Без наслов - Страница 9857

Второ реми во низа за ПСЖ

Томас Ѓорѓиевски

-

05.12.2018

По Бордо, и Стразбур го спречи залетаниот ПСЖ, последната средба од 16-тото коло во Лига 1 заврши со конечни 1-1. Томас Тухел повторно излезе со состав во кој недостасуваше Нејмар, додека Мбапе од клупа чекаше шанса да заигра.

Домаќините поведоа преку Лара, кој беше прецизен од белата точка во 41-вата минута. ПСЖ притискаше за брзо да се врати во игра, па судијата и ним им додели најстрога казна. Кавани во 71-та минута израмни на 1-1. Ниту влегувањето на Мбапе не му донесе три бода на францускиот првак, а во финишот од мечот можеа да претрпат дебакл, меѓутоа голот на Стразбур беше нерегуларен, па резултатот остана непроменет.

ПСЖ по 16 средби во Лига 1 има огормна предност во однос на второпласираниот Лил, кој има 30 бода, додека „светците“ имаат 14 повеќе од нив.

Трилер на „Олд трафорд“ – Јунајтед и Арсенал ги поделија бодовите

Томас Ѓорѓиевски

-

05.12.2018

0

Манчестер јунајтед и Арсенал ремизираа при конечни 2-2 во дербито од 15-тото коло во Премиер лигата. „Топчиите“ дојдоа на „Олд трафорд“ со голема самодоверба по убедливиот триумф над градскиот ривал Тотенхем (4-2), па посакуваа да освојат и три бода против избраниците на Жозе Мурињо.

Мустафи ја отвори средбата во 26-тата минута, меѓутоа Марсијал само четири минути подоцна ги врати „црвените ѓаволи“ во игра.

Резултатот стоеше 1-1 до 68-та минута, а Лаказет набрзо по неговото влегување во игра му донесе нова предност на Арсенал, но гостинските фудбалери не стигнаа да го прослават голот бидејќи Јунајтед израмни уште во првиот напад по примениот гол. Лингард ја казни катастрофалната грешка на Колашинац.

Тотенхем лесно го совлада Саутхемптон со 3-1, екипата која пред неколку дена остана без менаџерот Марк Хјуз. Предност на „петлите“ им донесе Кејн во деветтата минута, додека Лукас и Сон погодија во почетните 10 минути од второто полувреме. Гостите преку Остин стигнаа до почесен гол во последната минута од судиското надополнување.

Ливерпул му ја сврте на Барнли, „волците“ го шокираа Челзи

Томас Ѓорѓиевски

-

05.12.2018

0

Ливерпул со 3-1 славеше на гостувањето кај Барнли во мечот од рамките на 15-тото коло во Премиер лигата. „Црвените“ на Јирген Клоп беа во незавидна ситуација по стартот на второто полувреме. Домаќините поведоа со 1-0, по грешката на Алисон, мрежата ја стресе Корк.

Но, еуфоријата траеше само осум минути бидејќи Милнер со одличен удар од далечина израмни. Во 69-тата минута Фирмино го комплетираше пресвртот, a за конечни 3-1 погоди Шаќири во финишот на мечот, за 12-ти триумф на Ливерпул по 15 средби во англискиот шампионат.

Вулверхемптон го шокираше Челзи на „Молину“ со конечни 2-1. Избраниците на Маурисио Сари по првите 45 минути го имаа резултатот во своја корист, за водство од 1-0 погоди Лофтус-Чик. Сепак, вториот дел целосно им припадна на домаќините. Хименес во 59-тата минута го израмни резултатот, а Јота само по четири минути го совлада Кепа за комплетен пресврт на мечот.

Евертон и Њукасл ремизираа при конечни 1-1, додека Фулам и Лестер со идентичен резултат ја одиграа средбата на „Крејвен котиџ“.

Вилјареал броеше до осум, Екамби сам даде четири гола

Томас Ѓорѓиевски

-

05.12.2018

0

Вилјареал со огромни 8-0 го делкасираше второлигашот Алмерија за пласман во следната рунда од Кралскиот куп. „Жолтата подморница“ беше предводена од Токо Екамби, кој реализираше четири од шесте погодоци на домаќинот.

