Без наслов - Страница 9856

Селекциите до 19 и 17 години со тежок пат до ЕП 2020

-

06.12.2018

Македонската репрезентација за фудбалери до 19 години се најде во групата 11 заедно со Англија, Босна и Херцеговина и Луксембург во квалификациската рунда за Европското првенство 2020 година.

Натпреварите од турнирот ќе се одиграат во периодот од 13-ти до 19-ти ноември 2019 година во нашата земја. Првопласираните две репрезентации од секоја група и една најдобро третопласирана ќе се пласираат во елитната рунда чии мечеви ќе се играат во пролетта 2020 година.

Нашата репрезентација за играчи до 17 години е во групата 1 заедно со Полска, Белгија и Лихтенштајн во квалификациската рунда за ЕП 2020. Натпреварите ќе се одиграат од 9-ти до 15-ти ноември 2019. година, а домаќин на турнирот ќе биде Полска.

Ден за комбинирање фудбал и кошаркарска Евролига

Златко Јуруковски

-

06.12.2018

0

Ден за комбинирање фудбал и кошаркарска Евролига

По вчерашниот ден кога имаше Премиер лига, овојпат имаме ден во кој доминираат дуели од куповите или првенствата во неколку земји каде што се игра квалитетен фудбал, па тука се и предложените квоти на денот од SPORT LIFE. Ние ви даваме уште два евролигашки предлози за денеска, со мини-анализи за тоа што мислиме дека треба да се прогнозира.

Уеска – Атлетик Билбао (18.30 часот)

Атлетик го доби првиот меч со 4-0 и тоа е капитална предност која славниот баскиски клуб не смее да ја испушти. Тешко може да се верува дека Уеска ќе успее да извојува каква било победа. „Фенерџијата“ во Ла Лига за неколку дена го пречекува Реал Мадрид и тој меч му е поважен од овој, бидејќи е на чекор од елиминација.

Предлог тип: Х2 & ГГ (2.50)

Феенорд – ВВВ Венло (20.00 часот)

Тимот од Ротердам има три победи по ред, од кои едната над дотогаш непоразениот ПСВ, па ја има улогата фаворит. Венло, кој игра променливо, нема што да бара, а Феенорд со победа би дошол на пет бода негатива во однос на вториот Ајакс. Но, како предупредување, во минатата сезона Венло освои 4 бода во двата меѓусебни дуели со Феенорд.

Предлог тип: Т1 1+ I & Т1 3+ (2.25)

Торино – Судтирол (20.45 часот)

„Биковите“ од Торино го пречекуваат тимот од планинската област Алто Адиџе, но „Јужен Тирол“ е аутсајдер во оваа пресметка и само прашање е колку гола ќе прими. Судтирол е тим од Серија Ц, група Б. И таму не им цветаат розите. И Торино игра променливо, но разликата во квалитет е голема и фаворитот не би смеел да се задоволи со минимална победа.

Предлог тип: Т1 3-5 (2.40)

Жалгирис – Олимпијакос (19.00 часот)

Олимпијакос врза три победи по ред, една од жртвите му беше и Реал Мадрид, а Жалгирис по серијата болни и тесни порази, славеше против Милано и си го врати позитивното расположение. Ова би требало да биде неизвесен дуел, како што беше неизвесно и во плејофот во минатата сезона кога се одлучуваше патникот на фајнал форот. Грците се единствениот тим кој сезонава имаше и три победи и три порази.

Предлог тип: 1 пол. (1.85)

Будуќност – Барселона (19.00 часот)

По победите над Басконија и ЦСКА, кога шутираа тројки „како луди“, веќе никој не го потценува Будуќност. Ова ќе биде надмудрување на двајца српски стручњаци. Веројатно и Барса ќе се мачи во Подгорица. Каталонците на гости имаат 3-3, и по 18 години, првпат се среќаваат со Будуќност (тогаш Барселона победи, а најдобар играч беше Пау Гасол). Барселона има 6-1 кога дава над 75 поени.

Предлог тип: <155.5 (1.90)

Поранешен „езерџија“ ќе го води женскиот тим на Лос Анџелес

Томас Ѓорѓиевски

-

06.12.2018

0

Екскошаркарот на ЛА лејкерс, Дерек Фишер, своето кошаркарско знаење ќе го пренесе во ВНБА откако ја презеде клупата на Лос Анџелес спаркс. Петрактниот шампион на НБА без многу успех ја помина својта прва авантува во НБА како тренер на Њујорк никс, па се одлучи да ја искористи добиената шанса во женската лига на НБА.

Фишер добро го познава овој тим, имајќи предвид дека долг период од својата кошаркарска кариера ја помина во редовите на Лејкерс. Фишер доаѓа на местото на Брајан Англер, тренерот кој им ја донесе шампионската титула на Спаркс во 2016 година, а пред еден месец го напушти кормилото.

Четириесет и четиригодишниот стратег не е единствениот порашенен играч на НБА кој предводи тим во ВНБА. Бил Лембир, екскошаркар на Кливленд и Детроит, е тренер на најновата франшиза во ВНБА, Лас Вегас ејсес.

