Среда е разиграна со вонредните кола во англискиот и францускиот шампионат, има и натпревари во Србија, а во неколку земји се играат и куп-натпревари. Понудата е богата, а ние одбравме пет натпревари од три различни првенства.

Спартак Суботица – Црвена ѕвезда (16 часот)

Црвена ѕвезда ќе игра во Суботица, а со мислите полека се насочуваат кон последниот меч во фазата по групи против Пари Сен Жермен во Лигата на шампионите.

Во српското првенство „црвено-белите“ се неприкосновени и по 18 кола, имаат 9 бодови предност пред второпласираниот Раднички Ниш и цели 13 повеќе од вечниот ривал Партизан.

Денеска против Спартак нема да игра Ненад Крстичиќ, но гостите имаат одличен ростер и лесно ќе најдат замена. Домаќините се во долниот дел од табелата, а последните три меѓусебни дуели со Црвена ѕвезда ги губеа со негатива уште на полувремето.

Предлог тип: T2 1+I & Т2 2+ (1.80) Квота на денот

Барнли – Ливерпул (20.45 часот)

Барнли го плаќа европскиот данок и по 14 кола е претпоследен во Премиер лигата. Играа во квалификациите за Лигата на Европа, што им беше прв европски настап по повеќе од половина век, но очигледно е дека немаат голем избор на квалитетни играчи за да го издржат пеколното темпо што го наметнува играњето во Премиер лигата.

Барнли имаше и сè уште има големи проблеми со повреди на играчите, па Шон Дајш постојано е на мака како да го состави тимот.

Ливерпул игра одлично сезонава, сè уште е без пораз во англискиот шампионат и е голем фаворит денеска против Барнли. Можно е Садио Мане да не игра, веројатно ќе паузираат и Робертсон и Лалана, можеби и уште некој фудбалер од првата постава, но „црвените“ од Енфилд не би требало да имаат проблеми да го победат годинава скромниот тим на Барнли.

Предлог тип: 2&0-29 минута (2.20) Квота на денот

Манчестер јунајтед – Арсенал (21 часот)

Арсенал нема победа на „Олд Трафорд“ од деветти март 2015 година, а гостувањата на храмот на фудбалот на „топчиите“ им е едно од најтешките во Премиер лигата.

Ривалитетот е голем, се засили во новиот милениум со неколку митски натпревари меѓу двата тима. Во моментов Арсенал е во подобра форма, но Јунајтед е домаќин, па донекаде шансите се израмнети. Последните два меча ги доби Манчестер, еден дома, еден на гостински терен и може да се потпре на традицијата.

Арсенал, во препознатлив стил, игра офанзивен фудбал и со Унаи Емери како кормилар, а на последните 20 натпревари само Спортинг Лисабон успеа да ја сочува мрежата од опасните и ефикасни „топчии“.

Предлог тип: 1Х&2-4 (2.30) Квота на денот

Фулам – Лестер (20.45 часот)

Клаудио Раниери ќе биде во фокусот, како сегашен менаџер на Фулам и поранешен на Лестер. Тој е човекот што испиша историја со Лестер и го доведе тимот на сензационален начин до првата титула во Премиер лигата во сезоната 2015/16.

Стартот на клупата на Фулам му беше одличен со победата против Саутхемптон, но потоа повторно на виделина излегоа сите слабости на тимот од Лондон во поразот од Челзи.

Раниери е искусен тренер, но прашање е дали може на кус рок да ги среди работите во таборот на Фулам. Клуб кој потроши многу пари во летниот преоден рок и наместо битка за Европа, е на дното на Премиер лигата.

Домаќините имаат квалитет, бодови се собираат со напаѓачка игра, а Лестер има лек за екипи што напаѓаат. Популарните „лисици“ веројатно ќе играат без двајцата репрезентативци, Варди и Мекгваер, но и немаат пораз на пет меча по ред и можат да го прегрмат и гостувањето на „Крејвен котиџ“.

Предлог тип: Х2&3-6 (2.75)

Стразбур – Пари Сен Жермен (21 часот)

Стразбур игра одличен фудбал и е мошне незгодна екипа, која тешко се победува. Особено добро играат во последно време, а најдобро тоа го почуствува Рен, екипата што беше декласирана дома со 4-1 во претходното коло од француското првенство.

На „Стад де ла Меино“ денеска ќе им гостува најдобрата екипа во Франција, Пари Сен Жермен. „Светците“ во минатата рунда ја завршија импресивната серија од 14 победи по ред, со реми против Бордо, а останаа и без Нејмар, кој е повреден. Можно е вечер и Мбапе да не игра, што би бил голем хендикеп за ПСЖ.

Сепак, гостите се фаворити, а Стразбур ќе биде опасен противник и има потенцијал да им пружи силен отпор на гостите од Париз. На последните два меча меѓу овие две екипи имаше вкупно 13 голови, а и вечерва е можно гол-шоу во Стразбур.

Предлог тип: ГГ1 (4.33)