Голгетерот реализираше хет-трик само за 13 минути. Неговото шоу почна од 23-тата минута, а веќе во 36-тата погоди за убедливи 3-0. Бака пред крајот на полувремето зголеми на 4-0, а со почетокот на вториот дел Екамби по четврти пат ја затресе мрежата.

Жерар Морено го замени Екамби на помалку од 25 минути пред крајот на средбата, па и тој се запиша во листата на стрелците, пред Бака од пенал да зголеми на 7-0. Конечниот резултат го постави Раба во финишот на средбата.

Севилја со минимални 1-0 против нисколигашот Вилановенсе се пласираше меѓу 16-те најдобри екипи во Кралскиот куп. Победата ја донесе Андре Силва во 49-тата минута, откако напаѓачот не погоди пенал, а одбиената топка ја смести зад грбот на голманот на гостите.

Реал Сосиедад со сигурни 2-0 ја елиминираше Селта Виго, откако по првата средба резултатот гласеше 1-1. Ојарзабал и Јанузај погодија за сигурната предност на домаќините веќе по 30 минути игра, што беше доволно за Сосиедад да се пласира во следната рунда.

Де Хеа со еден од најголемите киксови во кариерата (Видео)

Трајан Маневски

-

05.12.2018

0

Манчестер јунајтед и Арсенал уште во првото полувреме си дадоа по еден гол, со што се потврди дека дуелот на „Олд Трафорд“ ќе биде интересен. Арсенал поведе, и тоа најмногу благодарение на киксот на голманот на домаќините, Давид де Хеа.

Еден од најдобрите голмани во светот, кој е и голема желба на Реал Мадрид, направи почетничка грешка. Една топка која требаше да биде лесна за бранење, тој ја испушти и заврши неколку милиметри зад гол-линијата и интервенцијата на Ерера беше задоцнета. Судијата благодарение на гол-технологијата покажа дека тоа е погодок за Арсенал.

https://twitter.com/samdixon013/status/1070414746711715840

Сепак, за да продолжи традицијата, а тоа е дека Арсенал сезонава ниту еднаш не водеше на полувремето, се погрижи Марсијал, кој израмни во 30-тата минута, односно само четири минути по погодокот на гостите.

„Минималец“ за Вардар против Металург

Златко Јуруковски

-

05.12.2018

0

Вардар славеше како гостин против Металург со 27:26 во СЕХА-лигата и со новите три бода го зазеде првото место на табелата во ова регионално натпреварување, со еднаков број бодови како ППД Загреб.

Вардарци добро го отворија натпреварот и предводени од расположениот Дисингер, поведоа со 8-4. Но, тука подзастанаа и домашните направија убава серија од 9-3 за предност од 13-11 по првото полувреме.

Хроничен проблем на Металург е второто полувреме, но овојпат момците на тренерот Брестовац добро се држеа, подолго од вообичаеното. Веројатно за тоа придонесе големата мотивација која ја имаа. Кај Металург добро бранеше Даниловски, во тие воведни минути од вториот дел во нападот се истакна Стојановиќ, па во 36-тата минута Металург водеше со 16-12, а Парондо повика тајмаут за да им порача на своите играчи да бидат поцврсти.

Вардар почна да ја намалува негативата, дури и поведе со разлика од два гола на пет минути до крајот. Металург изедначи, се играше гол за гол, а последниот напад го имаа домашните, но шутот на Шпенде заврши покрај стативата на голот на гостите.

Вардар во СЕХА пет години не знае за пораз од Металург. Триото Криштопанс, Дисингер и Чупиќ со по 5 гола беа најефикасни кај Вардар, Скубе даде 4 и заедно со 17-годишниот голман Марко Кизиќ, кој имаше 14 одбрани, беа творци на победата. Кај Металург, Даниловски имаше девет одбрани, а Шпенде даде 6 гола од 14 шута, но не го погоди оној најважниот со којшто можеше да му донесе бод на Металург.

Атлетико без грешка до осминафиналето на Кралскиот куп

Томас Ѓорѓиевски

-

05.12.2018

0

Атлетико Мадрид со 4-0 (вкупно 5-0 по двете средби) го совлада нисколигашот Сант Андреу за пласман меѓу 16-те најдобри екипи во Кралскиот куп. „Јорганџиите“ сите четири погодоци ги реализираа во второто полувреме, а по еднаш погодуваа Лемар, Калиниќ, Кореа и Витоло.