Спортска прогноза: Севилја не си поминува добро на „Месталја“

Златко Јуруковски

-

06.12.2018

0

Севилја во минатото коло одигра нерешено на гостувањето кај Алавес и го загуби лидерството на табелата во шпанската Примера, а сега повторно е исправена пред сериозен тест. Иако Валенсија е само 14-та на табелата по 14 одиграни кола, станува збор за тим кој учествува во Лигата на шампионите и никој не смее да ја потцени, особено кога игра на „Месталја“.

По 14 меча, Валенсија има дури осум нерешени резултати и гол-разлика 11-11. Но, во последните четири кола ниту еднаш не одигра нерешено, последното освојување на бод го имаше на 27-ми октомври.

Кај Севилја, ситуацијата е поинаква. Има осум победи, а сами три ремија (само Реал Мадрид има помалку нерешени), па затоа е втора на табелата. Последниот лигашки пораз ѝ беше на 20-ти октомври, на гости кај Барселона.

Традицијата во меѓусебните дуели ја фаворизира Валенсија. Последната гостинска победа на Севилја на „Месталја“ датира од февруари 2012 година. Во минатата сезона, Валенсија славеше двапати, со вкупна гол-разлика од 6:0. Севилја две години нема дадено гол против Валенсија.

Понудата за ова коло е составена од 12 меча од петте земји со највалитетен клупски фудбал во Европа. Сите играчи на Спортска прогноза ќе имаат можност да прогнозираат до почетокот на средбата Барнли – Брајтон, кој се игра во сабота, од 16 часот. Во понеделник ќе се знае дали ќе има прогнозер(и) со погодени 12 парови и ќе станат први добитници на главната наградам телефон „самсунг А6“.

Секако, ќе има и вредносни ваучери за сите кои до крајот на викендот ќе погодат 11, 10 или 9 парови на СПОРТСКА ПРОГНОЗА.

По успешната прогноза ќе ви се прикажат вашите типувања. Сите прогнози за тековното коло, вклучувајќи ја и вашата, можете да ги погледнете тука.

Навивачите на Ривер во 5.30 часот го пречекаа тимот во Мадрид

Златко Јуруковски

-

06.12.2018

0

Екипата на Ривер плате пристигна на аеродромот во Мадрид во 5.27 часот, но иако беше рано наутро, тоа не беше пречка за десетици навивачи на клубот да им приредат дочек на фудбалерите кои во недела вечерта ќе водат битка со Бока јуниорс за титулата во Копа Либертадорес.

Играчите на Ривер кога пристигнаа во Мадрид, температурата беше само 3 степени, а улиците беа празни. Но кога слетаа, на аеродромот Барахас имаше околу 40 нивни фанови со дресови и знамиња, кои со песни им порачаа дека очекуваат победа.

„Во недела, каква и да е цената, мора да победиме“, пееја навивачите кои навиваа и пред хотелот.

По одморот од неколку часа, тимот на Ривер попладне ќе тренира во тренинг-центарот на Реал Мадрид. Фудбалерите на Бока од вчера се во Мадрид.

Мурињо во свој стил: Дадовме четири гола, а конечниот исход е 2-2

Томас Ѓорѓиевски

-

06.12.2018

0

Дербито помеѓу Манчестер јунајтед и Арсенал на „Олд Трафорд“ не донесе победник. Двете екипи ремизираа со 2-2, головите се постигнуваа по катастрофални грешки и на двете одбрани, а Мурињо смета дека неговите играчи ги постигнаа погодоците на „топчиите“.

„Постигнавме четири гола, а мечот заврши 2-2. Како и секогаш, направивме грешки и ја плативме цената за тоа. И на овој меч беше така, но благодарение на тимскиот дух и борбеноста на играчите, се вративме во игра. Игравме до самата граница на нашите можности, играчите по завршувањето на мечот беа тотално исцрпени. Арсенал беше опасен само кога ја губевме топката во опасна зона, дури и на клупата се чувствуваше паника кога противникот ќе дојдеше пред нашиот гол. Кога го постигнавме вториот гол за Арсенал, ја имавме контролата на топката и мило ми е што брзо се вративме во игра. Без разлика на исходот, задоволен сум со залагањето на моите играчи, играа со срце, но ние и натаму не сме константни“, истакна Мурињо по дербито со „топчиите“.

Пеле: Марадона беше многу подобар од Меси

Златко Јуруковски

-

06.12.2018

0

Според бразилската фудбалска легенда Пеле, Диего Марадона бил многу подобар фудбалер од Лионел Меси, а Кралот на фудбалот повремено го критикуваше сонародникот Нејмар.

„Тешко е да го браниш Нејмар поради работите кои ги прави надвор од фудбалскиот терен. Сум разговарал со него и му кажав дека фудбалското знаење го има. Немаше среќа со репрезентацијата, не бил светски првак и тоа го обележува. Му кажав дека Господ му дал талент, но сам си ја комплицира работата со однесувањето. Тој е покомплетен од Мбапе, но во Европа зборуваат повеќе за Франзцузинот“, изјави Пеле.

