златан со ЛА галакси важи до 2020 година, но неговото „владеење“ во МЛС-лигата може да заврши многу порано од очекуваното.

Обврските со клубот му завршуваат во декември, кога завршува првенството во САД, а тогаш најверојатно ќе преговара околу понудата од Египет. Засега успешно го прави она за коешто дојде во САД, редовно ја радува публиката на Галакси, а досега брои 16 погодоци на 21 настапи.

Ибрахимовиќ во кариерата играше за: Малме, Ајакс, Јувентус, Интер, Барселона, Милан, ПСЖ и Манчестер јунајтед.

Македонија е великан за малиот Гибралтар

Test User
-
0

Mакедонија денес гостува кај Гибралтар во рамките од првото коло во Лигата на нациите. Составот на Игор Ангеловски е апсолутен фаворит против малата земја која во фудбалскиот свет сè уште чека некаков позитивен исход.

Статистиката е на наша страна, Македонија цела една година нема пораз (последен од Шпанија со 1-2, на 11-ти јуни 2017), или поточно десет меча. Меѓу овие десет натпревари се бројат и петте успешни гостувања, Македонија на пет меча надвор од дома бележи две победи и три реми. Селекторот Ангеловски на теренот ќе ги пушти единаесеттемина најдобри кои му се на располагање, без разлика што сме фаворити на хартија, тоа треба да го потврдиме и на теренот.

Денешните домаќини не можат да се пофалат со статистика како нашата. Всушност, Гибралтар досега нема освоено ниту бод на квалификациските натпревари од европски и светски рамки. Имаат 20 порази на исто толку одиграни мечеви, со катастрофална гол-разлика, 103 примени и само пет постигнати голови. Во составот се со само еден професионален фудбалер, Лијам Вокер, од каде што доаѓа и најголемата опасност кон нашиот гол.

Натпреварот е закажан за вечерва, со почеток од 20.45 часот, а се очекува стадионот „Викторија“ да биде исполнет до последното место, арената која собира само 2.000 посетители.

Дека Македонија е апсолутен фаворит, говори и самиот коефициент според нашата понуда, за „двојка“ е 1.10, за победа на Гибралтар коефициентот е 40, за реми 11. За типстерите кои очекуваат да има повеќе голови на овој меч нудиме квота од 1.45 за 3+, односно 2.15 за 4+.

На „Џузепе Меаца“ ќе нема игла каде да падне

Test User
-
0

За дуелот од ЛШ помеѓу Интер и Тотенхем продадени се 60.000 билети, а наскоро бројката ќе дојде и до 70 илјади

Навивачка треска ги фати навивачите на Интер од Милано, кои за првиот домашен меч од Лигата на шампионите, на 18-ти септември со Тотенхем, ќе го исполнат стадионот „Џузепе Меаца“ можеби до последно место.

Од клубот објавија дека по првиот ден на продажбата, продадени се дури 60.000 билети, а според интензитетот на продажбата, наскоро бројката ќе дојде и до 70 илјади.

Слободни места може да се најдат само зад едниот гол, и тоа во највисокиот прстен од трибините на стадионот, како и во првите редови од централните трибини.

Поранешниот европски првак Интер шест и пол години не играл во Лигата на шампионите, па фановите со нетрпение го исчекуваат камбекот во елитното друштво. Интер е во една од најсилните групи во ЛШ, заедно со Барселона, Тотенхем и ПСВ Ајндховен. Сигурно е дека одлична посета ќе има и кога Барса и ПСВ ќе гостуваат во Милано, но за 12 дена против лондонскиот тим сигурно атмосферата ќе биде пеколна.

Земјотресот го откажа дуелот Јапонија-Чиле

Test User
-
0

Пријателската средба требаше да се игра утре, од 13 часот

Националните тимови на Јапонија и Чиле ќе треба да почекаат до некоја наредна прилика за да го одиграат својот меѓусебен пријателски меч. Дуелот кој требаше да се игра утре, од 13 часот по македонско време, беше откажан поради силниот земјотрес во Јапонија, кој зеде 9 човечки животи, а околу 40 лица се водат за исчезнати.

Средбата требаше да се игра во Сапоро, град кој е само на 65 километри од регионот на островот Хокаидо, кој беше погоден од земјотресот со јачина од 6,7 степени по Рихтеровата скала.

Јапонската фудбалска федерација реагираше експресно, одлучи дека безбедноста на фудбалерите и делегациите на двата тима е најважна бидејќи регионот е во непредвидлива состојба, постои опасност од нови потреси, па решено е да не се игра контролата со Чилеанците.

Јапонците имаат проблем и со смртоносниот тајфун, најсилен во последните 25 години. Дебито на новиот селектор Хаџиме Моријасу се очекува на 11-ти септември, против Костарика во Осака.

Фудбалот стана забава за клупските сопственици

Test User
-
0

Газдата на Олимпијакос, кој воедно го поседува и англискиот второлигаш Нотингaм форест, најде „дупка“ во фудбалските закони за трансфери

 

Грчкиот фудбалер Панајотис Тахцидис, кој до неодамна беше член на Oлимпијакос, се најде во несекојдневна ситуација на трансфер-пазарот откако неговата преселба во Англија беше изманипулирана од страна на газдата на двата клубa.

Имено, милионерот Евангелос Маринакис сакал да доведе играч од неговиот Олимпијакос во својот втор тим кој го поседува, Нотингaм форест, но ангажманот не се реализирал навреме поради завршувањето на трансфер-пазарот во Англија. Но, Маринакис по секоја цена сакал да го реализира овој „дил“, па направил нешто што никој досега не се сетил да направи. Тој го отпуштил Тахцсидис од редовите на грчкиот тим и како слободен играч го ангажирал во тимот кој се натпреварува во втората англиска лига.

Просто речено, Маринакис пронашол „дупка“ во законите на УЕФА, односно ФИФА, и на крајот си го истерал планот на своето. Ова е знак дека фудбалот секојдневно сѐ повеќе станува забава и рекреација на милионерите.

1...9.6569.6579.6589.659Страна 9.657 од 9.659

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023