Жирона со конечни 2-1 го елиминираше тимот на Алавес, откако по првата средба резултатот гласеше 2-2. Гостите поведоа во 62-рата минута благодарение на автоголот на Алкала, а потоа за пет минути Жирона успеа да направи пресврт.

Во 74-тата минута израмни Гранел, додека Порту во 79-тата минута стрелаше за 2-1 и го однесе својот тим во осминафиналето на Кралскиот куп.

Марсеј два пати водеше и пак загуби, Рен го изненади Лион

Томас Ѓорѓиевски

-

05.12.2018

0

Марсеј со конечни 3-2 загуби на гости кај Нант, во мечот од рамките на 16-тото коло во Лига 1. Ибзраниците на Руди Гарсија во два наврати реализираа голови за водство, но на крајот сепак останаа со празни раце.

Сансон им донесе предност на гостите во 28-мата минута, меѓутоа радоста им траеше само две минути бидејќи Сала набрзо потоа израмни на 1-1. Во 36-тата минута беше досуден пенал во корист на Марсеј, Тован го реализираше, а домаќините пред финишот на полувремето одново се вратија резултатски, овојпат преку Туре. Со голот на Бошила во 64-тата минута Нант успеа да направи целосен пресврт, а воедно да им го нанесе шестиот овосезонски пораз на Марсеј во францускиот шампионат.

Лион пред своја публика беше шокиран од Рен со конечни 2-0. „Лавовите“ немаа одговор за расположените Бен Арфа и Сиебатчу, кои реализираа по еден гол во рок од две минути, во 41-вата и во 43-тата минута.

За Лион ова е четврти пораз сезонава, испуштија голема шанса да се вратат на втората позиција на табелата, со 28 бода засега остануваат на четвртото место, со два бода разлика зад второпласираниот Лил, односно еден бод зад третопласираниот Монпелје.

Резултати Лига 1 16. коло:

Лион – Рен 0-2

Нант – Марсеј 3-2

Каен – Ним 1-2

Дижон – Гингам 2-1

Реим – Тулуз 0-1

Бордо – Сент Етјен 3-2

Стразбур – ПСЖ 21 часот

На Мундијалот во Катар ќе се игра фудбал од утро до мрак

Трајан Маневски

-

05.12.2018

0

Иако има уште точно четири години до стартот на Светското првенство во Катар, организаторот не остава многу работи на случајност. Овој Мундијал ќе биде посебен, бидејќи за првпат планетарниот собир ќе биде во зима. Според распоредот, ноември и декември во 2022 година ќе биде резервирани за Катар и за светските фудбалски возбудувања.

Катар реши сите стадиони да бидат целосно новоизградени, а сите ќе бидат во растојание од нецели 70 километри. Според шпекулациите кои се појавија, на Мундијалот во Катар ќе има целодневна фудбалска возбуда. Ќе има по четири меча на ден, а првиот ќе биде во термин од 11 часот по македонско време. Следните мечеви би започнувале во 14, 16 и 20 часот.

„Веруваме дека ова ќе биде посебно Светско првенство. Играчите ќе бидат во форма и ќе бидат многу поодморни. Плус првенството нема да трае повеќе од 28 дена“, вели потпретседателот на ФИФА, Џим Бојс.

Страшна повреда на Невен Суботиќ (Видео)

Трајан Маневски

-

05.12.2018

0

Невен Суботиќ, дефанзивецот на Сент Етјен, доживеа тешка повреда во првото полувреме на мечот против Бордо. Во првите 45 минути двете екипи дадоа по еден гол, но сè остана во сенка на повредата на Суботиќ.

Централниот дефанзивец сакаше да расчисти една ситуација од пред својот гол кога на него налета голманот на Сент Етјен и со колено го удри директно во главата и го нокаутираше.

Веднаш во теренот втрча лекарската екипа, а по лицето на српскиот фудбалер се разлеа крв. По неколкуминутна интервенција, Суботиќ беше пренесен во болница, каде што се надеваме дека сè ќе биде во ред со него.

https://twitter.com/brfootball/status/1070389986468352000