Пеле и Марадона ги надминаа недоразбирањата кои ги имаа во минатото и сега се во одлични односи, па Бразилецот смета дека најдобар аргентински играч на сите времиња е Диего.

„За мене, Марадона е еден од најдобрите во историјата и ако ме прашувате дали е подобар од Меси, ќе ви кажам да, многу беше подобар. Одлични беа и Бекенбауер, Кројф“, рече 78-годишниот Пеле, кој трипати беше светски првак со „кариоките“.

Парондо: Јас сум виновен што не игравме добро

Златко Јуруковски

-

06.12.2018

0

Вардар ја оствари осмата победа сезонава во СЕХА-лигата, го совлада Металург со минимални 27:26 и имаме уште три натпревари пред да почнат подготовките на репрезентацијата.

„Најважно е дека победивме. Потребни ни беа овие бодови, па затоа сме задоволни. Јас лично ја преземам одговорноста за нашата лоша игра, бидејќи моја беше одлуката да им дадам малку одмор на некои од првотимците. Сакав да ги одморам по тешкиот дуел со Кјелце“, изјави тренерот Роберто Парондо.

Еден од јунаците на Вардар беше младиот голман Марко Кизиќ, кој ја прикажа најдобрата партија во кариерата.
„Добро се подготвував за овој натпревар. Секогаш кога се игра со Металург, натпреварот е тежок. Ние ја имавме фаворитската улога и постоеше притисок. Покрај тоа, ни фалеа и некои важни играчи. На крај успеавме да го изменаџираме мечот и да победиме, иако играта не ни беше каква што посакувавме“, рече Кизиќ.

Тренерот на „металурзите“, Данило Брестовац, смета дека тимот играл добро, но му фалела тактичка дисциплина.

„Добро игравме во овој период од сезоната, но ни недостасува тактичка дисциплина. Претпоставувам дека причината е што играчите се млади и неискусни. Добро се подготвувавме, го анализиравме Вардар и мора што побрзо да го применуваме тоа што го договараме и тренираме. Генерално, задоволен сум како му се спротивставивме на многу силниот противник“, изјави Брестовац.

Анахејм се навикна на драматични победи

Томас Ѓорѓиевски

-

06.12.2018

0

Анахејм дакс оствари победничка серија од пет средби во низа откако ноќеска со 4-2 го совлада тимот на Чикаго блекхокс. „Патките“ како да се навикнати во драматични мечеви да извојуваат победи, слично како и на претходните средби против Вашингтон, Каролина и Флорида.

На дуелот во „Хонда центарот“ се чинеше дека Анахејм лесно ќе запише нова победа откако со 2-0 го освои почетниот период. Во вторатата третина гостите возвратија со иста мера, но само за четири минути во решавачките 20 Касе им донесе нова предност на домаќините, а потоа Силфверберг го искористи празниот гол на противникот и на минута и пол до крајот ги реши сите дилеми.

Петтата победа во низа на Анахејм воедно значеше и петти пораз по ред на Чикаго.

Мечот меѓу Сент Луис блус и Едмонтон ојлерс мораше да се одлучува со изведување на пенали, откако резултатот гласеше 2-2 по регуларниот дел. Домаќините по 13 минути игра во првата третина остварија предност од два гола, додека „нафташите“ со по еден гол во останатите два периоди успеаја да се израмнат. Средбата продолжи во дополнително време, во кое ниту едната ниту другата екипа не успеа да го реализира одлучувачкиот гол, остана да се изведуваат пенали.

Бозак го реализираше првиот пенал за Сент Луис, а потоа домаќините промашија два по ред, па прецизноста на Нуџент-Хопкинс и Мекдејвид беше доволна за Едмонтон да го оствари 14-тиот овосезонски триумф.

„Ајкулите“ од Сан Хозе со убедливи 5-1 лесно го совладаа тимот на Каролина хурикејнс. Победникот беше решен веќе по два периоди, во кои домаќините постигнаа по два гола, додека за Каролина почесниот гол го постигна Валмарк пред финишот на втората третина.

Милнер испиша историја во Премиер лигата

Златко Јуруковски

-

06.12.2018

0

Џејмс Милнер од Ливерпул синоќа беше стрелец на првиот од трите гола за „црвените“ и се запиша во историјата на Премиер лигата. Рекордот кој го држи е серија од 50 натпревари од најсилната англиска лига на кои давал гол и неговиот тим никогаш не загубил.

Ова е неверојатна статистика која ја има ветеранот. Милнер во својата премиерлигашка кариера, која трае 16 години, даваше голови за Лидс, Њукасл, Астон вила, Манчестер сити и Ливерпул. Уште еднаш се потврди дека неговите голови им носат среќа на тимовите, па Ливерпул победи со 3-1. На овие 50 премиерлигашки меча на кои Милнер постигнувал погодоци, неговите тимови имаат 39 победи и 11 нерешени.

Значи, репецтот е познат. Во Ливерпул треба да го форсираат Милнер почесто да постигнува голови.

Инаку, колото во Премиер лигата кое се комплетираше вчера е прво по осум години во кое сите 20 тима постигнаа гол.